Haltu mér slepptu mér

Mér finnst þetta hljóma hálf dapurlega.  Samfylkingin virðist ekki vera tilbúin að afla sér endurnýjaðs umboðs frá kjósendum, heldur þvinga fram breytta stjórnarstefnu frá sundurtættum samstarfsflokki.

Auðvitað þarf ríkisstjórnin nýja stefnu, hún þarf reyndar fyrst og fremst einhverja stefnu, en hver verður trúverðugleikinn með sama fólkið innanborðs?.

Trúverðugleiki núverandi stjórnvalda er ekki beysinn og ég efast um að nýr stjórnarsáttmáli breyti þar einhverju......en hvað veit ég.

U2 með With or without you....

 

Vilja nýjan stjórnarsáttmála

Athugasemdir

[Gunnlaugur Ingvarsson (IP-tala skráð) 10.11.2008 kl. 15:54]

Alveg hárrétt hjá þér og það er algerlega borin von að hægt sé að treysta Samfylkinguni til að leiða okkur útúr þessum ógöngum.

Þeir eru ekkert að gera og hafa ekkert verið að gera.

Það meira að segja hlakkar í sumum þeirra þegar fleiri áföll dynja yfir okkur.

Þeir vilja ekkert leita lausna til þess að leiða okkur útúr vandanum.

Þeirra eina stefna felst í því að nota sér öngþveitisástandið núna af því að þjóðin er svo hrædd og illa áttuð í ástandinu og þröngva okkur skilyrðislaust inn í ESB sama hvað það kostar.

Þetta finnst þeim að verði að gera STRAX, því að hætta væri á að þjóðin myndi aðeins átta sig betur þegar frá líður.

Það má ekki einu sinni ræða aðrar lausnir, aðeins þessa einu þröngu sýn. INN Í ESB !

Ég held að fólk fari nú að átta sig á því að þessi lýðskrumaraflokkur Samfylkingin hefur engar lausnir og er ekkert annað landráðahyski !  

[Sigrún Jónsdóttir, 10.11.2008 kl. 16:05]

Takk fyrir innlegg Gunnlaugur.  Það er náttúrulega fráleitt að ríkisstjórnin geti tekið um það ákvörðun ein og sér að ganga inn í ESB, því við erum þó þrátt fyrir allt lýðræðisríki, vona ég.  Samþykki úr þjóðaratkvæðagreiðslu þarf því að vera til staðar áður en þannig skref yrði stigið, það hlýtur Samfylkingarfólk að gera sér grein fyrir.

[Hólmdís Hjartardóttir, 10.11.2008 kl. 17:08]

Sigrún er Ísland lýðræðisríki

[Hólmdís Hjartardóttir, 10.11.2008 kl. 17:09]

vantar spurningamerki

[Sigrún Jónsdóttir, 10.11.2008 kl. 17:10]

Ég veit það ekki Hólmdís, en ég vona það

[Jenný Anna Baldursdóttir, 10.11.2008 kl. 17:34]

Meira ruglið.  Auðvitað á að kjósa.

[Guðrún Emilía Guðnadóttir, 10.11.2008 kl. 19:14]

Ef allt er satt sem fram hefur komið þá er Ísland ekki lýðræðisríki,
heldur ríki yfirráðs nokkra manna og kvenna sem hafa hagað sér að sinni eigin vild.
Ljós og gleði til þín Sigrún mín.
Milla

[Helga Magnúsdóttir, 10.11.2008 kl. 20:58]

Þetta lið rótar sér sko ekki úr valdastólunum heldur rembist eins og rjúpan við staurinn að komast hjá því að svara nokkrum sköpuðum hlut, líklega vegna þess að það veit ekki nokkurn skapaðan hlut.

[Kristjan (IP-tala skráð) 11.11.2008 kl. 00:26]

Sæl Sigrún ! Trúverðugleikinn er enginn með þessa preláta innanborðs. Hvað nýja stefnu áhrærir, þá er hún og hefur aldei verið til. Ég er sammála þér um að nýr stjórnarsáttmáli breytir ENGU, við munum alltaf verða skilin eftir í skítnum, andskotans sama hvað við segjum eða gerum. Reynum með öllum ráðum að koma þessu liði frá völdum.Ekki síðar en STRAX.

Kv. Kristján.    (Búinn að fá nóg)

[Jóna Kolbrún Garðarsdóttir, 11.11.2008 kl. 01:18]

Þeir sitja á meðan sætt er.  Enginn mun segja af sér, þrátt fyrir mótmælafundi og óeirðir.  Þetta lið telur sig hafið yfir lög. 

[Baldur Gautur Baldursson, 11.11.2008 kl. 09:53]

Ég veit hreinlega ekki hvað gera skal. Ég treysti knappt nokkrum stjórnmálamanni á Íslandi lengur.  Það er búið að fara svo illa með þjóðina og það virðast flestir vera á einhvern máta tengdir því í liði stjórnmálamanna. 

Einhver þarf að koma með snjallræðishugmynd!   Mín hugmynd er að senda Alþingi heim í 2 ár. Sett verði utanþingsstjórn með forseta Íslands i forsæti. Í þessari stjórn sitji bara sérfræðingar, hver á sínu sviði. Þessir aðilar fái ráðherravald. Þeir sitji i 2 ár og stýri landinu til hafnar og síðan til gjöfullra miða þegar búið er að rétta af ballest þjóðarskútunnar. 

Þetta sé neyðarráðstöfuní 2 ár og á þeim tíma fái nýtt alþingisfólk að koma fram og jafnvel nýjir þjóðvænir stjórnmálaflokkar.

[Hólmdís Hjartardóttir, 11.11.2008 kl. 11:28]

sammála Baldri. Þótt mín hugmynd hafi verið að sérfr. sætu til vors.

[Gudrún Hauksdótttir, 11.11.2008 kl. 14:27]

Tad er góda vedrid í henni Danmörk.

Kærleikur til tín elskuleg

[Sigrún Jónsdóttir, 11.11.2008 kl. 15:58]

Mér finnst þetta frábær hugmynd hjá þér Baldur.

Takk fyrir innlegg öll.

[Guðrún Emilía Guðnadóttir, 12.11.2008 kl. 09:46]

Frábær hugmynd hjá Baldri, en hvernig eigum við að framkvæma hana.