Til hamingju með daginn Norðmenn:)

"Alexander Rybak, Norðmaðurinn sem vann Evróvisjón söngvakeppnina í Moskvu í kvöld, sagði á blaðamannafundi eftir keppnina að hann hefði greitt íslenska laginu atkvæði ef hann hefði getað."

Hann gat alveg kosið Ísland, ekkert sem bannaði honum það...kannski svolítið dýrt atkvæði að hringja úr norsku númeri og vera staddur í Rússlandi

Amman kaus Norsk/rússneska drenginn og var afar sátt við sigur hans í keppninni  Frábær listamaður þarna á ferð, sem er með þennan eftirsóknarverða X-faktor sem þarf til að komast á "toppinn"

Róbert Skúli vildi kjósa Ísland en mátti það ekki....var ekki sáttur til að byrja með.  Hverslags keppni er það þegar þú mátt ekki kjósa það sem er best af öllu??

Ákv. að styðja pabba sinn í að styðja Tyrki, þannig að hér á þessu heimili hljómuðu húrrahrópin þegar atkvæði voru greidd Noregi, Tyrklandi og að sjálfsögðu aðeins hærri hróp þegar Ísland var valið

Jóhanna Guðrún er líka með þennan illútskýranlega X-faktor, þannig að 2. sætið á eftir að fleyta henni langt í frægðarsólinni, sem ég vona að verði henni ljúf og gæfurík

Amman og Róbert Skúli voru afar sátt við gott Evróvision kvöld og það var samdóma álit "stofunnar" okkar að allir þar hefðu sérstaklega evrópskan smekk miðað við hvernig atkvæði féllu í álfunni   Við vorum jú öll 3 í topp 5 sætunum

Bestu kveðjur til ísl. Evróvision faranna og takk kærlega fyrir góða skemmtun.  Þið voruð með klassaatriði

 

Ég hefði kosið Ísland

Athugasemdir

[Ásthildur Cesil Þórðardóttir, 17.5.2009 kl. 17:17]

Þetta er eitt af örfáum skiptum sem ég er rosalega ánægð með val fólksins á júróvisjónlagi.  Drengurinn er einfaldlega góður, og ekkert skrýtið að viðbrögðin yrðu eftir því.  Okkar stúlka hún Jóhanna má líka vel við unda og það er rétt sem þú segir með það sem þú kallar Xfactor, sumir einfaldlega hafa það aðrir ekki, og það gildir yfir alla línuna, líka bloggið.  Knús á þig elskulega kona.

[Hrönn Sigurðardóttir, 17.5.2009 kl. 18:52]

Þetta var ákaflega ánægjulegur árangur. Og ég er líka ákaflega ánægð með að þú ert komin heim

[Ía Jóhannsdóttir, 17.5.2009 kl. 20:16]

Hehehe ja ja la´ det svinge   Allir voða sáttir og Ísendingar ekki hvað síst þar sem við lentum ekki í fyrsta sæti hehehe............

 Stórt knús á þig góða kona´inn í góða viku.

[Jóna Kolbrún Garðarsdóttir, 17.5.2009 kl. 22:41]

 Í þetta skiptið voru þó tvö bestu lögin á toppnum, oft hafa léleg og leiðinleg lög unnið keppnina. 

[Aprílrós, 17.5.2009 kl. 23:34]

Ég er mjög sátt með úrslitin í eurokeppninni ;)

[Hallgerður Pétursdóttir (IP-tala skráð) 19.5.2009 kl. 07:33]

Flott saman amman og drengurinn.Blessi ykkur inn í þennan fallega sumardag..

[Gudrún Hauksdótttir, 21.5.2009 kl. 09:29]

Sátt ,já bara voda glöd med úrslitin í söngvakeppninni.Mér finnst reyndar eins og vid höfum bara  unnid thíhí.

Sæt mynd af ömmu og  drengnum hennar.

[Ásdís Sigurðardóttir, 21.5.2009 kl. 13:36]

Mjög skemmtilegt allt saman.