Alvöru mótmæli, sem heyrast, finnast og sjást.

Gamli baráttuneistinn í mér tók kipp, þegar ég heyrði flautubaul atvinnubílstjóra frá Sæbrautinni, þar sem þeir voru á leið upp í Ártúnsbrekku í hádeginu.  Þetta kalla ég að taka á málunum! 

Best að ég drífi mig áleiðis til sjúkraþjálfarans, því ég þarf að "krossa" Kringlumýrarbrautina á leið minni til hans.  Ég skal með glöðu geði labba einhverja vegalengd og ekki láta hugsanlegar tafir pirra mig!

Bugta mig og beygi fyrir þessum alvöru mótmælendum!

Bílstjórar mótmæla

Athugasemdir

[Brynja skordal, 28.3.2008 kl. 16:13]

já styð þetta heilshugar hafðu góða helgi

[Anna Bja (IP-tala skráð) 29.3.2008 kl. 01:42]

Já maður styður þessa kappa, maður segir bara mikið var að einhverjir létu heyra í sér þó fyrr hefði verið með einhverjum svona aðgerðum.  Já ég vil meira af svona löguðu í okkar samfélag.  Skrapp vestur um páskana, alveg meiriháttar, gott veður þar líka eins og út um allt land.  Frábærir tónleikar Aldrei fór ég suður, þetta er bara hrein snilld í viðbót við það að geta farið á skíði.  Mikið að fóki fyrir vestan og held ég að allir hafi fundið eitthvað við sitt hæfi.  Kveðja af Skaganum

[Sigrún Jónsdóttir, 29.3.2008 kl. 12:35]

Þakka kveðjurnar.  Auðvitað er alltaf tvær hliðar á öllum málum Hallgerður.  Sem betur fer hafa ekki borist fréttir af neinum alvarlegum óhöppum, vegna þessara aðgerða.

Ég held að sjúkra- og aðrir neyðarbílar, hafi alltaf "varaleið" á takteinum, því þeir vita að umferðatafir verða daglega af hinum ýmsu ástæðum, t.d. umferðaslysum og daglegum álagstíma í umferðinni.  

Mótmælaaðgerðir koma oft illa og verst niður á þeim, sem síst skyldi, t.d. í heilbrigðisgeiranum, þá koma verkföll verst niður á sjúklingum, aðstandendum þeirra og samstarfsfólki, þess vegna er er heilbrigðisstarfsfólk tregt til aðgerða og eru því launakjör eftir því. 

Ef mótmæli atvinnubílstjóra bera árangur, kemur það okkur öllum til góða, en þeir þurfa samstöðu þjóðarinnar á bak við sig til þess að þetta virki.

Sem betur fer komust þið vinnufélagarnir áfallalaust á áfangastað s.l. fimmtudag, en ósköp venjulegt umferðaslys, hefði getað tafið för ykkar og að ég tali nú ekki um ef þið hefðuð verið á ferðinni á álagstíma.  Knús á þig Hallgerður og ég skil vel pirring þinn vegna þess, sem hefði getað gerst!

[Ásthildur Cesil Þórðardóttir, 30.3.2008 kl. 15:35]

Ég styð þessa menn heils hugar, og segi bara vonandi er þetta vísir að meiru, mjór er mikils vísir.

[Katan , 30.3.2008 kl. 20:51]

Takk fyrir kveðjuna og ég vona að skrifin verða ágætis afþreiging! =)

Ég styð bílstjóranna heilshugar!