Lyklavöld heimilana vonandi tryggð:)

Ég er nokkuð sátt við nýja ríkisstjórn, tel hana vera það besta sem við getum fengið í þeirri slæmu stöðu sem þjóðin er í um þessar mundir.

Mínir uppáhalds stjórnmálamenn úr báðum ríkisstjórnarflokkunum eru komnir með ráðherraembætti.  Jóhanna í brúnni og Katrín Jakobs í Menntamálin.

Námsmenn hljóta að fagna því að sú er tekur við lyklavöldum í Menntamálaráðuneytinu er það ung að hún man ennþá þau baráttumál sem hún sjálf tók virkan þátt í á sínum Röskvu árum. 

Til hamingju með daginn Katrín Jakobsdóttir

Tveir utanþings ráðherrar, sem flestum ber saman um að séu vandaðir og óháðir einstaklingar.  Frábært skref, sem sýnir að einhverjir hafa hlustað á góð ráð mótmælenda.

Öllum ráðherrunum óska ég velfarnaðar í starfi.   Persónulega hefði ég viljað að þau fengju að starfa aðeins lengur en í þessa þrjá mánuði fram að kosningum því það tekur tíma að koma sumum breytingum í gegn.  Eins hefði verið ákjósanlegt að gefa nýjum framboðum aðeins meiri tíma til undirbúnings.

En kannski er líka ágætt að það skuli vera pressa á pólitíkusunum sjálfum til að klára þau verk sem koma heimilunum á réttan kjöl.

Það eru erfiðir tímar framundan og vonandi verða þessi lyklaskipti í ráðuneytunum til þess að íbúðareigendur haldi sínum lyklum. 

Lyklaskipti í kvöld

Athugasemdir

[Einar Áskelsson (IP-tala skráð) 1.2.2009 kl. 22:36]

Tek undir með margt hjá þér Sigrún. Þau gætu fengið að starfa lengur en 82 daga en veltur á árangri þeirra á þeim tíma. Katrín Jak. er efnileg en er hún tilbúin í þetta embætti? Kannski. En Jóhanna skoraði stórglæsilega í dag. Langt síðan að maður hefur fundið fyrir öðru eins krafti í stjórnmálamanni. Hún er foringi og hennar tími loks kominn. Viss um að hún nýti hann, og tryggi að aðrir geri það líka. Hafðu það svo gott kæra.

[Sædís Hafsteinsdóttir, 1.2.2009 kl. 22:41]

Eg tek undir,held að nú se komið fólk sem lætur verkin tala.Hef tröllatrú á nýju stjórninni.

[Jóna Kolbrún Garðarsdóttir, 2.2.2009 kl. 02:22]

Ég vona að þessi stjórn reynist farsæl, og að hún komi réttlæti og sanngirni á.  Ekki veitir af. 

[Gudrún Hauksdótttir, 2.2.2009 kl. 08:29]

Ég hef trú á tessari nýju ríkisstjórn.Manni fannst Jóhanna vera svo langt í burtu eithvad í langann tíma en ég held svei mér tá ad hún sé bara gód sem forsetisrádherra.Svo er hún kona og tad gledur mig´Katrín er skelegg,svo koma Kolbrún Halldórsdóttir  vid vorum skólasystur í gamladaga  hún er skelegg líka.Komin med meyri reynslu  núna. Ásta R hefur ávallt verid ljúf kona .Ég gef tessari nýju ríkisstjórn mitt atkvædi  fram ad kosningum og óska teim velfarnadar í starfi.

Knús til tín Sigrún mín.

[Jenný Anna Baldursdóttir, 2.2.2009 kl. 08:42]

Ég gef þessu klárlega séns en við verðum að vera með ríkisstjórnina í gjörgæslu.

[, 2.2.2009 kl. 11:20]

Já nú er la-la-lag

[Baldur Gautur Baldursson, 2.2.2009 kl. 17:34]

Óska nýrri ríkisstjórn heilla og farsældar í störfum sínum. Hér er þörf á að þjóðin sé hjálpsöm og virði erfiðar ákvarðanatökur, sem kannski er best að taka fyrr en síðar.  Best að koma landinu út úr brunabúi Sjálfstæðisflokks.