Ríkið, það er ég.......og þú!

Það efast engin um að kröfur ljósmæðra eru réttar og á rökum reistar, ekki sála.  Almenningur stendur með þeim og þingheimur í stjórn og stjórnarandstöðu stígur á stokk og lýsir yfir samstöðu með þeim.   Af hverju stendur þá hnífurinn fastur í kúnni? 

Verkfallsvopn heilbrigðisstétta er algerlega bitlaust og þannig vilja ráðamenn hafa það.  Aðgerðir hafa ekki áhrif á neina aðra en þá sem eru í verkfalli og vinnufélaga þeirra.......og RÍKIÐ sparar.  

RÍKIÐ, það er ég og þú, viljum þessa þjónustu og við greiðum skattana okkar með glöðu geði af því við viljum hafa heilbrigðis- og skólaþjónustu í góðu lagi.  Við, RÍKIÐ, kjósum okkur fulltrúa á fjögurra ára fresti, sem við treystum til að forgangsraða skattpeningunum okkar þannig að sómi sé af.

Hverjum datt annars í hug að velja dýralækninn Árna Matt, til vörslu á RÍKISbauknum?  Hann borgar glaður reikninga samráðherra sinna og þeirra föruneyta í skemmtireisur til annarra heimsálfa á sama tíma og hann kvartar yfir erfiðum tímum í RÍKISbúskap.

Annars eru allir ráðherrar RÍKISINS ábyrgir, í hvorum flokknum sem þeir standa og eiga því allir skilið skömm í hattinn.

Með leyfi annarra RÍKISstjóra, ætti dýralæknirinn að geta stigið fram og losað um déskotans hnífinn úr kúnni!

Áfram ljósmæður!

 

 

 

Kröfur ljósmæðra réttar

Athugasemdir

[Jenný Anna Baldursdóttir, 4.9.2008 kl. 15:38]

Sammála.  ARG

[Lára Hanna Einarsdóttir, 4.9.2008 kl. 15:42]

Hér er hægt að ná í myndband til stuðnings ljósmæðrum:

http://www.youtube.com/watch?v=9k6AF7p3LdM

[Brynja skordal, 4.9.2008 kl. 15:52]

Sammála hafðu ljúfa helgi Elskuleg

[Sigrún Jónsdóttir, 4.9.2008 kl. 15:59]

Takk stelpur og takk fyrir link Lára Hanna ég hvet hér með lesendur síðunnar til að smella á hann, þó ekki væri nema til að heyra og sjá "RÍKISstjóra" nr. 1 upplýsa okkur um að hann sé ekki í samninganefndinni  og geti því ekkert að því gert þó ekki sé farið að stjórnarsáttmála.

Ef fjármálaráðherra er einráður um fjármál RÍKISINS, utanríkismálaráðherra einráður um utanríkismál, félagsmálaráðherra einráður um félags- og jafnréttismál o.sv.frv. hvert er þá hlutverk forsætisráðherra?  Er hann bara fundarstjóri RÍKISstjórnar?

[Ía Jóhannsdóttir, 4.9.2008 kl. 16:28]

Ekkert nema sammála Sigrún mín. 

[Hólmdís Hjartardóttir, 5.9.2008 kl. 01:54]

Á þing með þig kona

[Ólína Kjerúlf Þorvarðardóttir, 5.9.2008 kl. 09:44]

Já, það er illt til þess að vita að störf ljósmæðra skuli ekki metin að verðleikum eins og störf annarra menntastétta.

Ég tek undir með þeim sem benda á að hér er ekki verið að tala um launahækkanir heldur leiðréttingu.

[Sigrún Jónsdóttir, 5.9.2008 kl. 11:08]

Takk fyrir innlit og umræðu.

Hólmdís, láttekkisona kona, það væri nær að þú færir, hjúkkur hafa hingað til staðið sig nokkuð vel í þinginu.

Ólína, "kvennastörf", hafa aldrei verið metin að verðleikum, þess vegna var það bundið í stjórnarsáttmála að leiðrétta þyrfti þessa mismunun, sem á sér stað og nú er lag, gagnvart ljósmæðrum.  Við hinar bíðum eftir "nefndaráliti", sem líta á dagsins ljós í haust, en þangað til, sem hingað til og endranær, stöndum við þétt að baki ljósmæðrum.

[Ásdís Emilía Björgvinsdóttir (IP-tala skráð) 5.9.2008 kl. 11:57]

JÁ! Alveg "gegt kúl" hjá þér, Sigrún mín!

Er stjórn SLFÍ búin að lýsa yfir stuðningi við ljósmæður? Ég styð þær allavega.

Knús á þig, vinkona

[Sigrún Jónsdóttir, 5.9.2008 kl. 13:15]

Hæ Ásdis mín,

Ég var að koma af mótmælafundinum og hitti þar Drífu Sig, ljósu og bað hana einmitt fyrir kveðju til þín.

Hef ekki heyrt bofs frá stjórn SLFÍ og engin trúnaðarmannafundur verið boðaður eftir sumarfrí, alla vega ekki hér í R.vík.

[Guðrún Emilía Guðnadóttir, 5.9.2008 kl. 13:44]

Góð ertu ætíð Sigrún mín styð þær alla leið.
Knús kveðjur
Milla.

[Kristjana Engliráð Sigurðardóttir (IP-tala skráð) 7.9.2008 kl. 10:48]

jamm!

kvitt!

K

[Sigrún Jónsdóttir, 7.9.2008 kl. 14:05]

Ég þakka innlit mínar kæru.  Hallgerður, þetta er útkjálka og eyja rökvísin, allt eitthvað svo einfalt, þú veist.

Kristjana, gaman að sjá þig, ég var að tala við bróðir minn í Brisbane núna áðan í gegnum skypið.  Hann er búin að búa í Ástralíu í 28 ár!  Fyrst í Adelade og síðan í Brisbane.  Vonandi getið þið landarnir hist, svona af og til

[Ásthildur Cesil Þórðardóttir, 7.9.2008 kl. 14:17]

Algjörlega sammála þér Sigrún mín.

[Lilja G. Bolladóttir, 10.9.2008 kl. 13:31]

Maður bara hristir höfuðið í undrun og hneyksli yfir framgangi stjórnvalda í þessu máli. Kosningaloforð um að hækka laun kvennastétta og að útrýma launamun kynjanna eru löngu gleym. Ekki heyrist píp í Geir Haarde, enda er þetta málefni fyrir neðan hans virðingu að tjá sig um.

Og hvar er Samfylkingin? Af hverju gerir hún ekki eitthvað. Félagshyggjuflokkurinn er algjörlega eins og gólftuska Sjálfstæðisflokksins, buktar sig og beygir og kyngir stolti sínu og sannfæringu í þakklæti fyrir að fá að vera memm í þessu ríkisstjórnarsamstarfi.

Samfylkingin hefur aldeilis trompin á sinni hendi núna, mælist með mesta fylgi allra flokka, þjóðin stendur með ljósmæðrum í þessarri kjarabaráttu, svo Samfylkingin gæti aldeilis unnið enn betur á.... en gerir ekki neitt. Þetta er svo mikið hneyksli og það á meðan Þorgerður Katrín getur leyft sér að ferðast til Kína tvisvar á tveimur vikum fyrir sem svarar mánaðarlaunum margra ljósmæðra.....

[Sigrún Jónsdóttir, 10.9.2008 kl. 16:00]

Takk fyrir innlit Ásthildur og Lilja. 

Ég er svo hjartanlega sammála þér Lilja og ég held að aldrei slíku vant þá sé þjóðin að mestu leiti sammála okkur.

Takk fyrir bloggvináttu, þigg hana með þökkum