Tóbakískt eða genatískt?

14. maí runnin upp og bráðum búinn og Albert bróðir minn á að sjálfsögðu afmæli   Hann fæddist árið 1947 og hefur alla tíð verið algjört heilsufrík.......og aldrei REYKT!

Fjallgöngur og skíði hér heima en seglbretti og golf henni Ástralíu.......svo hefur hann alltaf verið gætinn með allt sem hann borðar, Ó já, hollt skal það vera.  Fyrirmyndardrengur í alla staði.

En hann gat náð sér í hjartaáfall fyrir nokkrum árum síðan....hjá honum var það að sjálfsögðu genetískt....hrikalega mikið af hjartveiki í ættinni

Valla systir mín er sama fyrirmyndar, reglumanneskjan og hann Abbi bróðir....en hún féll líka (næstum því) fyrir þessu bráðdrepandi geni fyrir 8 árum síðan og fékk sitt hjartaáfall.

Bæði lifa þau þessi elskulegu systkini mín, taka sínar lífsnauðsynlegu pillur og passa vel uppá að "genunum"....þessum gölluðu, sé ekki ögrað

Haldið þið ekki að röðin hafi svo verið komin að mér núna í vikunni.......nema að núna eru það ekki gömlu ,"góðu" gölluðu, genin frá Suðureyrar- eða Laugaætt sem um er kennt, heldur reykingum mínum í gegnum tíðina

Hafið þið heyrt talað um > 25 pakkaár?     Ég telst víst þannig  En eftir þessa lífsreynslu verð ég sko ekki pakkaárinu eldri

Elsku bróðir, innilegar hamingjuóskir á afmælinu þínu...og ég vona svo innilega að í baráttunni við blóðfituna, verði sigur okkar systkinanna sætur

P.s.  Jói og Svenni, viljið þið drífa ykkur í tékk

Athugasemdir

[, 14.5.2009 kl. 21:02]

Til hamingju með bróður þinn . Annar bræðra minna á líka afmæli í dag - fæddur 1958

[, 14.5.2009 kl. 21:05]

Hey og díses reyndu nú að fara vel með þig. Það er nebblega engin lygi að reykingar drepa  Við þurfum á öllum okkar kvenskörungum að halda svo þú rétt ræður

[Ía Jóhannsdóttir, 14.5.2009 kl. 21:23]

Elsku kerlingin farðu nú vel með þig.  Engar fortölur frá mér en samt...........  vildi að ég hefði aldrei reykt!!!!! 

Til hamingju með Ástrallallíu bróann þinn. 

[Ragna Birgisdóttir (IP-tala skráð) 14.5.2009 kl. 21:27]

Dúllan mín.Er þá komin skýringin á slappleikanum í vetur.Farðu vel með þig ljúfan

[Sigrún Jónsdóttir, 14.5.2009 kl. 21:30]

Takk fyrir innlit stelpur  Auðvita hætti ég þessum ósóma, var að reyna að segja það undir rós  Losna af spítalanum um helgina...vonandi , en verð frá vinnu í einhvern tíma....get þá farið á fullt við að æfa mig í að hætta að reykja

[Sigríður Ásdís Karlsdóttir, 14.5.2009 kl. 21:44]

Elsku Sigrún mín. Farðu vel með þig og segi er eins og 'Ia vildi að maður hefði aldrei byrjað á þessum ands... Sendi þér góðar hugsanir kæra vina.

[Ásdís Sigurðardóttir, 14.5.2009 kl. 22:06]

Vona að þér batni fljótt. Kærleikur yfir heiðina

[Hrönn Sigurðardóttir, 14.5.2009 kl. 22:15]

Sigrún!! Hættu strax. Ég get ómögulega misst þig

[Steingrímur Helgason, 14.5.2009 kl. 22:33]

"Hjartanlegar hamíngjuózkir!" með góðan & fljótann bata.

[Hólmdís Hjartardóttir, 14.5.2009 kl. 23:04]

[Lilja Guðrún Þorvaldsdóttir, 14.5.2009 kl. 23:20]

Til hamingju með hann bróðir þinn. - Nú verður þú að fara vel með þig, svo vel meira að segja að þú leggur það á þig að hætta að reykja. - hvað þýðir þetta með < 25< pakkaárin? Ég hef aldrei heyrt þetta fyrr.  En ég er hætt að reykja, og er ein af þeim sem sé alltaf eftir að hafa byrjað.

[Jóna Kolbrún Garðarsdóttir, 15.5.2009 kl. 00:39]

  Góðan bata, og til hamingju með bróður þinn. 

[berglind í bandó (IP-tala skráð) 15.5.2009 kl. 03:21]

leiðinlegt að heyra Sigrún! ! vonandi batnar þér fljótt og farðu nú vel með þig!!!! :) öflugt hjartaknús frá bandaríkjunum

[Marta smarta, 15.5.2009 kl. 12:26]

Sigrún mín, nú er bara að hætta reykingunum, aldrei of seint.  Eta hollari mat (og svo kólesterol lyfin + hjartamagnylið  eins og ég), og hreyfa sig. 

Auðvelt að segja öðrum þetta, þyrfti að hreyfa mig meira sjálf, en geri það samt ekki.

Gangi þér vel og farðu vel með þig, það er bara ein þú.

[Rut Sumarliðadóttir, 15.5.2009 kl. 13:30]

Til lukku með brósa og farðu vel með þig. Ég skrifa þetta um leið og ég kveiki í sígó og fæ mér kaffi. Ég er og verð reykingarmanneskja, löngu hætt að reyna að hætta. Verð bara að fá að vera eins og ég er og hana nú.

ps. veit allt um skaðsemina ef einhver ætlar að reyna að kristna mig. 

[Hrönn Sigurðardóttir, 15.5.2009 kl. 21:31]

Vona að þér líði vel Sigrún mín og sért hætt að reykja!! Trúðu mér það eru bara þrír fyrstu dagarnir sem eru erfiðir!

[Sigrún Jónsdóttir, 15.5.2009 kl. 23:27]

Takk kærlega fyrir innlit og kveðjur mínir góðu vinir

Er alveg ótrúlega löt....nenni varla að setjast fyrir framan tölvu....reykleysi gengur bara vel, engin hjálparmeðöl og hef því uppá þau að hlaupa

Verð vonandi orðin virk aftur eftir nokkra daga love ya

[Ragnheiður , 16.5.2009 kl. 11:23]

elskan mín, ég er að sjá þetta núna fyrst ! er það nú bloggvinkona!!

ég sé eftir að hafa byrjað að reykja bakvið löggustöðina á Höfn í Hornafirði árið sem ég varð 16 ára.

Ég er hinsvegar hætt og átti þriggja mánaða hættuafmæli 14 maí

Gangi þér vel elsku Sigrún mín

[Ásdís Emilía Björgvinsdóttir (IP-tala skráð) 16.5.2009 kl. 15:10]

Elsku Sigrún!

Ég sendi þér allar mínar bestu óskir um góðan bata og styrk kraft til að hætta að reykja.

Kær kveðja