Gleðilegt sumar :)

Sumarið er víst komið samkvæmt almanakinu og maður verður bara að trúa því.  Ekki annað í boði, er það nokkuð?

Skoðaði sumarkveðjur nokkurra bloggvina minna í morgun og fann t.d. þetta frá mínum góða vini Róbert Schmidt á  sudureyri 10 cm jafnfallinn snjór yfir mínum gömlu æskuslóðum sem minnir mig á af hverju ég fékk nóg af þessari hvítu ofankomu á mínum uppvaxtarárum  Sé samt að Röggi æskuvinur minn rognvaldurthor er ágætlega ánægður með þessa hvítu slæðu þótt ég telji víst að hann sé farið að lengja í gróðursetningartíð á sumarplöntunum sínum

Í minningunni var það Hvítasunnan, sem markaði hin raunverulegu árstíðaskipti á mínum æskuslóðum.  Drullupollarnir sem þá einkenndu moldargöturnar voru hinir raunverulegu sumarboðar og þá hófust stökkæfingar ungra Stefnismanna, sem sópuðu síðan að sér verðlaunum í langstökki og þrístökki á héraðsmótunum á Núpi síðar um sumarið

Ég veit ekki hvernig aðrir koma undan vetri, en ég er allavega þreytt, bæði í sinni og líkamlega.  Þrátt fyrir árlega flensusprautu á haustmánuðum, hef ég fallið fyrir hverri pestinni á fætur annarri og gengur illa að ná þessu úr mér.  Ónæmiskerfið hjá mér virðist hafa hrunið á svipuðum tíma og hið íslenska efnahagskerfi

En sumarkoman er alltaf gleðiefni.  Bara tilhugsunin um að sumarið sé framundan og veturinn að baki, vekur hjá manni von um betri tíð og blóm í haga

Gleðilegt sumar kæru vinir

Frost á Suðurlandi og Vestfjörðum

Athugasemdir

[Hólmdís Hjartardóttir, 23.4.2009 kl. 12:02]

gleðilegt sumar og gifturíka kosninganótt:)

30BEDA55-B2D0-6370-817A-081F7BF5D664

1.02.28

[Jenný Anna Baldursdóttir, 23.4.2009 kl. 13:59]

Gleðilegt sumar kæra bloggvinkona.

[Rut Sumarliðadóttir, 23.4.2009 kl. 14:00]

Takk og sömuleiðis Sigrún mín, vonum að sumarið gefi okkur betri tíð. Ekki veitir af, kem líka svona hálf vonlaus og þreytt undan vetri. Vonandi verður hækkandi sól  (og auðvitað útkoma kosninga) til þess að það létti á sálinni.

[Hallgerður Pétursdóttir (IP-tala skráð) 23.4.2009 kl. 15:27]

Gleðilegt sumar ljúfust. Ég deili með þér lumbrunni er eitthvað slöpp og lítil í mér eins og sagt er.Aldurinn?

[Ásthildur Cesil Þórðardóttir, 23.4.2009 kl. 17:06]

Gleðilegt sumar Sigrún mín já það er frekar kalt um að litast hér í dag.  En svo batnar þetta bara.

[Helga Magnúsdóttir, 23.4.2009 kl. 17:53]

Gleðilegt sumar. Þegar það kemur fyrir alvöru fara pestirnar veg allrar veraldar.

[Sigríður Ásdís Karlsdóttir, 23.4.2009 kl. 19:08]

Gleðilegt sumar Sigrún mín

[Hilmar Gunnlaugsson, 23.4.2009 kl. 23:05]

Gleðilegt sumar

[Jóna Kolbrún Garðarsdóttir, 24.4.2009 kl. 00:51]

Gleðilegt sumar.

[Gudrún Hauksdótttir, 24.4.2009 kl. 07:08]

Gledilegt sumar kæra Sigrún.Vona a dtú farir ad ná upp treki og hressast.Ég hef verid ad taka pólarolíuna sem á ad passa uppá lidi og vödva og svo er ég ad taka Turbo Greens sem er grænt duft og tek  ég tad á hverjum morgni.Tetta fæst í heilsuhúsinu og er ad virka vel Ég var búin ad vera ansi lasin um tíma en tetta er hreinlega ad redda mér.Algjört möst er ad taka tetta á hverjum morgni.

Prufadu tetta.

Stórt fadmlag til tín . hèdan úr sólinni.

[Aprílrós, 24.4.2009 kl. 10:06]

Gleðilegt sumar elskuleg. Ég kem þreytt undan vetri eins og þú, líkaminn ekki alveg uppá það besta vegna gigtarinnar, mér finst ég versna ár frá ári, en lit alltaf til sumarsins með tilhlökkun og gleði og útileganna ;)

Góða helgi elskuleg og góða skemmtun á kostningavöku á laugardaginn ;)

[, 24.4.2009 kl. 14:35]

Gleðilegt sumar Sigrún mín. Vonandi hristist slenið af þér þegar kosningar eru um garð gengnar og sumarið hefur fest sig betur í sessi. Þangað til er um að gera að vefja sig inn í teppi með heitt te og létta lesningu og vona bara það besta