Þetta er nú meira REI-in ruglið!

Maður getur nú varla orða bundist lengur...svo smáhlé verður gert á bloggfríi.  Það brenna á mér nokkrar spurningar, sem ég fæ sjálfsagt aldrei svör við af því að þeir sem ættu að vera að velta fyrir sér spurningum í ljósi framkominna upplýsinga eru ekki að spyrja þeirra.....þ.e. blaðamenn

 

Er Guðlaugur Þór bakari eða smiður....sko svona "frasalega" séð?

Það voru borgarstjórnarkosningar árið 2006 og það var örugglega dýrasta kosningabarátta sem háð hefur verið hjá sumum flokkanna og öllu var til tjaldað, sem hugsanlega gæti komið kjósendum á rétta bása.  

Hver man ekki eftir rándýrum sjónvarpsauglýsingum, flettiskiltum um borg og bí (sem skyggðu á fjöllin fagurblá!) Hömmer einum miklum og plássfrekum, heil- og hálfsíðu auglýsingum í dagblöðunum, frambjóðendur dressaðir upp á kostnað flokksins og að heilu "hnífasettunum" var kastað á glæ!

Mig minnir að einhverjir hafi reiknað gróflega út hvað einn flokkurinn hafi lagt í auglýsingar....ca. 50 millur en þessi sami flokkur "safnaði" bara aumum 30 millum þetta árið frá óskilgreindum "styrktaraðilum"

Ári síðar voru svo alþingiskosningar og þá væntanlega bara skuldir í "kosningasjóðum" flokkanna og þótt ennþá væri viðvarandi "góðæri" mátti ekki þiggja hærri styrki en kr. 300.000.- frá hverjum "styrktaraðila", svo skuldir hafa væntanlega hrannast upp

Það kæmi sér örugglega vel fyrir suma flokka að fá 20% niðurfellingu skulda, svona á þessum síðustu og verstu

Það var bara svo mikil REI-in vitleysa í gangi á þessum tíma og margir aðrir en Guðlaugur Þór sem komu þar að málum.......er samt ekki að réttlæta hans meinta þátt í bullinu!

 

Lýsa stuðningi við Guðlaug

Athugasemdir

[Jóna Kolbrún Garðarsdóttir, 11.4.2009 kl. 01:23]

Ég er hætt að vera hissa, og hjá mér vakna nýjar spurningar á hverjum degi..  Það er ljóst að einhverjum verður fórnað í sjálftökuflokknum.  Svo reyna þeir að telja okkur trú um að það hafi verið sá/sú spillta   Flokkurinn riðar til falls að mínu mati. 

[Gunnar (IP-tala skráð) 11.4.2009 kl. 02:29]

Áfram Guðlaugur. Þetta er pólitísk aðför klukkutíma fyrir kosningar. Ekki láta Agnesi Bragadóttur, Björn Bjarnason, Bjarna Benediktsson og Engeyingana hrekja þig úr Sjálfstæðisflokknum. Þau eiga ekki Sjálfstæðisflokkinn. Þeirra tími er liðinn.

G.

[Ía Jóhannsdóttir, 11.4.2009 kl. 07:59]

Gleðilega páskahátíð Sigrún mín.

[Guðrún Emilía Guðnadóttir, 11.4.2009 kl. 09:56]

Hann er búin að hreinsa sig af þessu það er víst framkvæmdastjórinn sem er búin að taka pokann sinn, þeir halda að þeir geti talið okkur trú um að einn maður beri ábyrgð, nei það þarf að hreinsa út langt aftur í tímann.
Kærleik inn í þína helgi Sigrún mín
Milla