Sigrún Jónsdóttir

Ragga Björk sendi mér þessar myndir og ég er að vona að þær verði stærri en þær sem ég nappaði af facebooksíðunni hennar 

er að sjálfsögðu á Suðureyri v/ Súgandafjörð

Ég hafði ekki komið heim á Suðureyri í nokkur ár og var komin með svæsna "heimþrá" .  Mikil menningarveisla sem var í boði Act alone með stórkostlegum atriðum voru auglýst... og æskuvinkona mín  Eygló Einarsdóttir, sem býr í Svíþjóð var mætt á svæðið ásamt annarri æskuvinkonu Kolbrúnu Högnadóttur, Vesturportara  Þetta var of gott til að láta fram hjá sér fara ! 
Við restin af þessum æskuvinkonuhóp... ég (sem á bíl) og Eyrún Guðbjörnsdóttir, sem á hús (ásamt systkinum sínum) á Suðureyri.... ákváðum að láta slag standa og drífa okkur af stað.. Keyptum okkur nesti en enga nýja skó og komum vinkonum okkar skemmtilega á óvart :)
Við vorum komnar í þennan nafla alheims um kl. 18:00 síðdegis á föstudaginn... byrjuðum á því að koma við í Kaupfélaginu og fengum okkur "síðdegisdrykk" - röltum svo upp í Rauðu höllina (óðal Eyrúnar og Co.. )... sjænuðum okkur og dreyptum á nestinu....  (eins gott að sjæna sig... kannski væri gamall kærasti á svæðinu )
Ætluðum síðan að fara á einleik í Félagsheimilinu Með honum Bjarna Hauki (Hellisbúa), en því miður var allt orðið yfirfullt og við komumst ekki inn.... þá var aftur til setunnar boðið í Kaupfélaginu og "síðdegisdrykkir" sötraðir og spjallað við vinina... Kl. 22:00 var svo komið að tónleikum í Þurrkver með elskunni okkar Vestfirðinga honum MUGISON ! Eftir að þeirri dásemd lauk var komið að trúnóstund og "næturdrykkjum" hjá okkur vinkonunum ásamt Önnu Bjarnadóttur og Lillý Gullborg.

Okkur ber engan vegin saman um hvenær við fórum að sofa....

Á laugardeginum var áfram boðið upp á fyrsta flokks menningu...  Byrjuðum kl. 14:00 á gamla heimilinu mínu, þar sem bróðurdóttir mín Björg Sveinbjörnsdóttir bauð upp á "hljóðin í eldhúsinu" ásamt pönnukökum og kaffi... þ.e.a.s. upptökur sem mamma mín hafði tekið upp á segulbandstækið sitt í eldhúsinu heima fyrir u.þ.b. 30 - 35 árum síðan.  Fyrir mig persónulega var þetta súrealýskt.. lokaði augum, fann pönnukökulykt og mamma (sem lést árið 2000) var að spjalla við gesti (aðallega börn),og raulaði og söng með börnunum.... kökkur í hálsi og gæsahúð!  Ekki hægt að toppa þetta (fyrir mig persónulega) hélt ég.... en veislan hélt áfram.....

Eftir "mömmu" var aftur haldið í Kaupfélagið.... minnir mig (áttum soldið heima þar finnst mér)... "síðdegisdrykkir" og plokkfisksamloka!   PLOKKFISKSAMLOKA - algjör snilld, uppfinning Ársæls, verts í Kaupfélaginu.

Inga Lára Þórhallsdóttir bættist í hópinn, fannst svo gaman með okkur stelpunum að hún ákvað að þiggja svefnpláss í "rauðu höllinni" og vera með okkur fram eftir kvöldi... nóttu

Kl. 19:00 fórum við á einleik/stórleik Víkings Kristjánssonar vestfirðings og Vesturportara, sem nú er líka orðinn tengdasonur Súgandafjarðar   Eitt orð yfir þetta verk og flutning..... Frábært!
Næst á dagskrá var Jói Sandari... Jóhannes Kristjánsson Eftirherma, sem rifjaði upp mikið af sínum góðu gullkornum.  Jói var með mér á Núpi og systur hans Guðný og Elísabet eru gamlar vinkonur mínar...  Guðnýju hitti ég þetta kvöld og það var yndislegt en Elísabet er látin fyrir nokkrum árum síðan, langt um aldur fram.
Jói var góður og ég hló.. ég hló, ég skelli skelli hló.

Síðast á dagskrá laugardagskvöldsins voru tónleikar með Bjartmari Guðlaugs.... Æði pæði, frábært að hafa svona original forsöngvara þegar maður  fer í svona "sing along" partý
Dagurinn/kvöldið ekki búið þótt Act alone dagsskrá dagsins væri tæmd....  Eftir skemmtilega heimsókn í Kaupfélagið, þar sem við hittum nokkra hressa Grímseyinga.  Við buðum þeim með okkur í "The Partý" heima hjá Einari syni Eyglóar (og pínulítið okkar allra ) ..  Það er skemmst frá því að segja að þetta kvöld voru lögð drög að því að Grímsey og Suðureyri yrðu gerðir formlega að "vinabæjum"....   Grímseyingarnir, sem eru tvenn vinahjón voru á ferðalagi um vestfirði ásamt börnum sínum.... höfðu að sjálfsögðu skilið Suðureyri útundan í þessari ferð sinni eins og svo allt of margir gera...  Á laugardeginum voru þau á heimleið og komin inn í Hestfjörð (um 70 km.) þegar þau heyrðu auglýsta tónleikana með Bjartmari .... Þessar elskur snéru við á punktinum, mættu í fallega fjörðinn okkar og snarféllu!  Þau voru dolfallin... voru búin að skoða alla fallegu vestfirðina en komust að því að "perlan" sjálf hafði verið útundan...  Fallegasta og snyrtilegasta þorpið.. fullt um að vera og fólkið yndislegt, vingjarnlegt og traustvekjandi
Anna Bjarna hefur tekið að sér sundkennslu í Grímsey (vor og haust)

Við skiptumst á "vinabæjar" söngvum þetta kvöld og daginn eftir þegar við hittum aðra fjölskylduna á heimleið okkar allra... talaði húsbóndinn um að hann væri kominn með "Gömlu fötuna" á heilann og að við mundum tvímælalaust hittast á sama tíma að ári

Sögum ber ekki saman um háttatíma okkar stelpnanna eftir þennan dag.....

Sunnudagurinn - síðasti dagurinn á Act alone og heimfarardagur....
Inga Lára ræsti okkur Eyrúnu fyrir hádegi....  og síðan var skundað í matarboð til Ævars Einarssonar, vinar okkar og frænda.  Það var SKÖTUVEISLA í Tennsen   Nú erum við allar innvígðar í Skötuklíkuna, sem fer sífellt stækkandi   Skatan var frábær og Ævar yndislegur.

Klárað að ganga frá í rauðu höllinni áður en við mættum í kirkjuna... því auðvitað fórum við í messu

Í kirkjunni voru tónleikar Eyrúnar Arnardóttur ungrar konu, sem er fædd og uppalin á Suðureyri..... yndislegur tónlistarmaður sem syngur og semur eins og engill og tónleikar hennar áttu svo sannarlega heima í kirkjunni okkar á Suðureyri.  Eyrún er mögnuð  

Yndislegur endir á frábærri menningarhátíð fyrir okkur vinkonurnar, sem þurftum svo að bruna aftur "suður" til að sinna vinnu og svoleiðis leiðindum...  En við förum aftur.. við förum alltaf aftur

P.s. Missti því miður af einleik eftir  frænku mína Margréti Örnólfsdóttur í flutningi systur hennar  Álfrúnar Örnólfsdóttur sem sýndur var á fimmtudagskvöldið og fékk mjög góða dóma frá fólki sem sá verkið..
Auðvitað sá ég ekki allt sem í boði var, þótt ég væri á staðnum... ég þurfti auðvitað líka að tala við fjöllin og fólkið að ógleymdum firðinum

Þessi pistill er sérstaklega settur hér á bloggið fyrir bróðir minn sem býr í Ástralíu og neitar að koma á facebook....

Ég hef alltaf verið Beatles aðdáandi.  Þeir voru alltaf nr. 1 hjá mér og eru enn  Mér fannst einfaldlega enginn komast með tærnar, þar sem þeir voru með hælana.
Þetta hafa allir í kringum mig vitað og virt  Synir mínir hafa t.d. alltaf verið meðvitaðir um þetta og á tímabili hélt ég að ég hefði hreinlega staðnað í tónlistarsmekk með þessa snillinga á fóninum...  Ég komst samt að því að ég gat fallið aftur og fyrir öðrum tónlistarmönnum þegar annar sonur minn kynnti mig fyrir Queen og hinn fyrir Metalica, ó já
Systurdóttir mín sem er 11 árum yngri en ég vissi þetta líka alltaf.... Þegar hún var 8 ára fór ég 19 ára skvísan til Englands og dvaldi þar í nokkur ár.  Henni fannst það örugglega frekar ævintýralegt og spurði hvað ég ætlaði að gera þar.  Ég sagði henni víst að ég væri að fara að hitta Bítlana og svo ætlaði ég kannski í te hjá drottningu

 Sigga frænka minnti mig reglulega á þetta og spurði mig frétta af þessum vinum mínum í hvert sinn sem ég kom heim í heimsókn
Seinna fór hún sjálf í nám til Englands og við höfum því þennan enska bakgrunn sameiginlegan.
Það var svo fyrir algera tilviljun að hún rakst á auglýsingu um tónleika sem halda ætti í Hörpunni á þessu ári.  Ég átti stórafmæli í lok síðasta árs og hún benti sonum mínum á að ég yrði örugglega ánægð með að fara á þessa tónleika.....  Bítlarnir, hvorki meira né minna.  Reyndar heita þeir The Bootlegg Beatles... og þau keyptu fyrir mig 2 miða og gáfu gömlu
Ég get sagt ykkur það svona prívat og persónulega.... að þegar þeir birtust á sviðinu fór ég að gráta og næstu 2 klukkutímana eða svo féllu oft tár.... bæði trega og gleði tár.  Ég dansaði og öskraði, söng og trallaði - Þessir tónleikar voru alveg frábærir og ég varð aftur 18.... Takk elsku þið sem komuð mér þangað

Hann vill ekki koma á facbook

Systurnar 3, Kristrún Amelía, Erica Ósk og Karen Lilja dætur Jóns Erics að smyrja mömmukökur fyrir ömmu sína

 

 

 

 

 

EricaÓsk og Karen Lilja verða yfirskreytingameistarar við skreytingu Jólatrésins í ár

Jólatrésskreytingu lokið hjá frændsystkynum árið 2012 F.v. Kristrún Amelía,Karen Lilja, Erica Ósk og Herramaðurinn og nýorðin stóri bróðir, Róbert Skúli.

 

 

 

 

 

 

Meira var það nú ekki í bili kæri bróðir.  Takk fyrir samtalið og afmæliskveðjuna í kvöld.  Það lengir óneitanlega afmælisdaginn minn, þegar hann byrjar suður í Ástralíu

Love to you & Júlí