Stattu þig Jóhanna :)

Ég vil byrja á því að óska Jóhönnu Sigurðardóttir til hamingju með væntanlegt hlutverk.  Sem forsætisráðherra verður hún í "bílstjórasætinu".

Einhverjar sögusagnir eru einnig um að hún muni halda Félagsmálaráðuneytinu og er hún þá komin í óskastöðu félagsmálafrömuðarins.

Fréttir herma einnig að í stól fjármálaráðherra verði settur annar málsvari félagshyggju, sem getur illa sett sig í andstöðu við við skoðanir Jóhönnu í félagslegu tilliti.

Heilbrigðisráðherrann ku verða einn mesti málsvari fólks í umönnunargeiranum svo það gætu orðið "spennandi og skemmtilegir" tímar framundan í kjarabaráttu heilbrigðisstarfsfólks.

Vér jarðbundnir skynjum þó alvarlega stöðu þjóðarinnar og setjum væntingar í bakpokann í bili.  Erum vön því og bök okkar orðin ansi breið og sterk eftir áratuga átroðning frjálshyggjunnar.

Heimilið er hornstein hvers þjóðfélags.  Endurreisn þeirra er forsemda þess að við getum byrjað uppbyggingu réttláts samfélags.

Mikið rosalega voru utanþingsmennirnir, Viðar Þorsteinsson og dr. Andrés Magnússon góðir í Silfri Egils í dag

Skjaldborg slegið um heimilin

Athugasemdir

[Hólmdís Hjartardóttir, 1.2.2009 kl. 16:09]

Jóhanna rokkar

[Sigríður Ásdís Karlsdóttir, 1.2.2009 kl. 16:49]

Til hamingju 'Island segji ég nú með að hafa komið íhaldinu í burtu. Vona svo að fólk verði ekki búið að gleyma, þegar kemur að kosningum. Jóhanna á allt góð skilið og hennar tími er komin og Sigrún mín ef þessi stefnuskrá stendur(sem ég efast ekki um að gerir) mun bæn þin verða  af veruleika. Baráttukv, frá norge.

[Jenný Anna Baldursdóttir, 1.2.2009 kl. 17:18]

Það hvílir mikið á Jóhönnu og væntingarnar allt of miklar.

En ég trúi því staðfastlega að hún sé komin í góðan félagsskap og hlutir muni gerast.

[Guðrún Emilía Guðnadóttir, 1.2.2009 kl. 19:45]

Tek undir hamingjuóskir henni til handa og vona að þeim öllum takist að gera það sem þarf að gera.
Mest er ég hrædd um að þeir sem hafa pínt sig áfram til að vera í skilum fái ekki hjálp, en við sjáum til.
Kveðja
Milla

[Heidi Strand, 1.2.2009 kl. 20:59]

Ég fylltist af bjartsýni eftir silfrinu i dag.