HFF

Hvað segir þessi "opinbera" tala okkur?

"Atvinnuleysi í landinu eykst enn og eru nú tíu þúsund manns án atvinnu samkvæmt vef Vinnumálastofnunar". 

Segir þetta okkur kannski að 10.000 fyrirvinnur séu nú á atvinnuleysisbótum með hámark kr. 150.000.- í mánaðar "laun"?

Fyrir nokkrum misserum var birt skýrsla frá OECD þar sem fram kom að um 5000 íslensk börn byggju við fátækt.....fjölskyldur þeirra voru með tekjur undir framfærslumörkum.  Þetta gátu skýrsluhöfundar OECD staðhæft með falskar upplýsingar frá íslenskum embættismönnum, sem skv. heimildum fegra alltaf hlutina, þegar OECD kallar eftir upplýsingum og án þess að til væri "opinber" tala um framfærslumörk hér á landi.  

Geir Haarde dró þessar tölur OECD í efa, taldi þetta ýkt og að þarna væri miðað við stuðul, sem ekki væri íslenskur....enda íslenski stuðullinn ekki til

Núverandi félagsmálaráðherra, sem þá var í stjórnarandstöðu fór mikinn, og fordæmdi ísl. stjórnvöld fyrir að láta þetta viðgangast á tímum "góðæris"....hún kallaði eftir raunhæfum framfærslumörkum og réttlæti og mikið var ég ánægð með Jóhönnu ......þá.

Í dag er Jóhanna Sigurðardóttir í draumaaðstöðu til að koma á "opinberum, viðurkenndum framfærslugrunni" þar sem lágmarkskjör verði ákveðin sem dugi til lámarks mannsæmandi framfærslu.  Jóhanna verður að hafa hraðan á því mér sýnist á öllum aðgerðum stjórnvalda að verið sé að undirbúa kosningar á næstu mánuðum sbr. flýtimeðferð heilbrigðisráðherra á einkavæðingu heilbrigðisgeirans og uppstokkun og væntanlegri einkavinavæðingu utanríkisráðherra í snobbembættum utanríkisráðuneytisins.  Helvítis fokking fokk

En rýnum aftur í þessa "opinberu" tölu um atvinnulausa.  Skv. staðlaðri hugmynd um hina ísl. vísitölufjölskyldu eru væntanlega 25.000 börn, sem fylgja þessum 10.000 fyrirvinnum með hámark kr. 150.000.- í tekjur á mánuði.   Hvar eru fátæktarmörkin?

Mun næsta skýrsla OECD sýna okkur að minnst 30.000 íslensk börn búi við fátækt?

H = Helvítis

F = Fokking

F = Fokk

HFF

 

Yfir 10 þúsund án atvinnu

Athugasemdir

[Sædís Hafsteinsdóttir, 8.1.2009 kl. 15:04]

Sammála hff

[Rut Sumarliðadóttir, 8.1.2009 kl. 15:30]

HFF-HFF-HFF-HFF-HFF.......

[Helga Magnúsdóttir, 8.1.2009 kl. 15:35]

Vonandi verða kosningar í vor áður en þessi stjórn gerir meira illt af sér. Næsta stjórn gæti svo hugsanlega tekið í taumana og reynt að koma í veg fyrir að þetta gerræði Guðlaugs nái að verða að veruleika.

[GOLA RE 945, 8.1.2009 kl. 16:23]

Hff.

Það verður að kjósa sem allra fyrst, áður en þessi vonlausa ríkisstjórn fer með allt endanlega til helvítis. Það fauk síðasta hálmstráið með Sollu þegar hún lýsti yfir fullum stuðningi við Árna Matt.

Guðlaugur verður búinn að vinna óbætanlegt tjón á heilbrigðiskerfinu innan fárra vikna. Enda stóð ekki annað til á þeim  bæ en það rústa því og einkavæða.

Siðlausu bankaræningjarnir halda áfram sinni iðju, í boði ríkisstjórnarinnar. Við sáum siðblinduna hjá Bjarna Ármannssyni í kastljósi um daginn og svo hjá Óla lopa í fréttablaðinu í morgun. Það er kostulegt hjá honum þegar hann er búinn að setja sinn eyin banka á hausinn, um leið og allt þjóðfélagið, þá krefst hann þess að við borgum hundruð miljarða sem hann tapar á eyin klúðri og gambli með gjaldeyri.

[Hólmdís Hjartardóttir, 8.1.2009 kl. 16:29]

HFF

[Ía Jóhannsdóttir, 8.1.2009 kl. 16:34]

H F F   -  Amen

[Brynjar (IP-tala skráð) 8.1.2009 kl. 19:14]

Gaman að lesa þegar fólk kemur með sleggjudóma byggða á stærðfræði-kunnáttu sem myndi ekki standast 5. bekks próf.

það að halda því fram á á bakvið 10.000 atvinnulausa einstaklinga séu um 20.000 börn (börn = einstaklingar 18 ára og yngri) er þvílík fyrra að það hálfa væri nóg.

Skv. tölum frá hagstofu eru 84.589 einstaklingar 18 ára og yngri á íslandi í dag, flokkast hér sem "Börn". Vinnufært fólk er skilgreint á aldrinum 16-67 ára, og samtals eru þeir einstaklingar 210.850 á landinu í dag. Það gerir um 0,4 börn á hvern vinnufærann einstakling.

Í dæminu hjá þér þá gerir þú ráð fyrir 2 börnum á hvern einasta atvinnulausan einstakling (4 börn per hjón) sem er ofmetið hjá þér um 500%. Réttara væri að gera ráð fyrir að þetta væri um 4.000 börn m.v. verstu útkomu. Það þarf ekki endilega að vera svo að "fyrirvinnann" hafi verið sá sem missti vinnuna í hverju einasta tilviki!

Síðan spáir þú að 30.000 börn muni lifa undir fátækrarmörkum sem gerir um 36% af heildarfjölda barna á Íslandi. Þessa ályktun dregur þú í um 5-6% atvinnuleysi eins og staðan er í dag... margir spáðu því að í janúar-febrúar myndi vera 15-20% atvinnuleysi, það er enn spotti í það!!

 mikið rosalega er fólk fljótt að draga ályktanir að óathugðu máli!

[Lísa Björk Ingólfsdóttir, 8.1.2009 kl. 22:27]

Tja - það er eitt sem ekki er inni í þessum tölum um atvinnulausa og það eru allir sem sáu þá leið eina færa að drífa sig í nám á námslánum.  Voru ekki 1600 umsóknir í HÍ?  Hvað var þá með hina skólana? Tæknilega séð er þetta ekki "atvinnulaust" fólk - þ.e. ekki fólk í atvinnuleit.  Hinsvegar er samt dulið atvinnuleysi þarna á ferð og því má draga þá ályktun að atvinnulausir séu kannski mun fleiri. Námslánin eru jafnvel enn lægri en atvinnuleysisbæturnar.  Hvorki fæst tekjutenging við laun undanfarinna mánaða en hins vegar dragast frá 10% launa sl. árs.  Hér eru því margir komnir undir framfærslumörk. 

Má ég líka benda á það að þeim sem sagt var upp fyrstu mánaðarmót eftir kreppu og eru með 3ja mánaða uppsagnarfrest verða ekki "atvinnulausir" fyrr en 1. febrúar.  Ég spái því að það verði ansi stórt stökk þá.

Nú - ekki eru allir vinnufærir einstaklingar á vinnumarkaði.  Þarna hlýtur allgott hlutfall að vera í námi (16 - 25 ára) einhverjir heimavinnandi o.s.frv.  Þetta skekkir útreikningin sem segir til um 0,4 börn pr. vinnufæran einstakling. Enda væri það hörmung ef allir 16 ára unglingar væru með barn á framfæri......

Í pistli höfundar er ekkert sem segir til um að atvinnulausir einstaklingar séu hjón - og þá með 4 börn.  Í nútíma þjóðfélagi þurfa hinsvegar í flestum tilfellum báðir aðilar að vinna úti, allavega kynslóðirnar sem ekki eiga skuldlausar eignir (kynslóðirnar á eftir tilkomu verðtryggingar, en þar áður át verðbólgan upp skuldir efri kynslóða - þessvegna eru til skuldlausar eignir á fróni).  Ef annað hjóna verður atvinnulaust og skuldirnar hrannast upp þá er ekkert óraunhæft við að þar séu tvö börn með í för.

Þannig að - stærðfræði er bara greinilega ekki nóg til að álykta um ástandið. Persónulega finnst mér útkoma Brynjars hér að ofan mun fjær sannleikanum en útkoma Sigrúnar.  Smá fróðleikur í hagfræði í tengslum við atvinnumarkaðinn gagnast ekki síður en stærðfræði - stundum betur.

[Magnús Paul Korntop, 8.1.2009 kl. 22:31]

Já,Helvítis

Fokking,

Fokk.

[Sigrún Jónsdóttir, 9.1.2009 kl. 00:21]

Takk fyrir innlit öll og kærar þakkir Lísa fyrir að svara Brynjari:)

Ég hafði nú ætlað að svara Brynjari sjálf þegar ég kæmi heim af borgarafundinum en ætla að láta umsögn Lísu standa en við Brynjar vil ég einungis segja; Vona að þér líði aðeins betur eftir að hafa komið þinni þröngsýnu stærðfræði á framfæri og að þú endir ekki sem einn í atvinnuleysishópnum með barn á framfæri....því þá kemur stærðfræðin þér ekki að neinum notum

[Jakobína Ingunn Ólafsdóttir, 9.1.2009 kl. 01:27]

Þetta er ömurlegt. Það þarf að breyta þessum fjanda....

[Jenný Anna Baldursdóttir, 9.1.2009 kl. 01:32]

HFF x 1000

[Jóna Kolbrún Garðarsdóttir, 9.1.2009 kl. 01:39]

HFF