Góða veislu gjöra skal....

Það hefur mikið og margt verið fjallað um afmælisveislur útrásargæjanna á undanförnum árum og sitt sýndist hverjum.  Aðfluttir gamlir popptónlistamenn voru t.d. fengnir til að troða upp og hinum nýríku  (allt á lánum vitum við núna) var hampað á síðum Séð og heyrt, svo þetta færi nú örugglega ekki fram hjá þjóðinni/skrílnum.

Ég var ekkert betri en þessir veruleikafirrtu gervimillar, því þegar ég varð 50 ára fyrir einhverjum árum, lét ég Reykjavíkurborg um að halda mér veislu.

Veislan var haldin á Austurvelli, kveikt var á Óslóartrénu, jólasveinar tróðu upp og borgarstjórinn hélt ræðu.  Nokkur hundruð Reykvíkinga mættu í veisluna, og þessir veislugestir gerðu sér enga grein fyrir því að þau voru að borga veisluna mína.

Ég bara mætti með sonardóttur minni, þá 2ja ára og við skemmtum okkur konunglega á kostnað borgarbúa og horfðum á þegar afmælisgjöfin mín frá Óslóarbúum var tendruð.

Ég þekkti ekki marga af þessum afmælisgestum mínum en ég man að þarna hitti ég aftur gamla æskuvinkonu mína sem hafði haldið upp á 50 ára afmælið sitt þann 20 janúar þetta ár.  Kolla Högna viðurkenndi að hennar afmælisveisla hafi verið minni í sniðum.

Ég óska afmælisbörnum dagsins til hamingju með þessi flottu veisluhöld og vona að þeir njóti þeirra eins vel og ég og mínir gestir á sínum tíma.  Það er samt frekar táknrænt að Grýla mæti í ár.

Vissuð þið að það var árið 1952, sem Óslóarbúar gáfu okkur fyrsta Austurvallartréð?  Þessi hefð er semsagt jafngömul mér

 

Grýla prýðir Óslóartréð

Athugasemdir

[Rut Sumarliðadóttir, 30.11.2008 kl. 12:46]

Þú ert miklu eldir en ég, heilu ári!!!

[Sigrún Jónsdóttir, 30.11.2008 kl. 13:11]

Iss Rut....þú nærð mér samt alltaf, er það ekki?  Nema að þú sért fædd ennþá seinna á árinu

Einn af góðu kostunum við að vera fæddur svona seint á árinu er að maður er alltaf yngri en jafnaldrarnir

[Hólmdís Hjartardóttir, 30.11.2008 kl. 15:10]

 afmæliskveðjur

síðasta afmælið mitt verður lengi í minnum haft  allt hrundi!!!!!!!!!!

[Guðríður Hrefna Haraldsdóttir, 30.11.2008 kl. 15:54]

Innilega til hamingju með afmælið!!!

[Haraldur Bjarnason, 30.11.2008 kl. 17:30]

Tl hamingju með afmælið

[Jenný Anna Baldursdóttir, 30.11.2008 kl. 17:58]

Til hamingju með afmælið flottræfill sem þú getur verið að taka Austurvöllinn undir veisluna.

En.. vinkona þín á sama afmælisdag og ég.  Jájá.  Fæddist á Lansanum 20. janúar 1952 ég legg ekki meira á þig.

[Guðrún Emilía Guðnadóttir, 30.11.2008 kl. 18:16]

Til hamingju með afmælið Sigrún mín það er ekki amalegt að geta notað svona peninga skattborgara til veisluhalda
Knús til þín
Milla.

[Jakobína Ingunn Ólafsdóttir, 30.11.2008 kl. 19:17]

málið er að eiga réttan afmælisdag!

[Sigríður Ásdís Karlsdóttir, 30.11.2008 kl. 19:48]

Til hamingju með daginn Sigrún mín

[Huld S. Ringsted, 30.11.2008 kl. 20:34]

Til hamingju með afmælið

[Berglind í bandó (IP-tala skráð) 30.11.2008 kl. 20:55]

Til hamingju með afmælið Sigrún frænka!!!:)

[Steingrímur Helgason, 30.11.2008 kl. 23:13]

Gratjú með ammælið, það greinist nú lítt sem ekkert að þú sért orðin þetta svakalega gömul !

[Sigrún Jónsdóttir, 1.12.2008 kl. 00:03]

Æi....nú plataði ég ykkur, en alveg óvart.  Afmælið mitt er ekki fyrr en eftir ca 1 viku.  Jólatréð var tendrað á þeim degi fyrir 6 árum síðan

En það er mikið gott að eiga þessar afmælisóskir inni þegar dagurinn rennur upp, takk kærlega fyrir mig

[Anna Ragna Alexandersdóttir, 1.12.2008 kl. 00:25]

1952 er góður árgangur Þá erum við á sama ári  Til hamingju með afmælið ljúfan.

[Jóna Kolbrún Garðarsdóttir, 1.12.2008 kl. 00:34]

Til hamingju með afmælið. 

[Brynja skordal, 1.12.2008 kl. 02:10]

Til hamingju með Afmæli eftir eina viku

[Ía Jóhannsdóttir, 1.12.2008 kl. 08:20]

Innilega til hamingju með afmælið  kæra Sigrún.  Ekki amalegt að halda veisu á Austurvelli.

Góðan mánudag!