Björgum landinu okkar!

Ég er bara búin að vera nokkuð dugleg í dag.  Gerði svona ditten og datten, sem tilheyrir þessari árstíð og var snögg að því

Á morgun get ég því mætt á Austurvöll og notið samvista við samherja í baráttunni fyrir betra Íslandi

Mótmæli á Austurvelli á morgun kl.15

Fundur á Austurvelli laugardaginn 20. desember kl. 15:00

Undanfarnar ellefu vikur hafa þúsundir Íslendinga safnast saman á Austurvelli klukkan 15.00 á hverjum laugardegi undir yfirskriftinni Breiðfylking gegn ástandinu.

Þar hafa raddir fólksins hljómað svo kröftuglega og sterkt að allt þjóðfélagið hefur hlustað. Mótmælin hafa smátt og smátt náð eyrum ráðamanna þjóðarinnar og nú er ljóst að þeir eru farnir að skjálfa í hnjáliðunum.

Um síðustu helgi, 13. desember, voru mótmælin haldin með áhrifamiklum táknrænum hætti og eins mun verða næsta laugardag, 20. desember, klukkan 15.00.

Þetta er gert vegna óska fólks um að geta gefið börnum sínum gleðileg og friðsæl jól. Slík sjónarmið eru bæði sjálfsögð og eðlileg.

Fyrstu helgina eftir jól, 27. desember, verður fundurinn hins vegar færður í kröftugra form og þrýstingur aukinn á stjórnvöld.

Fólk er hvatt til að mæta á Austurvöll nk. laugardag, 20. desember, klukkan 15.00 og sýna samstöðu gegn ástandinu með 11 mínútna þögn.

Kröfurnar eru:
Núverandi stjórn Seðlabankans víki tafarlaust.
Núverandi stjórn Fjármáleftirlitsins víki tafarlaust.
Kosningar sem fyrst.

Tekið skal fram að mótmælin og allar aðgerðir á vegum Radda fólksins eru alltaf friðsamlegar. Fundarstjóri er sem fyrr; Hörður Torfason.

Gefum okkur þessa smástund til mótmæla, því hún skiptir máli.  Sjáumst

 

Boða þögul mótmæli á morgun

Athugasemdir

[Jóna Kolbrún Garðarsdóttir, 20.12.2008 kl. 01:18]

Ég mun mæta eins og undanfarna laugardaga.  Vonandi hitti ég þig og Hólmdísi og kannski fleiri bloggvini. 

[Hólmdís Hjartardóttir, 20.12.2008 kl. 01:26]

Mæti

[Jakobína Ingunn Ólafsdóttir, 20.12.2008 kl. 01:28]

Í dag læt ég mig vanta í fyrsta skipti á mótmælin því það er stúdentaveisla frænku minnar á sama tíma. Verð þó með ykkur í huganum

[Sigrún Jónsdóttir, 20.12.2008 kl. 01:38]

Jóna, við sjáumst örugglega....við látum bara kalla þig upp

Hólmdís, á ég ekki að sækja þig?

Góða skemmtun í stúdentsveislunni Jakobína, við skulum íhuga allar þínar flottu færslur í þögninni

[Hólmdís Hjartardóttir, 20.12.2008 kl. 01:41]

Jú takk

[Sigrún Jónsdóttir, 20.12.2008 kl. 01:51]

Ok, hringi eftir hádegið

[Ía Jóhannsdóttir, 20.12.2008 kl. 08:43]

Baráttukveðjur

[, 20.12.2008 kl. 09:04]

Verð með í huganum - er að vinna.

[Steingrímur Helgason, 20.12.2008 kl. 11:13]

Ég man allt í einu að ég á eftir að leza bók um þrælzótta öreigana sem ég fékk í jólagjöf á síðustu öld, annarz myndi ég mæta í kakóið.

[Sigrún Jónsdóttir, 20.12.2008 kl. 11:19]

Steingrímur, þú skalt bara lesa bókina.....en svo rennir þú þér til okkar á skíðunum eftir áramót og yfir einum kakóbolla eða svo, munum við gera þig að"óhlýðnum borgara"

[Sigrún Jónsdóttir, 20.12.2008 kl. 11:19]

Takk fyrir innlit, Ía og Dagný

[Rut Sumarliðadóttir, 20.12.2008 kl. 11:33]

Kemst ekki á heilsárstúttunum, hef auðvitað ekki aur itl að kaupa nú vetrardekk. Verð með ykkur í huganum.

Áfram nýja Ísland.

[Hólmdís Hjartardóttir, 20.12.2008 kl. 19:38]

Takk fyrir daginn

[Jenný Anna Baldursdóttir, 20.12.2008 kl. 20:52]

Noh, Pálmi.  Flott.