Draumaprinsinn gistir í nótt!

Draumaprinsinn gistir hjá mér í nótt.  Við höfum átt gott kvöld, fórum í matarboð til Svenna og Ellýjar (bróðir og mágkona) þar sem við fengum snilldarfiskrétt með öllu og sörur m/kaffi á eftir.  Draumaprinsinn fékk að kynnast sálfræðinemanum Berglindi, sem stundar sitt nám í USA, og fer aftur utan á sunnudaginn og Björgu "yfirmótmælanda", sem þurfti að binda endi á sitt nám á Spáni, vegna efnahagshrunsins.

Draumaprinsinn mætti reyndar of seint til borðhaldsins, þar sem það hefur frést að hann sé læs  Honum var því fljótlega afhent bók við komuna og beðin um að sanna þessar sögusagnir.....það er skemmst frá því að segja að hann lagði ekki frá sér bókina fyrr en hann hafði klárað hana  Þetta var ein af bókunum um hann Einar Áskel og maður leggur ekki svoleiðis bókmenntir frá sér fyrr en síðasta blaðsíðan er lesin

Nei, þetta var nefnilega ekkert ömmugrobb, því amman var alveg bit þegar hún komst að þessum framförum drengsins.  Hún vissi að áhuginn var til staðar hjá snáða en þar sem hann býr núna úti á Keili, er samgangur ekki eins og best verður á kosið.

Þessi snillingur verður 4ra ára þann 8. febrúar n.k.

Þegar heim var komið úr matarboði, varð svo að hesthúsa nokkrar skræður, sem fá náttúrulega meiri dýpt, þegar maður les þær sjálfur  Svo þurfti að spá og spegulera, segja sögur frá því hann var lítill....0 ára á skíðum með pabba sínum og þess háttar, lesa dagatalið frá Landsbankanum og velta því fyrir sér hvort Glitnir gerði líka svona dagatöl með afmælisdeginum hans

Klukkan var að detta í miðnætti, þegar hann loksins sofnaði....jólafríið fer svona með unga menn

Amman er aðeins farin að spá í mótmælin á morgun, búin að skoða skíðagleraugu í Útilíf og svona, en finnst ekki gáfulegt að mæta með draumaprinsinn, því það eru einhverjir hagfræðingar í seðlabankanum farnir að mæta, sem láta illa og ósiðlega

En draumaprinsinn, Róbert Skúli á lambhúshettu, svo kannski sleppur þetta....ég sé til

Foreldrasettið veit svo sem hvar ömmu er að finna á laugardögum kl. 15:00, þannig að kannski koma þau og passa hann á meðan

 

 

Athugasemdir

[Jóna Kolbrún Garðarsdóttir, 3.1.2009 kl. 01:03]

  Flottur strákur.  Vonandi sjáumst við á morgun. 

[Jenný Anna Baldursdóttir, 3.1.2009 kl. 01:23]

Flottur en ég held að mótmælin muni ekki verða svo barnvæn með hagfræðinga og svæfingalækni á sveimi.

[Gudrún Hauksdótttir, 3.1.2009 kl. 06:13]

Tad kippir í kynid ...Yndislegt ad fá svona draumaprinsa sem ylja.Nei geri ekki rád fyrir ad mótmælin verdi barnvæn.Tessir hagfrædingar kunna sko eki ad mótmæla frekar en annad sem teim er lagt fyrir hendur.

Kvedja frá Jyderup

[Hildur Helga Sigurðardóttir, 3.1.2009 kl. 07:38]

Æ hvað þetta er eitthvað krúttlegt.   Var sjálf mikið ömmubarn og nú á sonur minn yndislega ömmu, sem auðgar hans tilveru mikið.

Ömmur og barnabörn eru bara það besta...

Gleðilegt ár

[Aprílrós, 3.1.2009 kl. 08:35]

Duglegur draumaprinsinn þinn

[Ía Jóhannsdóttir, 3.1.2009 kl. 08:49]

Duglegur strákur sem þú átt þarna.  Æ vertu ekkert að fara með hann  á völlinn hann hefur ekkert þangað að gera þó hann sé skír strákur.

Baráttukveðjur, held að dóttir vinkonu minnar ætli að hefja upp raust sína þarna í dag, en þarf að sannprófa það áður en ég sver fyrir.

[, 3.1.2009 kl. 10:11]

Duglegur strákur þetta  Það er varla orðið óhætt  að fara með börn á mótmælin. Þar vaða uppi allskyns illyrmi á meðal mótmælenda og mótmælenda mótmælenda.

[Hrönn Sigurðardóttir, 3.1.2009 kl. 10:47]

Nei hagfræðingur og svæfingarlæknir eru ekki heppilegur félagsskapur fyrir unga drengi - og engan ef út í það er farið!

Drengurinn er eðalflottur - til hamingju með hann

[Hallgerður Pétursdóttir (IP-tala skráð) 3.1.2009 kl. 11:19]

Flottur litli peyinn. Elsta systir mín varð lær 4 ára. Kannski hittumst við í dag?Gætum jafnvel fari á Hressó á eftir þú skilur

[Rut Sumarliðadóttir, 3.1.2009 kl. 11:25]

Guð hvað þetta er krúttlegt barn.

[Einar Áskelsson (IP-tala skráð) 3.1.2009 kl. 11:34]

Flottur ömmustrákur og er alinn upp á hárréttum bókmenntum.  Hef ávallt notið "góðs" af nafngiftinni á bókunum.  Yngri börnunum mínum finnst þetta sérstaklega fyndið.  Eldri bróðir þeirra heitir nefnilega Viktor (svona fyrir ykkur sem eruð á kafi í söguþræðinum og persónunum).  Farið varlega í dag hafið daginn góðan.

[Sigrún Jónsdóttir, 3.1.2009 kl. 11:36]

Góðan daginn allar og takk fyrir heimsókn

Það hvarlaði í raun aldrei að mér að fara með prinsinn á Austurvöll, svo ég verð að sjá til hvort ég kemst í dag eða ekki

[Sigrún Jónsdóttir, 3.1.2009 kl. 11:38]

"öll" þar sem Einar skaut sér þarna inn á milli

[Sigrún Jónsdóttir, 3.1.2009 kl. 12:27]

abcdefghíjklmnóprstxyzþæö

róbert 

skúlii 

halliwell

[Hólmdís Hjartardóttir, 3.1.2009 kl. 12:47]

flottastur

Ég las fyrir mína afmælisgesti í tveggja ára afmælinu mínu!

[Sigrún Jónsdóttir, 4.1.2009 kl. 12:44]

Sæl öll, ég lagðist bókstaflega í flensu kl. 16:00 í gær og hef varla reist höfuð frá kodda síðan, mun því lítið koma hér við á meðan þetta óféti gengur yfir hjá mér.....

[Guðrún Emilía Guðnadóttir, 4.1.2009 kl. 16:16]

Sigrún mín, yndislegt að fylgjast með framförum þeirra hvernig sem þau eru.
Farðu bara vel með þig ljúfa kona, heyrum í þér er þú verður betri.
Ljós og orku til þín
Milla.

[Ásdís Emilía Björgvinsdóttir (IP-tala skráð) 4.1.2009 kl. 20:50]

Vona að þú sért að jafna þig, Sigrún mín!

Kær kveðja

[Gudrún Hauksdótttir, 5.1.2009 kl. 08:07]

Vonandi ertu ad koma til vinkona.

[Brynja skordal, 5.1.2009 kl. 15:05]

Gleðilegt ár og hafðu það ljúft á nýju ári Elskuleg

[Ásthildur Cesil Þórðardóttir, 5.1.2009 kl. 20:23]

finnst ekki gáfulegt að mæta með draumaprinsinn, því það eru einhverjir hagfræðingar í seðlabankanum farnir að mæta, sem láta illa og ósiðlega

Góð

En mikið er draumaprinsinn duglegur og hve ég skil hann vel að leggja ekki frá sér spennandi bók fyrr en í fulla hnefana.