Utanþingsstjórn, hvað segið þið um það?

Merkilegur fjandi....Geir finnst óeðlilegt að forseti ASÍ hafi skoðun á samsetningu ríkisstjórnarinnar og Ingibjörgu finnst þetta ómaklegt og órökstutt.  Vá, vá, vá......fyrir höndum.  Hvílíkur valdhroki og veruleikafirring.

Skoðun mín skiptir þau alveg örugglega engu máli, en ég læt hana samt flakka:  Þau ættu bæði að víkja, ásamt sínu fylgifólki!

Ég fékk komment hér á síðunni, frá bloggvini mínum Baldri Gauta Baldurssyni formosus .  Mér finnst tillaga hans allrar athygli verð og set hana fram hér til umræðu:

Einhver þarf að koma með snjallræðishugmynd!   Mín hugmynd er að senda Alþingi heim í 2 ár. Sett verði utanþingsstjórn með forseta Íslands i forsæti. Í þessari stjórn sitji bara sérfræðingar, hver á sínu sviði. Þessir aðilar fái ráðherravald. Þeir sitji i 2 ár og stýri landinu til hafnar og síðan til gjöfulla miða þegar búið er að rétta af ballest þjóðarskútunnar. 

Þetta sé neyðarráðstöfun í 2 ár og á þeim tíma fái nýtt alþingisfólk að koma fram og jafnvel nýir þjóðvænir stjórnmálaflokkar.

Hvað finnst ykkur?

 

 

Vegið ómaklega að ráðherrum

Athugasemdir

[Helga Magnúsdóttir, 11.11.2008 kl. 21:57]

Þetta er alveg snilldarhugmynd. Hversu lengi á að "rannsaka" málið áður en einhverjir fá að svara til saka?

[Katrín Snæhólm Baldursdóttir, 11.11.2008 kl. 22:06]

Það verður að koma svona hugmyndum í framkvæmd sem fyrst....við þurfum tíma til að skipuleggja og leggja drög að algerlega nýjum stjórnarháttum og stefnum fyrir þessa þjóð..koma spillingarliðinu í burtu sem allra fyrst. Ég hef verulegar áhyggjur af því hvað er að gerast núna í þessum "rannsóknum" og hverjir standa að þeim og hverjir skipa í rannsóknarráðin. En því miður heyra stjórnvöld ekki neitt......með eyrun troðfull af hroka. HVERNIG GETUM VIÐ KOMIÐ ÞEIM FRÁ???

[, 11.11.2008 kl. 22:13]

Góð hugmynd hjá Baldri Gauta vini okkar. En hvernig við komum hinum frá, það er stóra spurningin.

[Aprílrós, 11.11.2008 kl. 23:38]

framkvæma

[Jenný Anna Baldursdóttir, 12.11.2008 kl. 00:08]

Ekki svo vitlaus hugmynd.

[Hólmdís Hjartardóttir, 12.11.2008 kl. 00:14]

Ágætis hugmynd

[Jóna Kolbrún Garðarsdóttir, 12.11.2008 kl. 01:07]

Þetta er hugmynd að mínu skapi, nema það að Ólafur Ragnar ætti hvergi að koma nálægt henni.

[Baldur Gautur Baldursson, 12.11.2008 kl. 08:10]

Takk Sigrún!  Ég held að þetta sé eina leiðin til að síja út spillingu. Það er nauðsynlegt að skapa fjarlægð frá atvinnustjórnmálamönnunum og ástandsmyndinni í heild sinni. Þeir hafa misst sjónar á heildarmynd viðfangsefnisins.  Tel ég heillavænlegt að gefa þeim frí í 2 ár, fá fram nýtt fólk og nýja flokka inn á sjónarsviðið. Á meðan reynum við að sigla skútunni til hafnar, búa hana á ný og bæta.  Að tveimur árum liðnum verði forsendu betri eftir starfsemi hinna settu ráðherra.

Þá verði kosið á ný og endurreisnarstarfinu framhaldið eftir vilja þjóðarinnar.

[Ásdís Emilía Björgvinsdóttir (IP-tala skráð) 12.11.2008 kl. 09:11]

Þetta er snilldarhugmynd - mér líst vel á hana!!!

[Hallgerður Pétursdóttir (IP-tala skráð) 12.11.2008 kl. 09:49]

Auðvitað góð hugmynd,nema hvað? Græt í koddann minn að þú skulir ekki hafa farið í pólitík. Þú værir Jóhönnu Sigurðar ígildi

[Brynja skordal, 12.11.2008 kl. 13:57]

[Kolbrún Hilmars, 12.11.2008 kl. 19:07]

Sigrún, nei takk! við hugmynd Baldurs Gauta.  Forsetinn er of samsekur útrásaraðlinum til þess að nýtast þjóðinni til eins né neins.

Sjálf hef ég starfað nógu lengi innan stéttarfélagageirans til þess að þekkja að þar er lýðræði ekki í hávegum haft - að meðtaldri forystu ASÍ.

Utanþingsstjórn yfirhöfuð?  Nei, við eigum að þrýsta á lýðræðislega kjörna þingmenn að vinna sitt starf og gefa þeim engan afslátt á því.  Embættismannaliðið má hins vegar reka strax, svo sem Fjármálaeftirlit og Seðlabankastjórn.

[Sigrún Jónsdóttir, 12.11.2008 kl. 21:59]

Kolbrún, orðstír Íslensku þjóðarinnar á erlendri grundu verður ekki bættur með neinum af þeim stjórnmálamönnum, sem sitja á Alþingi í dag.  Við erum hluti að alþjóðasamfélagi og við þurfum traust.

Flokkarnir þurfa allir, já allir að endurnýja sig og til þess þurfa þeir tíma.  Það ríkir neyðarástand og við því verður að bregðast.  Enginn núverandi þingflokka nýtur míns trausts.

Enginn alþingismaður getur fríað sig ábyrgð og þeir voru kosnir inn á þing á allt öðrum forsemdum en nú blasa við.   Breyttar forsemdur kalla á breytt fyrirkomulag.

[Ásthildur Cesil Þórðardóttir, 13.11.2008 kl. 11:01]

Lýst vel á utanþingsstjórn, meðan verið að hreinsa til, og þrífa upp eftir spillingaröflin í samfélaginu.

[Kolbrún Hilmars, 13.11.2008 kl. 15:00]

Sigrún, mér þykir alveg jafnbrýnt að hreinsa til og þér, en finnst mikilvægt að gera það á lýðræðislegum forsendum. 

Mín tillaga er sú að hreinsa strax til í embættismannageiranum, um áramót komi bráðabirgðastjórn, (tímabundin til 5 mánaða, utanþings? en verði þó valin með samþykki allra þingflokka) og þingkosningar í maí. 

Þá hafa stjórnmálaflokkar nokkra mánuði til þess að einbeita sér að því að hreinsa til á framboðslistum sínum.