Aukið vægi kvenna er ánægjulegt :)

Að sjálfsögðu óska ég samlöndum mínum til hamingju með nýtt og mikið endurnýjað alþingi Fyrir utan það að vera mjög ánægð með útkomu Samfylkingarinnar og Borgarahreyfingarinnar og frábæran árangur VG, sem ætti að tryggja áframhaldandi vinstri stjórn er ég sérstaklega ánægð með aukinn hlut kvenna eftir þessar kosningar.

Við gerum okkur flest grein fyrir því að erfiðleikar okkar sem þjóðar eru rétt að byrja og þá er gott að vita að "hagsýnum húsmæðrum" sem standa vilja vörð um velferðarkerfið hefur fjölgað á alþingi okkar Íslendinga.

Ég vil bjóða eftirfarandi konur velkomnar til starfa í þágu réttlætis og félagshyggju

Fyrir Reykjavíkurkjördæmi norður:

Valgerður Bjarnadóttir (S)

Fyrir Reykjavíkurkjördæmi suður:

Svandís Svavarsdóttir (V)

Sigríður Ingibjörg Ingadóttir (S)

Lilja Mósesdóttir (V)

Vigdís Hauksdóttir (B)

Birgitta Jónsdóttir (O)

Fyrir Suðvesturkjördæmi:

Guðfríður Lilja Grétarsdóttir (V)

Fyrir Norðvesturkjördæmi:

Lilja Rafney Magnúsdóttir (V)

Ólína Þorvarðardóttir (S)

Fyrir Norðausturkjördæmi:

Jónína Rós Guðmundsdóttir (S)

Fyrir Suðurkjördæmi:

Unnur Brá Konráðsdóttir (D)

Margrét Tryggvadóttir (O)

Ég fagna innilega komu þessara knáu kvenna á alþingi okkar Íslendinga

 

 

 

 

 

 

 

Nýtt Alþingi Íslendinga

Athugasemdir

[Hólmdís Hjartardóttir, 26.4.2009 kl. 12:01]

Glæsilegt..

[Ásdís Emilía Björgvinsdóttir (IP-tala skráð) 26.4.2009 kl. 12:06]

Já, Sigrún mín, frábært að það skuli hafa orðið töluverð endurnýjun á Alþingi.

En getur þú frætt mig á því, hvort það verði kosið næst til Alþingis 2011? Við hálf þrættum yfir þessu, ég og samstarfskonur mínar á kvöldvaktinni í gær.

Kær kveðja

[Jóna Kolbrún Garðarsdóttir, 26.4.2009 kl. 15:48]

Alveg frábært að sjá kynjahlutfallið á þingi leiðrétt.  Ég vona að það verði til bóta fyrir vinnubrögðin þar. 

[Ía Jóhannsdóttir, 26.4.2009 kl. 19:05]

Vonandi getum við nú farið að anda léttar og tala manna mál eins og inn bloggvinur minn orðaðið það svo skemmtilega.

[Jenný Anna Baldursdóttir, 26.4.2009 kl. 23:19]

Gaman að vera kona núna.

Til hamingju.

[Hallgerður Pétursdóttir (IP-tala skráð) 27.4.2009 kl. 13:18]

Flottar konur og toppar Svandís það að öðrum ólöstuðum. Réttsýn eldklár kona.Föðurbetrungur.

[Ásthildur Cesil Þórðardóttir, 27.4.2009 kl. 23:09]

Vonandi skilar þessi aukning okkur meira umburðarlyndi og betra alþingi Sigrún mín.  Þetta eru allt mætar konur og flott að fá þær í hópinn. 

[Hilmar Gunnlaugsson, 27.4.2009 kl. 23:44]

Því miður tók minn flokkur, Sjálfstæðisflokkurinn, ekki upp kynjakvóta fyrir þessar kosningar og hlutur kvenna hjá okkur er því afar rýr. Það þykir mér miður.

Ég vil óska kvenmönnum til hamingju með þessa niðurstöðu og vona að kynjakvótinn á þingi verði jafn næst. 43% er þó skref í rétt átt

[, 28.4.2009 kl. 02:21]

Já þetta er svo sannarlega ánægjuleg þróun. Hjartanlegar hamingjuóskir til okkar allra.

[Gudrún Hauksdótttir, 28.4.2009 kl. 07:23]

Ég vil óska konum til hamingju med tessa útkomu kosninganna.

Kvejda til tín Sigrún mín frá Jyderup.

[Ragna Birgisdóttir (IP-tala skráð) 28.4.2009 kl. 11:04]