Sæla á Suðureyri v/Súgandafjörð!

Þá er komið að því.  Við Valla systir leggjum af stað vestur á firði á morgun og með okkur í för verður stóra ömmustelpan mín, hún Kristrún Amelía.

Ég vona að mest af þessum snjó, sem þarna er í fjöllunum verði farinn, þá verður auðveldara að sigta út ísbirni.

Þessa mynd tók hún Anna Bjarna s.l. vor og mér finnst hún athyglisverð, þar sem ég hef aldrei séð "skerið" svona.  Kannski það sé hægt að labba yfir á Norðureyri þessa dagana???

Ég verð ekki "eyrarbúki", hvorki innri né ytri mala púki þetta árið.........

 

 

Þessa mynd þók hún Ásthildur mín kæra bloggvinkona um daginn og ég gerðist svo kræf að stela henni frá henni, sem ég vona að hún fyrirgefi.  Þarna sést upp á Hjallaveg, en ég mun búa á Hlíðarveginum, sem er vinstra megin í "hjöllunum" séð frá þessum stað.  Enginn snjór í þessum hlíðum, þannig að ísbirnir geta ekkert falið sig.

 

 

Við komum til með að hitta þessa sómamenn, þá Guðna og Ævar Einarssyni og Hilmar auðvitað líka, en Guðni og Ævar hafa ásamt Mannsavinum verið í forsvari og stjórnað öllu af myndarbrag á Sæluhelgum frá byrjun.  Frábært framtak hjá þeim bræðrum.

 

 

 

Síðast þegar við Kristrún Amelía fórum á "Sælu", árið 2006 tók hún þátt í söngvarakepninni.  Lenti þá í 2. sæti í sínum aldursflokki og var valin "Bjartasta vonin".  Þá var hún 6 ára og fannst þetta ekkert mál.  Nú er hún að verða 8 ára og orðin aðeins feimnari, þannig að það verður bara að koma í ljós hvort hún tekur þátt í ár.

 

 

Hér er Kristrún Amelía að taka við "Rabba bikarnum" árið 2006, sem er farandbikar en fjölskylda Rafns Jónssonar tónlistarmanns gaf hann til minningar um Rabba okkar og einhver úr fjölskyldunni afhendir hann á hverri Sæluhelgi

 

 

 

 Þetta er Aðalgatan mín með Göltinn minn í bakgrunni

Rændi þessari líka frá Ásthildi (Takk, takk!).  Gölturinn skýlir vel þorpinu fyrir norðvestan áttinni, þannig að það verður blankalogn að venju þegar ég mæti á svæðið.

En nú verð ég víst að fara að pakka einhverju í tösku, svo stóra systir þurfi ekki að bíða eftir mér í fyrramálið.

 

Veit ekki hvenær ég verð næst í sambandi, þannig að ég sendi ykkur öllum  stórt  knús. 

Sjáumst

 

 

Athugasemdir

[Ásthildur Cesil Þórðardóttir, 7.7.2008 kl. 21:04]

Þú mátt taka allar myndir sem þú vilt frá mér elskulega Sigrún mín.  Ætli þessar tvær Sóley Ebba og Kristrún Amelía keppi ekki í ár hvor við aðra  Vonandi hefur þú tíma fyrir kaffispjall, meðan þú dvelur vestra

[Sigrún Jónsdóttir, 7.7.2008 kl. 21:11]

Takk Ásthildur mín.  Sóley Ebba sigraði 2002, þegar Kristrún varð í 2. sæti.  Sóley Ebba er náttúrulega miklu meiri tónlistarmaður, spilar á hljóðfæri og alles.

Ég bara verð að kíkja til þín í Kærleikskúluna í kaffispjall

[Sigrún Jónsdóttir, 7.7.2008 kl. 21:15]

2006 meina ég

[Anna Bja (IP-tala skráð) 7.7.2008 kl. 21:18]

Jahá það er að koma að Sælu ;-) Ég á vona á því að leggja af stað á fimmtudaginn eftir vinnu, Anton kemur með mér auðvitað.

Hlakka til að hitta ykkur er við komum vestur
Góða ferð.

Kveðja úr sólinni á Skaga

[Hrönn Sigurðardóttir, 7.7.2008 kl. 21:19]

Góða ferð og góða skemmtun ;)

[Ásdís Emilía Björgvinsdóttir (IP-tala skráð) 7.7.2008 kl. 23:33]

Sæl Sigrún mín! 

Fyndið, við vorum þarna á Sæluhelginni 2006, ofboðslega gaman í yndislegu veðri. Þá bjuggu Lárus bróðir hans pabba og Dóra konan  hans ennþá á Suðureyri, en þau eru flutt á höfuðborgarsvæðið núna.

Kannast þú við konu, hjúkrunarfræðing sem er að vinna með mér, sem heitir Sólveig Bára Guðnadóttir? Hún er frá Suðureyri. 

Hvíslaðu endilega kveðju frá mér til yndislegu fjallanna og fjarðanna!

Góða ferð og skemmtu þér vel

[Sigrún Jónsdóttir, 7.7.2008 kl. 23:45]

Ásdís ég skal segja ykkur það!!!  Ég verð í Lárusar og Dóru Kollu húsi, Valdimar frændi minn er búin að kaupa það.

Ég kannast ekki svona í fljótu bragði við Sólveigu Báru, hún hlýtur að vera eitthvað yngri en ég.

Ég skila kveðjunni og takk

P.s. hvernig stendur á því að við hittumst ekki 2006?

[Ómar D. (IP-tala skráð) 8.7.2008 kl. 00:06]

Eigðu góða ferð kæra móðir, bestu kveðjur til fólksins.

[Hólmdís Hjartardóttir, 8.7.2008 kl. 00:49]

Góða ferð....ég hef aldrei komið til Suðureyrar.

[Guðrún Jóna Gunnarsdóttir, 8.7.2008 kl. 00:50]

Þú ert þegar komin heim í ,,Sæluna" í huganum. Yndislegar myndir og skýringar með. Njóttu vel, vona að verðurguðirnir leiki við ykkur fyrir vestan. Bíð spennt eftir ferðasögunni eftir helgina. Góða ferð

[Jenný Anna Baldursdóttir, 8.7.2008 kl. 01:22]

Góða ferð og skemmtun.

[Gudrún Hauksdótttir, 8.7.2008 kl. 08:41]

Jedúdamía hvad ég fæ mikid í magann tegar ég se tessar yndislegu myndir...Langar svo ,mig langar svo á sælu.Tad eru bara svo gódar  mynningar sem ég frá sudureyri og vonandi kem ég seinna á sælu.

Knús til Gudna og Ævars og bara allra sem ég tekkji.Elsku Anna Bj. knús til tín líka.

Veit tetta verdur bara geggjad fjör.

Sæluknús til tín

[Halldóra Hannesdóttir, 8.7.2008 kl. 11:40]

Hey ég sko bíð eftir ykkur öllum

[Ía Jóhannsdóttir, 8.7.2008 kl. 18:48]

Njóttu vel elskulega Sigrún mín

[Guðrún Emilía Guðnadóttir, 8.7.2008 kl. 20:37]

Góða ferð elsku Sigrún mín, skilaðu kveðju vestur frá mér og fylltu þig með orkunni frá fjöllunum yndislegu.
Hamingjan fylgi ykkur vestur og til baka heim.
Viltu knúsa hana Ásthildi frá mér.
Knús kveðjur Milla.

[Ragnheiður , 9.7.2008 kl. 22:08]

Góða ferð, það er alltaf fallegt á Suðureyri..þar bjó ég til skamms tíma með Hilmar lítill og Hjalta nýjan

[Halldóra Hannesdóttir, 9.7.2008 kl. 22:46]

Ragnheiður, má ég spyrja hvað ár það var?

[Lilja Guðrún Þorvaldsdóttir, 10.7.2008 kl. 23:46]

Góða ferð og góða skemmtun.

[Ásdís Sigurðardóttir, 11.7.2008 kl. 15:45]

  Vona að þú og þið skemmtið ykkur rosalega vel. Fallegar myndir og götumyndin yndisleg og íslensk.  Kær kveðja

[Brynja skordal, 11.7.2008 kl. 17:31]

Góða skemmtun hef 2 verið á sæluhelgi á suðureyri yndislegt það var þegar ég bjó fyrir vestan 

[Ásthildur Cesil Þórðardóttir, 11.7.2008 kl. 20:41]

Sigrún mín, ég vona að þú gefir þér tíma til að líta við.  Þetta var allof stutt þegar þú komst.  Knús á þig mín kæra. 

[Magnús Paul Korntop, 11.7.2008 kl. 23:12]

Góða ferð og skemmtu þér vel fyrir vestan.

[Haraldur Bjarnason, 12.7.2008 kl. 08:42]

Já, þarna westur. - skilaðu kveðju ef þú hittir einhverja ættingja mína þarna. - held að eitthvað sé af þeim þarna ennþá.

[Jóhanna Magnúsar- og Völudóttir , 12.7.2008 kl. 16:53]