Fyrst tökum við RÚV og svo tökum við Stöð tvö...........

Starfsmenn RÚV eru óánægðir og hvað ætli þeir taki til bragðs til að sýna þessa óánægju sína?  Ætli þeir geri uppreisn?  Fari í verkfall?  Sýni borgaralega óhlýðni?  Geri byltingu? 

Ef þeir gera eitthvað af ofantöldu, verða þeir þá úthrópaðir sem "skríll" af menntamálaráðherra og útvarpsstjóra, sem "vilja þeim svo vel"?

Hvernig ætli fréttaflutningur verði af aðgerðum starfsmanna þessa ljósvakamiðils?  Hver á að flytja fréttirnar?  Verður það Útvarpsstjóri eða kannski menntamálaráðherra?  Síðast en ekki síst, hvernig verða fréttirnar matreiddar?

Mér flaug þetta svona í hug, þegar ég horfði á fréttir sjónvarpsstöðvanna í kvöld.  Þúsundir manna komu saman á þjóðfundi á Arnarhóli í dag og voru með friðsamleg mótmæli.  Í framhaldi af því fóru um 100 manns í Seðlabankann og nokkrir aðilar sýndu að sögn fréttamiðla borgaralega óhlýðni.  Að venju lögðu fréttamenn áherslu á meinta borgaralega óhlýðni, en fannst óskup lítið koma til friðsömu mótmælanna

Það var þá, sem ég áttaði mig á af hverju útvarpsstöðvar eru alltaf "teknar" fyrst í "uppreisnum" víða um heiminn  

Úr Wikipediu, frjálsa alfræðiritinu:

Uppreisn (eða uppreist) er í almennum skilningi þegar fólk neitar að viðurkenna ríkjandi yfirvald og hefur samblástur gegn því. Uppreisn getur spannað allt frá borgaralegri óhlýðni að skipulegum tilraunum til að kollvarpa ríkjandi öflum með valdi. Hugtakið er oft notað um skipulega andspyrnu gegn ríkjandi stjórn hvort sem það er ríkisstjórn, skipsstjórn, herstjórn eða annars konar stjórn.

Uppreisnarformið getur verið margvíslegt:

• Friðsamleg mótmæli, þar með talin borgaraleg óhlýðni
• Andspyrna, skipuleg barátta gegn erlendum yfirráðum
• Bylting, til að breyta ríkjandi stjórnarháttum

Leonard Cohen kom upp í hugann

Frjálsir og óháðir fjölmiðlar lengi lifi

 

Starfsmannasamtök RÚV boða til fundar á morgun

Athugasemdir

[Katrín Linda Óskarsdóttir, 1.12.2008 kl. 22:34]

Sigrún .... ég geri ráð fyrir að þú vitir jafnt og ég að starfsmenn RUV gera sitt besta hverju sinni og reyna að sinna vinnunni sinni. Alveg eins og bankastarfsmenn vinna sína vinnu dag hver þó svo einherjir æðstu menn bankanna hafi klúðrað öllu fyrir þeim og okkur hinum!

Hvað varðar mótmælin ...  frimsamleg mótmæli auðvitað í lagi, en það sýnir sig bara á hversu fáir mæta að almennt er fólk ekki meðmælt þessum mótmælum og ALLS EKKI skrílslátum hvort sem er við Alþingishúsið, Seðlabankann eða Lögreglustöðina. .. Leyfum bara stjórnvöldum að vinna sína vinnu í friði núna .. .gefum þeim svigrúm?

[Sigrún Jónsdóttir, 1.12.2008 kl. 22:55]

Nei, Katrín Linda.  Ég er ekki tilbúin að "leifa" stjórnvöldum að vinna sína vinnu í friði eða gefa þeim svigrúm.  Það hefur nefnilega sýnt sig að þau hafa ekki staðið sig í stykkinu fram til þessa og ég sé enga ástæðu til að treysta þeim.

Ég er persónulega tilbúin í "borgaralega óhlýðni" hvort sem þú kallar það skrílslæti og mig skríl, en þú getur haft þína hentisemi........

[Rannveig H, 1.12.2008 kl. 23:03]

Flott færsla og ég er jafn sammála henni eins og ég er ósamála Katrínu

Ég komst ekki í mótmæli í dag en er bæði stolt og þakklát þeim sem mættu.

[Sigrún Jónsdóttir, 1.12.2008 kl. 23:12]

Takk Rannveig 

Ég var að svipast um eftir þér og fleirum en fann þig ekki í mannþrönginni

[Kristjan (IP-tala skráð) 1.12.2008 kl. 23:14]

Bravo Sigrún ! Ég tek heilshugar undir með þér, látum ráðamannapakkið kalla okkur SKRÍL og sjáum hvort það getur staðið við það, ég held að SKRÍLLINN sé hinum megin. Allavega treysti ég RÁÐAMANNASKRÍLNUM ekki. Borgaraleg óhlýðni er eftir því sem að ég bezt veit ekki lögbrot. Beitum henni. Það er nóg komið. Látum ekki vaða yfir okkur lengur.   Baráttukv. Kristján.

[Sigrún Jónsdóttir, 1.12.2008 kl. 23:22]

Hverskonar uppeldi fengum við eiginlega á Núpi Kristján? Hippar að eilífu?

Sjáumst í baráttunni

[Helga Magnúsdóttir, 1.12.2008 kl. 23:36]

Ég er sko alveg til í að vera skríll. Gefa þeim svigrúm? Þeir hafa haft endalaust svigrúm og hvernig hafa þeir farið með það. Ég er að hugsa um að láta skrá mig Helga Magnúsdóttir skríll í símaskrána. Mér finnst þetta sæmdarheiti í þessu samhengi.

[Kristján Helgason (IP-tala skráð) 1.12.2008 kl. 23:48]

HÆ aftur ! Ég man ekki annað en að það hafi verið Helv. gott. Bjarni, Valborg, Þór, Valdi, Bjútí og fleiri að ég tali nú ekki um Stjóra, allt var þetta öðlingsfólk, og var vel meinandi.   Verum örugglega áfram í baráttunni.  Sjáumst vonandi á næsta baráttufundi

Kv. Kristján

[Jenný Anna Baldursdóttir, 2.12.2008 kl. 00:00]

Heyr, heyr.

[Hólmdís Hjartardóttir, 2.12.2008 kl. 00:33]

hahaha..........mér datt þetta lag í hug um leið og ég las fyrirsögnina.

Nei við getum ekki gefið svigrúm

[Steingrímur Helgason, 2.12.2008 kl. 01:07]

Þið eruð skríll af því tagi, að tilvinnandi væri að úlpazt með sem einn slíkur...

[Jóna Kolbrún Garðarsdóttir, 2.12.2008 kl. 01:14]

Ég er stolt af því að teljast til skrílsins, og þjóðarinnar á tyllidögum, og fyrir kosningar

[Jóhanna Magnúsar- og Völudóttir , 2.12.2008 kl. 04:45]

Yndisleg myndin af fjölskyldunni við viðtækið.  ..

Fréttir um hið neikvæða seljast betur en jákvæðar fréttir - eða þannig sko.

[Sigrún Jónsdóttir, 2.12.2008 kl. 07:37]

Takk fyrir innlit og innlit mín kæru og góðan dag

Þegar Steingrímur mætir í fremstu röð mótmælenda......verður farið að hlusta

Í dag verð ég "skríll" í "mannauðsgervi", fer í vinnuna og huga að mínum skjólstæðingum

[Ía Jóhannsdóttir, 2.12.2008 kl. 09:08]

[Hallgerður Pétursdóttir (IP-tala skráð) 2.12.2008 kl. 09:45]

Álafoss úlpu á Steingím og málið dautt. Varstu á laugardaginn á Austurvelli?

[Ásthildur Cesil Þórðardóttir, 2.12.2008 kl. 10:19]

Ég stend stolt með ykkur hinum í skríladeildinni.   Veit ekki hvað á að kalla þessa postula og vandlætingarlið.  Þau eru allavega ekki þjóðin.... en. 

[María Kristjánsdóttir, 2.12.2008 kl. 21:14]

Já, auðvitað, fyrst er rúv og svo stöð 2! Þessu var ég búin að gleyma. Og hitt : er ekki búið að þyða textann eftir Cohen? Það þyrfti að gera það- mér finnst vanta sárlega söngtexta í mótmælin.

[Sigrún Jónsdóttir, 2.12.2008 kl. 21:48]

Takk fyrir innlit stelpur

Hallgerður, ég held að Steingrímur sé "sjálfviljugur" kominn í úlpugírinn  Var að vinna s.l. laugardag, en mæti á laugardaginn kemur.

Ásthildur, við "the Skríll" höfum bráðum undirtökin

Velkomin í heimsókn María, gaman að sjá þig hérna

Birti hér 2 fyrstu erindin af First we take Manhattan, then we take Berlin,  gætum alveg yfirfært þetta á okkar stöðu:

They sentenced me to twenty years of boredom
For trying to change the system from within
I'm coming now, I'm coming to reward them
First we take Manhattan, then we take Berlin

I'm guided by a signal in the heavens
I'm guided by this birthmark on my skin
I'm guided by the beauty of our weapons
First we take Manhattan, then we take Berlin

[Jakobína Ingunn Ólafsdóttir, 4.12.2008 kl. 00:16]

Það er frábært að fá þetta svona skýrt og skorinort.

[Katrín Snæhólm Baldursdóttir, 4.12.2008 kl. 12:03]

Sem betur fer hugsa ekki allar Katrínar eins.....ég vil miklu fremur vera titluð sem skríll og standa upp gegn þesssu óréttlæti og psillingu sem hér líðst...en að vera svona svigrúmskelling eins og sumar Kötur eru. Ha ha ha..gefa frið og svigrúm. Til hvers??? Tökum útvarpið yfir og segjum upp þ.essu liði í beinni.