Að skemmta skrattanum og ríkjandi valdhöfum....

Hver annar gæti tilgangur þessarar uppákomu verið?  Það hafa vissulega allir sinn lýðræðislega rétt til að tjá sig, en það er helber dónaskapur að grípa fram í og tala ofan í aðra, eins og þessi hópur ætlar að gera.

Ég get ekki betur séð en að sá hópur, sem fyrir þessu stendur sé "gerður út" af stuðningsmönnum ríkjandi valdhafa.  Hans hlutverk er að reyna að "trufla" ríkjandi samstöðu meðal mótmælenda en þeim verður vonandi ekki kápan úr því klæðinu.

Samtökin Raddir fólksins leggja áherslu á friðsamleg fjöldamótmæli um land allt. Máttur fjöldans mun færa þjóðinni langþráðar stjórnarbætur og nýtt Ísland.

Ræðumenn :

• Svanfríður Anna Lárusdóttir – Atvinnulaus
• Gylfi Magnússon - Dósent

Fundarstjóri :

• Hörður Torfason

Ég sendi baráttukveðjur til allra þeirra sem munu sækja mótmæla- og samstöðufundi um allt land í dag til að mótmæla óásættanlegu ástandi og ríkjandi valdhöfum.

Að lokum vil ég benda þeim lesendum mínum sem ekki hafa uppgötvað bloggsíðu Láru Hönnu Einarsdóttur larahanna að lesa bloggið hennar í dag, sem og alla aðra daga.

Power to the people - John Lennon:

Nýjar raddir boða fund

Fékkstu sprautu?

Þetta er ein algengasta spurningin á mínum vinnustað á inflúensusprautu tímabilinu, sem er í okt./nóv.

Ég þigg alltaf sprautuna, þar sem ég fékk "flensuna" einhvertíma svo slæma að ég lenti á sjúkrahúsi.  En hvað er í sprautunni.  Það fer víst eftir því hvort það er verið að sprauta fyrir stofni a, b eða c

Við sem vinnum í heilbrigðisgeiranum fáum þessa sprautu frítten auðvitað borgar hana einhver....því það er víst ekkert frítt í henni veröld

Nú er ég búin að liggja í pest/flensu í 10 daga og í dag fékk ég lyf sem eiga að herja á þessu helvíti, þau voru ekki ókeypis   kr. 10.000.- takk fyrir takk

En hvað er í þessari flensusprautu?  Hér kemur ein kenningin:

Er það nokkuð skrítið að maður liggi?

 

 

Stormviðvörun!

Jæja, Mbl. er aðeins að ranka við sér.  Ummæli frá fundinum í gær eru nú í stríðum straumi borin undir "ráðamenn", en þessir ráðamenn voru náttúrulega ekki mættir á þennan fund með "skrílnum", þannig að þeim er í lófa lagt að svara án ábirgðar eða svara bara alls ekki.

Önnur frétt birtist á Mbl. vefnum um að Robert Wade hafi verið boðaður á fund "fulltrúa" forsætis- og viðskiptaráðuneytis:

"Fulltrúar forsætisráðuneytisins og viðskiptaráðuneytisins munu hitta Robert Wade, hagfræðing og prófessor við London School of Economics, á morgun. Wade var meðal ræðumanna á opnum borgarafundi í Háskólabíói.

Wade sagði í Kastljósi Sjónvarpsins í gærkvöldi, að búast mætti við nýrri dýfu í vor, svipaðri og varð í september þegar bandaríski seðlabankinn ákvað að koma ekki í veg fyrir gjaldþrot fjárfestingarbankans Lehman Brothers.

Wade þekkir vel til mála Íslands og hefur skrifað greinar í erlend blöð um ástand efnahagsmála hér. Hann hélt meðal annars erindi á fundi á vegum viðskiptaráðuneytisins í ágúst árið 2007 hér á landi".

Betra er seint en aldrei....en ég er ansi hrædd um að þetta sé þremur mánuðum of seint.

Sjálfsagt þykir það góð fréttamennska að birta ekki frétt nema að bera hana undir þann eða þau sem um er rætt.  Varaformaður Samfylkingar var á þessum borgarafundi.....er kannski búið að banna fjölmiðlum að tala við hann?

Ég vona að fjölmiðlar sjái sér fært að fylgja eftir öllum þeim upplýsingum sem fengust á téðum fundi eftir að sýnt hefur verið frá honum á morgun.  Auðvitað átti ríkissjónvarpið að sýna beint frá þessum fjölmenna borgarafundi það er hlutverk þessa ríkisfjölmiðils að halda landsmönnum öllum upplýstum ....sérstaklega þegar alheimsfellibylur, eins og Geir segir að eigi leið um landið okkar 

 

Kreppan getur dýpkað

Borgarafundur í stað dægurlaga?

Ég vona svo sannarlega að bekkurinn verði þéttsetinn í Háskólabíói í kvöld.  Sjálf verð ég því miður að tilkynna forföll, þar sem það ætlar að ganga illa að losna við þessa pest/flensu sem hefur verið að hrjá mig síðustu vikuna.  Vona bara að einhver verði svo vænn að fylla mitt sæti

Sé að RÚV ætlar að taka upp fundinn og sjónvarpa seint á miðvikudagskvöldið en ég vona að einhver útvarpsstöðin sjái sér fært að gera hlé á flutningi dægurlaga og útvarpi beint frá fundinum 

 

 

Borgarafundur í Háskólabíói í kvöld

Nýtt lýðveldi.

Kannski er það rétt hjá Herði Torfasyni að mótmælin séu rétt að byrja.  Ég hins vegar vona að svo sé ekki, því ég held að við höfum ekki mikinn tíma ef við ætlum okkur að ná fram breytingum til batnaðar í þessu grútspillta þjóðfélagi okkar.

Mótmælin eru svo sannarlega farin að bera árangur.  Silfur Egils er skýrt dæmi um það.  Stjórnmálamönnum sem til skamms tíma völsuðu inn í þann þátt með misþreyttar lygaþvælur hefur að mestu verið úthýst úr þættinum og inn er kominn "maðurinn af götunni", eða þjóðin mín eins og ég vil kalla þau.

Þeir sem mest hafa gagnrýnt mótmælendur hafa kallað eftir "lausnum".  Lausnirnar komu á færibandi í þessum þætti.  Vil ég í því sambandi nefna framlag Lilju Mósesdóttur, Jakobínu Ólafsdóttur og síðast en ekki síst Njörð P. Njarðvík.

Njörður var með lausn sem mér hugnast vel.  Hann vill að við stofnum nýtt lýðveldi.  Komið verði á "Neyðarstjórn" sem starfi í allt að 2 ár og ráðist verði að rótum vandans, sem að hans mati er m.a. flokksræði, ofurvald framkvæmdavaldsins og vanmáttugt þing.  Nýju lýðveldi myndi að sjálfsögðu fylgja ný stjórnarskrá.

Ég hef áður tekið undir álíka hugmyndir, t.a.m. frá bloggvini mínum Baldri Gauta Baldurssyni formosus , sem á sínum tíma setti eftirfarandi inn í kommentakerfið hjá mér:

Mín hugmynd er að senda Alþingi heim í 2 ár. Sett verði utanþingsstjórn með forseta Íslands i forsæti. Í þessari stjórn sitji bara sérfræðingar, hver á sínu sviði. Þessir aðilar fái ráðherravald. Þeir sitji i 2 ár og stýri landinu til hafnar og síðan til gjöfulla miða þegar búið er að rétta af ballest þjóðarskútunnar. 

Þetta sé neyðarráðstöfun í 2 ár og á þeim tíma fái nýtt alþingisfólk að koma fram og jafnvel nýir þjóðvænir stjórnmálaflokkar.

Ég lýsi því hér með yfir að ég er tilbúin að fylgja þeirri "hreyfingu" sem er tilbúin að berjast fyrir stofnun nýs lýðveldis.

Geri þetta hér með að þemalagi síðunnar:

John Lennon.....Power to the people!

 

 

Hörður: Mótmælin rétt að byrja

Ó, þjóð mín þjóð!

Skv. meðfylgjandi frétt, hangir snara um hálsinn á fyrirtækjum í landinu, sem blæðir smátt og smátt út.

Í fréttinni kemur einnig fram spá um að um 3.500 fyrirtæki stefni í þrot innan næstu 12 mánaða.  Hvað ætli starfsmenn þessara fyrirtækja séu margir?  Hvað ætli margir þeirra munu innan nokkurra mánaða vera komnir á atvinnuleysisbætur, sem eru að hámarki kr. 150.000.-pr. mán.  Atvinnubætur eru að sjálfsögðu ekki skattfrjálsar.

Já, já, lifum með þessu, því það er ekkert við þessu að gera.....eða hvað?

Þeir sem ekki hafa nú þegar gert bloggsíðu Láru Hönnu Einarsdóttur að skyldulesningu eru hvattir til að lesa þessa færslu hennar.

"Þjóðin" mætir vonandi á Austurvöll í dag kl. 15:00

Ávörp flytja:

Þorvaldur Þorvaldsson, trésmiður
Lilja Mósesdóttir, hagfræðingur 
Lárus Páll Birgisson, sjúkraliði 

 

Fundarstjóri er Hörður Torfason.

 

Fyrirtæki hanga í snöru

Þetta var...

góður borgarafundur í kvöld og auðvitað mættum við Hólmdís, hvað annað.  Ég veit ekki um aðra en ég skynjaði sátt í lok fundarins bæði meðal hinna ýmsu hópa mótmælenda og lögreglu og það fannst mér flott.

Ég hef það líka á tilfinningunni að nú fari að fjölga þeim  íslendingum sem muni með virkari hætti taka þátt í mótmælafundum.  Afleiðingar hrunsins eru hægt og bítandi að koma í ljós.....kannski ekki svo hægt, 10.000 manns hafa misst atvinnuna og það er skelfilegt.

Við vitum að efnahagskreppan hér á landi er verri/dýpri en annars staðar í heiminum vegna þess að við höfum haft vanhæf stjórnvöld, sem sváfu á verðinum og leyfðu "útrásar fjárglæframönnum" bankanna og annarra fjármálavanvita að veðsetja þjóðina að gjaldþrotamörkum.  Ekki bara leyfðu, heldur tóku stjórnvöld að forseta vorum meðtöldum fullan þátt í skrípaleiknum, sem sérlegir erindrekar og bakhjarlar.  

Fólk er farið að mótmæla út um allt land og samstaðan meðal þeirra sem gera sér grein fyrir ástandinu er djúp og mikil.  Mótmælendur eru á öllum aldri.  Til að byrja með var ég hálf hissa á því að minn aldurshópur var ansi áberandi á fundunum.....en svo áttaði ég mig.  Mín kynslóð er í rauninni eina kynslóðin, sem ólst upp við mótmæli og var stolt af þeim.  Við erum hippakynslóðin, sem var vakin til meðvitundar um að sinnuleysi leysti engan vanda....en mótmæli skiluðu árangri.  Við létum ekkert aftra okkur frá því að láta skoðun okkar í ljós....við vorum frjáls.

Mótmæli skila árangri og það veit þingheimur.....því þar eru afar margir af hinni baráttuglöðu '68 kynslóð.  Geir tók kannski ekki þátt í Keflavíkurgöngum en hann tók eflaust þátt í annarri baráttu, sem var "Varið land" eða eitthvað í þá áttina...og mikið djö.... þurftu hans skoðanabræður að hafa fyrir þeirri baráttu.

Næsti borgarafundur verður í Háskólabíó mánudaginn 12. janúar kl. 20:00.  Mjög áhugaverðir frummælendur og fjöldinn sem sækir þessa fundi skiptir máli.....því fjöldinn er sá þrýstingur sem við þurfum.  Ég vona því að allir sem vettlingi geta valdið mæti og taki þátt.  Mæting sýnir samstöðu.

Fullt út úr dyrum í Iðnó

HFF

Hvað segir þessi "opinbera" tala okkur?

"Atvinnuleysi í landinu eykst enn og eru nú tíu þúsund manns án atvinnu samkvæmt vef Vinnumálastofnunar". 

Segir þetta okkur kannski að 10.000 fyrirvinnur séu nú á atvinnuleysisbótum með hámark kr. 150.000.- í mánaðar "laun"?

Fyrir nokkrum misserum var birt skýrsla frá OECD þar sem fram kom að um 5000 íslensk börn byggju við fátækt.....fjölskyldur þeirra voru með tekjur undir framfærslumörkum.  Þetta gátu skýrsluhöfundar OECD staðhæft með falskar upplýsingar frá íslenskum embættismönnum, sem skv. heimildum fegra alltaf hlutina, þegar OECD kallar eftir upplýsingum og án þess að til væri "opinber" tala um framfærslumörk hér á landi.  

Geir Haarde dró þessar tölur OECD í efa, taldi þetta ýkt og að þarna væri miðað við stuðul, sem ekki væri íslenskur....enda íslenski stuðullinn ekki til

Núverandi félagsmálaráðherra, sem þá var í stjórnarandstöðu fór mikinn, og fordæmdi ísl. stjórnvöld fyrir að láta þetta viðgangast á tímum "góðæris"....hún kallaði eftir raunhæfum framfærslumörkum og réttlæti og mikið var ég ánægð með Jóhönnu ......þá.

Í dag er Jóhanna Sigurðardóttir í draumaaðstöðu til að koma á "opinberum, viðurkenndum framfærslugrunni" þar sem lágmarkskjör verði ákveðin sem dugi til lámarks mannsæmandi framfærslu.  Jóhanna verður að hafa hraðan á því mér sýnist á öllum aðgerðum stjórnvalda að verið sé að undirbúa kosningar á næstu mánuðum sbr. flýtimeðferð heilbrigðisráðherra á einkavæðingu heilbrigðisgeirans og uppstokkun og væntanlegri einkavinavæðingu utanríkisráðherra í snobbembættum utanríkisráðuneytisins.  Helvítis fokking fokk

En rýnum aftur í þessa "opinberu" tölu um atvinnulausa.  Skv. staðlaðri hugmynd um hina ísl. vísitölufjölskyldu eru væntanlega 25.000 börn, sem fylgja þessum 10.000 fyrirvinnum með hámark kr. 150.000.- í tekjur á mánuði.   Hvar eru fátæktarmörkin?

Mun næsta skýrsla OECD sýna okkur að minnst 30.000 íslensk börn búi við fátækt?

H = Helvítis

F = Fokking

F = Fokk

HFF

 

Yfir 10 þúsund án atvinnu

Bara allir í boltanum....

.....frábær húmor mótmælenda og þeir sem hingað til hafa ekki viljað "persónugera" sökudólgana í efnahagshruninu eru núna að missa sig yfir að ekki er hægt að "persónugera" mótmælendur

Spiluðu knattspyrnu í bankanum

Eitt á hausinn annað í vasann......

Og ennþá rúllar viðbjóðurinn  Hvernig er hægt að sigla einu fyrirtæki í þrot og kaupa svo annað á sama tíma?

"Sterling var lýst gjaldþrota í októberlok. Það var í eigu Northern Travel Holding, sem var alfarið í eigu Fons, eignarhaldsfélags Pálma Haraldssonar. Fons á m.a.  Iceland Express".

Iceland Express, sem er alfarið í eigu Fons einarhaldsfélags Pálma Haraldssonar var svo að kaupa/yfirtaka Ferðaskrifstofu Íslands.....Please ekki meira svona rugl

Háar kröfur í bú Sterling