Við förum vonandi í aðildarviðræður sem fyrst og kjósum svo um samninginn!

Mér finnst þessir kosningafundir sem RÚV hefur boðið okkur uppá arfaslappir og hundleiðinlegir.  Veit ekki alveg hvað veldur, formið eða fólkið í panel

Ég var náttúrulega góðu vön frá framboðsfundunum, sem haldnir voru vestur á fjörðum í den

En það er þó alltaf nokkrir ljósir punktar.  Í kvöld var það Sturla frambjóðandi Frjálslyndra....hann hefði flogið inn á þing ef hann hefði verið í framboði vestur á fjörðum fyrir ca. 30 - 40 árum

Framsóknar maddaman var bitur og reið, sérstaklega gagnvart Samfylkingu, sem rændi Framsókn stjórnarsetu fyrir ca.  tveimur árum síðan.  Hún sagðist m.a. aðeins tala fyrir flokkssamþykktum t.d. í ESB umræðunni, hennar persónulega skoðun skipti ekki máli.....en svo var það eldra fólkið, sem að hennar mati átti að fá að vinna sjálfboðastörf....ætli sá kapítuli hafi verið tekinn sérstaklega fyrir á flokksþingi framsóknarmanna?  Eiga þingmenn ekki að fylgja eigin sannfæringu?  Annað er náttúrulega spilling

Skrifaði þetta með einlægri ósk um að komast á "óvinalista" Framsóknarflokksins

Svandís var náttúrulega bara flott.  Hún þorði alveg að hafa sínar meiningar á málum en undirstrikaði að þjóðin ætti að ráða í mikilvægum ágreiningsefnum.  Ég var persónulega mjög fegin að hún leggur enga ofuráherslu á tvöfalda atkvæðagreiðslu vegna umsóknar um Evrópusambandsaðild.  Taldi þetta ekki vera alvarlegt ágreiningsefni núverandi stjórnarflokka vegna áframhaldandi samstarfs

Össur hefur aldrei verið í neinu uppáhaldi hjá mér, nema síður væri.  Hefði alveg mátt taka pokann sinn fyrir þessar kosningar.  Ég var samt nokkuð sátt við hann í kvöld....svona lala sátt en þakka mínum sæla fyrir að hann lenti sunnanmegin miklubrautar á lista

Birgitta var fín, málefnaleg og yfirveguð.  Best fannst mér þegar hún sagði að ákvarðanir um stóriðjuáform ætti að leggja undir dóm þjóðarinnar.....þarna stakk hún ærlega upp í þá andstæðinga sína sem telja hana vera atvinnumótmælanda

Ég missti alltaf þráðinn þegar fulltrúi Lýðræðishreyfingarinnar talaði, en fannst hann samt eiga ágætlega heima með Sjálfstæðismönnum....

Guðlaugur Þór er bara í vondum málum og mér fannst alltof langur tími fara í að ræða hans þjóðkunnu aðkomu að styrkjamálum.  Bara mitt mat.

Sá að Sigmari fannst gaman  á köflum.  Hann hefði þurft að upplifa stjórnmálafundina fyrir vestan

Trúi ekki að Samfylkingin láti stranda á ESB

Athugasemdir

[Jóna Kolbrún Garðarsdóttir, 23.4.2009 kl. 02:00]

Birgitta og Sturla stóðu sig vel á fundinum í kvöld.    Mér fannst fundurinn gagnlegur og upplýsandi.  X-O  Mitt hjarta slær með Borgarahreyfingunni. 

[Ía Jóhannsdóttir, 23.4.2009 kl. 05:55]

GLEÐILEGT SUMAR SIGRÚN MÍN.   lJÚFAR KVEÐJUR BERIST MEÐ SUNNANVINDUNUM HEIM TIL ÞÍN VINKONA.

[Einar Áskelsson (IP-tala skráð) 23.4.2009 kl. 10:38]

Gleðilegt sumar kæra Sigrún. Verður að fyrirgefa en Össur var eins og haltur hani sem kunni ekki lengur galið sitt. En samt heillast ég af mörgu úr þessar átt. Hafðu það gott í dag.

[Rögnvaldur Þór Óskarsson, 23.4.2009 kl. 11:04]

Horfði á eldgamlan Taggart í danska tv-inu, búinn að góna á þrjá sjónvarpsfundi og nennti ekki að horfa á þann fjórða, samkvæmt þinni lýsingu, missti ég ekki af miklu.

Milli fjallstoppa og fjöru er gott skíðafæri hér fyrir vestan.

Gleðilegt sumar vinkona