Ég hlakka svo til.....

Bóndadagurinn er í dag og samkvæmt gömlu tímatali hefur Þorrinn gengið í garð.  Það hlakkar í mörgum yfir því að geta nú borðað magafylli af úldnu meti og súrmeti....þar á meðal er ég

Það hlakkar líka í mörgum Íslendingnum þessa dagana yfir hinum ýmsu uppákomum, t.d. því að Sérstakur saksóknari virðist vera á réttri leið við að klófesta hluta af bankamafíunni.....

Síðast en ekki síst hlakkar og tístir í mörgum okkar kátínan yfir verðskulduðum sigri "strákanna okkar" á stóra bróðir í Noregi....og góðu gengi hingað til í þessari heimsmeistarakeppni

Svo hlakkar mjög í sjálfstæðismönnum yfir góðu gengi í skoðanakönnun þessa dagana þar sem tæp 50% aðspurðra af 50% svarhlutfalli, 400 manns af 800 svöruðu þannig að 200 manns  vilja FLokkinn aftur til valda

Það hlakkar í mér af því að 400 manns af þessum 800 virðast ekki hafa nokkurn áhuga á neinum þessara flokka sem í boði eru

Ég hlakka líka til að fara í vinnuna mína á eftir.  Er heppin að hafa ennþá vinnu eftir slæma útreið heilbrigðisþjónustunnar í því efnahagshruni sem varð í kjölfar áratuga sjálfgræðisstefnu Sjálfstæðis- og Framsóknarflokks

Mér finnst það líka tilhlökkunarefni að Þorrin, Góan og einmánuður líða og Harpan tekur við með sínum yndislegu sumarfríum já og nýju tónlistarhúsi

Ég mun væntanlega syngja nokkur velvalin þorralög með skjólstæðingum mínum í vinnunni minni á eftir, eins og t.d. Nú er frost á fróni og fleiri góð  Ég ætla rétt að vona að börnin á Sæborg hafi tekið það lag í tilefni dagsins

Svo hlakka ég mikið til að heyra af því hvernig strákarnir okkar ætla að tækla þjóðverjana á morgun....ég get ekki horft, er með bilaðan blóðþrýsting

En svona tækla þjóðverjarnir einn góðan þorrabrag okkar íslendinga  

In Extremo - Krummavisur (Live am Goldenen Rhein)

Börnin heilsa þorra

Athugasemdir

[Ásthildur Cesil Þórðardóttir, 21.1.2011 kl. 23:01]

Já það hlakkar í mörgum þessa dagana, enda eins gott ekki satt Það hlakkar reyndar ekki í mér við að hugsa um allt gúmmilaðið sem ég er að missa af  hér í Austurríki.  En vonandi verður eitthvað eftir fyrir mig, þegar ég kem heim.  Kveðjur