"Prik dagsins"

Þetta "prikaverkefni" sem ég hef verið að taka þátt í er farið að gera mér lífið leitt, og það var nú örugglega ekki tilgangurinn þegar þessari "skemmtun" var ýtt úr vör norður á Dalvík.

En það er ekki upphafsmanninum Júlíusi Júlíussyni að kenna að verkefnið er farið að vefjast fyrir mér, ó nei.  Í alla dag hef ég verið haldin valkvíða vegna tilnefningar til prikagjafar.  Það er um svo marga að velja.

Tökum nokkur dæmi:

Ég gæti tilnefnt Ólaf borgarstjóra, fyrir það hvað hann er búin að hanga lengi á bjargbrúnni án þess að láta sparka sér fram af!

Svo gæti ég tilnefnt Jakob (ekki) Freeman, fyrir að láta sér nægja þessi aumu laun fyrir eitthvað sérverkefni þegar hann að eigin sögn er einn launahæsti "listamaður" landsins að mati Frjálsrar Verslunar.  En hann er góðmenni hann Jakob (ekki) Freeman og ætlar að sópa burtu brunarústum Lækjargötu 2 fyrir klink

Svo langaði mig þessi óskup að tilnefna Dorit, sem "gekk í björg" í gær fyrir danska fyrirfólkið, en ég þorði það ekki, vildi ekki pirra Hallgerði bloggvinkonu, sem mér þykir orðið ótrúlega vænt um.

É gæti líka tilnefnt hina ýmsu hópa, sem bloggvinir mínir hafa verið að tilnefna í dag, en ég læt mér nægja að taka undir þeirra tilnefningar af heilum hug.  'Eg er heldur enginn apaköttur, ó nei ég vil að mitt prik komi frá mínum hjartarótum.

Þar sem þessi "prikagjafadagur" er alveg að verða búin og ég er ekki þekkt fyrir að gefast upp í miðju verkefni ætla ég að tileinka öllum þeim, sem halda sönsum og finnst þjóðfélagið í fínu lagi, "prik" þessa fallega sumardags .  Trúið mér, þeir eru ótrúlega margir þarna úti.

Athugasemdir

[Haraldur Bjarnason, 8.5.2008 kl. 22:13]

Nú trúi ég þér ekki. - Þeir geta ekki verið margir. - Sko, það er bara ríkisstjórnin, sem finnst þjóðfélagið í fínu lagi. - Hún gæti fengið prikið þitt........en......hún heldur ekki sönsum......þar fór prikið!!!

[Sigrún Jónsdóttir, 8.5.2008 kl. 22:50]

Haraldur eru ekki heil 60% á bak við ríkisstjórnina??

[Haraldur Bjarnason, 8.5.2008 kl. 23:30]

.....trúirðu því líka???........

[Sigrún Jónsdóttir, 8.5.2008 kl. 23:37]

Hefur þú séð "varnarpistla" stuðningsmanna, m.a.s. fólks, sem ég hef allaf haldið að væri með fullum sönsum???  Kannski er ég bara "LOST" og allir hinir í góðum málum

[Guðrún Jóna Gunnarsdóttir, 9.5.2008 kl. 00:45]

Þú ert ótrúleg, frábært innlegg

[jyderupdrottningin (IP-tala skráð) 9.5.2008 kl. 08:00]

Tú ert bara frábær og skemmtilegur penni

KNús og eigdu gódanndag.

[Ía Jóhannsdóttir, 9.5.2008 kl. 08:04]

Ég ætla að gefa þér prik fyrir skemmtilegan pistil Sigrún mín.  Kveðja inn í bjartan dag

[Hrönn Sigurðardóttir, 9.5.2008 kl. 10:37]

Ég er með lausn á þessu prikamáli!

Þú getur gert það að reglu að gefa mér prikið - daglega Ég get hangið á þessari spýtu eins og hvað annað.........

[Guðrún Emilía Guðnadóttir, 9.5.2008 kl. 11:44]

Ég held nú að þessi 60% sem eru á bak við ríkisstjórnina
(ef þeir eru þar) þá af gömlum vana, halda að allt sé gott og fínt.
tek undir með Íu þú færð prikið fyrir góðan pistil.
                   Knús til þín
                    Milla.

[Ásthildur Cesil Þórðardóttir, 9.5.2008 kl. 13:00]

Jamm tek undir prikið til þín Sigrún mín.