Sigrún Jónsdóttir

10.2.2009 | 14:32

Mjólk er góð...líka í Kanada!

Hvort ætli sé nú lífvænlegra, blaðaútgáfa á fallandi fæti eða mjólkandi uppistandandi beljur? Beljurnar að sjálfsögðu. Mikið er nú Einar Sigurðsson, forstjóri Árvakurs hf. heppin að það er ennþá eftirspurn eftir forstjórum í okkar nýorðna bláfátæka landi. Ég óska honum velfarnaðar í starfi og vona að enn um sinn verði einhverjir búsettir hér, sem muni hafa efni á að kaupa sér lífsnauðsynlegar mjólkurafurðir.

Ég er ennþá að velta fyrir mér viðtali við nýjan félagsmálaráðherra, sem var hræð yfir góðmennsku og vinarþeli Kanadamanna í fréttum RÚV í gærkvöldi. Ætli nýi félagsmálaráðherrann sé fyrirfram búin að gefast upp við þau áform að koma hér atvinnulífinu í gang, svo við missum ekki "fagfólkið" okkar úr landi. Hún ætlar alla vega að taka vel á móti Kanadamönnum og auðvelda þeim leitina að íslenskum flóttamönnum.

Kanadamenn vilja íslenskt fagfólk í vinnu og eru tilbúnir að greiða þeim götuna, sem þangað vilja koma. Þeir leita að vinnufúsum höndum, ekki forstjórum eða þesskonar afætum.

Ég er sjúkraliði, eldri sonur minn er málari og sá yngri er að læra rafvirkjun. Kanadamenn leita að fólki eins og okkur....við munum íhuga tilboð þeirra vandlega, ásamt fjölda annarra Íslendinga, sem eru ekki tilbúnir að láta loka sig af í skuldafeni af völdum fjárglæframanna.

Við erum öll komin með upp í kok af málæði misvitra stjórnmálamanna, sem gera ekkert annað en að máta sig við vilja kjósenda í komandi kosningum.

Nýr félagsmálaráðherra hefur á sínum laaanga stjórnmálaferli talað nógu fjálglega um hvað þurfi að gera til að koma til móts við þá sem minna mega sín í þjóðfélaginu. Sér hún lausn í því að vinnufúsar hendur flytji til annarra landa og að sameiginlegur velferðarsjóður rýrni í hlutfalli við það.

Hvernig ætli mjólkurafurðir bragðist í Kanada? Wink

	Einar Sigurðsson frá Árvakri til MS
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Nú mjólkar hann á nýjum miðum.

Jenný Anna Baldursdóttir, 10.2.2009 kl. 14:42

Æ ég vona að sem fæstir hverfi frá okkur. Ég vil hafa fólkið mitt hér heima og ég vil að þeim sé sköpuð aðstaða til að geta verið heima, ekkert minna en það takk fyrir.

Ásthildur Cesil Þórðardóttir, 10.2.2009 kl. 15:11

Innlitskvitt ;)

Aprílrós, 10.2.2009 kl. 17:14

Ég segi sama og Ásthildur, en skil ef fólk sér, sér ekki annað fært en að fara af landi brott, en vonandi bara tímabundið.

Ásdís Sigurðardóttir, 10.2.2009 kl. 17:25

Vil helst halda í okkar fólk en skil vel að ýmsir freistist til að flytja þangað sem atvinnuástand og laun eru í betra lagi hér og börn og barnabörn og barnabarnabörn þurfa ekki að borga skuldir misviturra manna. Ég myndi samt ekki nenna að flytja nema allt mitt fólk flytti með - enda eru ljósmæður ekki mikils metnar í Kanada.

, 10.2.2009 kl. 17:54

Takk fyrir innlit og innlegg

Ég velti því samt ennþá fyrir mér (óáreitt að því er virðist), hvort það ástandið sé/verði svo slæmt að félagsmálaráðherra telji það greiða við okkur sem þjóð að héðan fari vinnufúst fólk, sem hingað til hefur verið undirstaðan í því velferðakerfi sem hér hefur verið byggt upp með sínum skattgreiðslum.

Væri ekki betra fyrir félagsmálaráðherrann að leita allra úrræða hér heima til að halda í þessa skattgreiðendur.....?

Sigrún Jónsdóttir, 10.2.2009 kl. 18:07

Sammála þér Sigrún, ég hjó einmitt eftir því í viðtalinu við hana í gær hvað hún virtist vera fegin að sjá einhverja lausn frá Kanada. Sýnir að hún hefur sama sem ekkert í pokahorninu.

Auður Proppé, 10.2.2009 kl. 18:11

Einn úr minni fjölskyldu er einmitt að fara til Kanada. Margt verra en það þó maður vilji ekki missa fólkið úr landinu. En það er einmitt það sem gerist í kreppum að við missum fólkið okkar.

En hvað á fólk að gera sem er búið að missa vinnuna, heimilið og eiga svo að borga fyrir einkafyrirtækin sem fóru á hausinn. Þetta er óhæft ástand. Skil þig svo vel.

Rut Sumarliðadóttir, 10.2.2009 kl. 18:57

Æ, Sigrún, þarna hittir þú á viðkvæman punkt. Af hverju í ósköpunum ættu heiðarlegir, vinnusamir íslendingar að þurfa að flýja fæðingarland sitt sem hefur uppá svo margt að bjóða?

Af hverju er ekki hægt að gera "hina" útlæga - þá sem bera ábyrgð á fjármálasukkinu og svallinu - senda þá til Cayman eða Tortilla eyja eða hvað þær nú heita allar þeirra skattaparadísir, binda skuldabaggann á þeirra bök, baggana sem þeir sjálfir bera ábyrgð á hvort sem er?

Sláum saman heilabúum í stað sleifa og potta!

Kolbrún Hilmars, 10.2.2009 kl. 19:45

Ef fram fer sem horfir lendið þið Sigrún öll; þú og synir þínir í félagsmálapakkanum ásamt okkur mörgum fleiri. Ætli félagsmálaráðherrann nýi sé ekki bara að hugsa um að ráðuneyti hennar haldi sjó. Þannig er þetta allt í ríkiskerfinu, því miður.

Haraldur Bjarnason, 10.2.2009 kl. 20:21

Halli, ég held því miður að þetta sé rétt hjá þér og það er kannski þess vegna sem hún horfir glöðum augum á þá sem yfirgefa landið

Sigrún Jónsdóttir, 10.2.2009 kl. 21:14

Úbs...of fljót á mér. Það verður þá væntanlega sjálfhætt með ráðuneyti félagsmála, því það eru jú skattpeningar vinnandi fólks, sem heldur því á floti.

Lausnin er sennilega í því sem þú nefnir Kolbrún...sjáum til hvort þeim tekst að ná miljarðinum af Magnúsi

Knús á ykkur Auður og Rut

Sigrún Jónsdóttir, 10.2.2009 kl. 21:17

Sigrún mín þetta er óþolandi ástand þarna heima , mér brá að lesa það sem Halli skrifar hér fyrir ofan. Kanski hefur hann rétt fyri sér kanski ekki. 'Eg óska þér og þínum bara alls hinst besta. Kv.Sirrý

Sigríður Ásdís Karlsdóttir, 10.2.2009 kl. 21:24