Fjársjóður - Menningarverðmæti!

Og ekki einu sinni falin fjársjóður. 

Við Súgfirðingar verðum ævinlega þakklát okkar gamla sóknarpresti.

Sr. Jóhannes Pálmason var sóknarprestur okkar Súgfirðinga í 30 ár frá árinu 1942 – 1972.

Allan þann tíma skráði hann sögu okkar í myndum og reyndar líka í rituðu máli.

Myndavéla eign var ekki algeng á þessum árum, þannig að þessar myndir eru einstakar og mynda samfellda sögu og þroska okkar Súgfirðinga á þessum árum.

En myndirnar hans Sr. Jóhannesar, væru sennilega bara í einhverjum kössum, ef sonur hans Pálmi hefði ekki tekið sig til eitt árið, sorterað þær og skannað þær síðan í tölvutækt form!

Og við megum njóta!

Hægt er að nálgast myndirnar hans Sr. Jóhannesar á heimasíðu Súgfirðingafélagsins í Reykjavík www.sugandi.is og á vefnum "Sjávarþorpið Suðureyri" www.sudureyri.is

 

Takk fyrir kæri fermingarbróðir!

 

 

 

 

Athugasemdir

[Guðný Jóhannesdóttir, 7.2.2008 kl. 08:36]

Sæl kæra Amma!! mér finnst þú nú samt alltof ung til að titla þig svona

Gaman að rekast á þig hér inni, í raun er þetta ágætur staður til þess að hafa upp á gömlum félgöum.

Hlý kveðja frá Krók

Guðný

[Sigrún Jónsdóttir, 7.2.2008 kl. 11:18]

Sæl Guðný mín,

Jú, aldurinn segir ekki allt!  Ég er nú samt af sömu kynslóð og foreldrar þínir, þ.e. afa og ömmu kynslóð!  Þetta er bara mikilvægasta hlutverkið þessa dagana og ég var bara ekki frjórri í hugsun en þetta!

Svo er ég líka orðin svo gömul að ég er farin að "velja" vini mína!

Takk fyrir að "vera memm"!

Kv. Sigrún 

[Bjarni Harðarson, 7.2.2008 kl. 19:20]

sæl og til hamingju með bloggsíðuna kæri bloggvinur!