Spuni??

Veit ekki af hverju mér finnst að  þessi úrsögn hafi alltaf staðið til hjá konunni, en að gjörningurinn yrði bara "flottari" ef hún væri varaformaður

Síðasta vaktin í löngu törn í kvöld

Guðjón A. undrandi á uppsögn

Athugasemdir

[Ásdís Emilía Björgvinsdóttir (IP-tala skráð) 23.3.2009 kl. 13:06]

Já veistu, ég held ég geti alveg keypt þessa skoðun þína.

Það skyldi þó aldrei vera?!

[Marta B Helgadóttir, 23.3.2009 kl. 13:23]

...í fréttatilkynningu frá Ásgerði Jónu Flosadóttur kemur fram að konan hafi starfað í flokknum síðan 2006. Hún er í rándýru MBA námi sem kostar minnst 2 millj króna og tók svo þarna við fyrsta alvöru trúnaðarstarfinu á íslenskum stjórnmálavettvangi. Tækifæri til að sanna sig myndi einhver kalla það.

Ekki síst í ljósi fyrri trúnaðarstarfa konunnar hjá Mæðrastyrksnefnd skyldi maður ætla að tækifærið væri þá kærkomið til að sýna hvað í henni býr og byggja þannig grunn fyrir framtíðarferilskrána hvort heldur væri í stjórnmálum eða öðrum opinberum vettvangi þar sem menntunar og trausts er þörf.

En hvað breyttist svo á einni viku?

- fylgiskönnun sýndi 1,3% ! !

Flokkurinn á ekki eftir að gera neitt annað en að leggja sjálfan sig niður.

Ég tek það skýrt fram hér að ástæður Ásgerðar fyrir úrsögn skv fréttatilkynningu eiga allan minn skilning - en þær ástæður voru til staðar áður en hún tók að sér starfið, þær eru ekki nýtilkomnar.

Ekki myndi ég ráða þessa konu til ábyrgðarstarfa hér eftir.

[Sigrún Jónsdóttir, 23.3.2009 kl. 13:29]

Ég held að þú sért að taka undir með mér varðandi spunann og ótrúverðugleikann varðandi þessa úrsögn Marta, er það ekki rétt skilið?

[Gudrún Hauksdótttir, 23.3.2009 kl. 13:38]

Tessi ákvördun kemur mér ekki á óvart...Tad kemur manni bara ekkert á óvart lengur held ég bara.

Hjartanskvedja til tín.

[Marta B Helgadóttir, 23.3.2009 kl. 13:49]

Ég er auðvitað ekki dómbær á hvort um spuna er að ræða eða ekki, veit ekkert um það.

 Hins vegar er hún að fara alveg fádæma illa að ráði sínu með sinn eigin hag og sinn feril. Svonalagað fer nefnilega "í bækurnar" hjá þeim sem væntanlega seinna meta einstaklinginn af störfum hans. MBA námi er burt kastað ....ef trúverðugleiki fylgir ekki einstaklingnum sjálfum.

Ég hef engra hagsmuna að gæta, ég ver ekki Flistann frekar en 98,7% þjóðarinnar gera ...,

en það er fádæma klúður og vitleysa vil ég segja að eyðileggja svona orðspor sjálfs sín og möguleika til ábyrðarstarfa.

[Ásdís Emilía Björgvinsdóttir (IP-tala skráð) 23.3.2009 kl. 13:56]

Sammála Mörtu!

[Sigrún Jónsdóttir, 23.3.2009 kl. 13:57]

Takk fyrir innlit allar  Ég tek undir með þér Marta varðandi mannorðshnekkinn.  Konan hefur rýrt sinn eigin trúverðugleika svo um munar og það er þess vegna sem ég tel að þetta sé fyrirfram ákveðin leikflétta, en kannski hef ég bara rangt fyrir mér.  Hvað veit ég svosem

[Aprílrós, 23.3.2009 kl. 14:07]

Sammála Mörtu

[Hanna Birna Jóhannsdóttir, 23.3.2009 kl. 14:44]

Orðlaus.

[Ásthildur Cesil Þórðardóttir, 23.3.2009 kl. 17:13]

Það er margt sem bendir til að þetta hafi verið vel skipulögð leikflétta.  Vel útfærð og til þess gerð að eyðileggja Frjálslyndaflokkinn.  Það koma brot svona héðan og þaðan og raðast saman í púsl.  Þetta er ótrúlegur andskoti.  Verst þykir mér að hafa látið glepjast af þessari konu til að veita henni mitt brautargengi.   Mér finnst ég hafa verið illilega svikinn.  Það voru margir sem treystu henni ekki einmitt vegna félagsskaparins, og það hefur heldur betur komið á daginn. 

[Hólmdís Hjartardóttir, 23.3.2009 kl. 20:01]

held þú hafir rétt fyrir þér Sigrún enn og aftur

[Ásgerður Jóna Flosadóttir, 23.3.2009 kl. 21:51]

Sæl Sigrún, ég þakka misfalleg orð í minn garð frá fólki sem þekkir mig nákvæmlega ekki neitt.

Megi ykkur öllum líða vel.

[Sigrún Jónsdóttir, 24.3.2009 kl. 00:12]

Takk fyrir innlit og innlegg...komin heim af síðustu vaktinni í þessari löngu og ruglingslegu vaktatörn...ah

Ásgerður Jóna, ég skynja að þér þykir umtalið ekki skemmtilegt.  En þegar manneskja sem hefur "barist" fyrir og sigrað í varaformannskjöri í stjórnmálahreyfingu, eða bara hvaða opinberri hreyfingu sem er, tekur pokann sinn eftir 9 daga viðdvöl í embættinu og ber fyrir sig að ekki hafi verið hægt að koma á einhverjum breytingum henni þóknanlegri, hljóta menn að velta fyrir sér raunverulegri ástæðu

Þú sendir frá þér opinbera fréttatilkynningu og getur varla vænst að henni sé bara tekið þegjandi og hljóðalaust, enda held ég ekki að það hafi verið ætlun þín.

Ásthildi og fleiri félaga í Frjálslynda flokknum vil ég spyrja;  Hvaða flokkur myndi græða mest á niðurlægingu Frjálslynda flokksins?  T.d. í kjördæmi formannsins? 

[Marta B Helgadóttir, 24.3.2009 kl. 00:42]

Ásgerður, á opinberum vettvangi er hvorki hægt að ætlast til eða búast við að hver sem er "þekki" mann rosalega vel.  Ekki einusinni í hópi samstarfsfólks til margra ára á góðum vinnustað  á það við í raun og veru.

Þú getur ekki beinlínis búist við að fá aðdáun fólks fyrir jafn fíflalegt og tilgangslaust athæfi eins og það að taka að sér trúnaðarstarf í eina viku!  Þú vissir að hverju þú gekkst í þessum flokki því þú starfaðir þar alveg nógu lengi til að þekkja innviði hans.

Fólk sem er í stjórnunarstörfum er smám saman alla ævi að byggja upp traust meðal fólks og öðlast virðingu fyrir störf sín. Þannig er hægt að koma sér áfram og gera sig gildandi. Þá er sama af hvaða toga, hvort það er í víðskiptalífinu eða á stjórnmálavettvangi því hvorutveggja er opinber vettvangur. 

Það er hinsvegar fljótgert að eyðileggja - sérstaklega fyrir sjálfum sér. 

[Jóna Kolbrún Garðarsdóttir, 24.3.2009 kl. 00:54]

Skondin umræða.    Samsæriskenningarnar liggja víða. 

[Guðrún María Óskarsdóttir., 24.3.2009 kl. 01:07]

Sæl verið þið hér.

Engin þeirra sem hér ræðir mál þessi, hefur endilega upplýsingar um það sem kann að liggja að baki þeirrar ákvarðanatöku sem um er rætt, því miður.

Við Ásgerður Jóna buðum okkur fram til forystu samtímis, ég dró framboð mitt til baka, hún hélt áfram, frá þeim tíma hefur mikið vatn runnið til sjávar, með alls konar klakadrumbum í hinum margvíslegustu myndum sem sumum hefur verið sýnilegra en öðrum.

því miður.

kv.Guðrún María.

[Auður Proppé, 24.3.2009 kl. 05:37]

Mér finnst skrýtið að frá því að landsfundurinn var, Ásgerður kosin og þar til hún segir upp ansi stuttur.  Hún hlýtur að hafa verið búin að gera sér grein fyrir þeim "gífurlegu" vandræðum innan flokksins og hefði átt að draga framboð sitt til baka fyrir landsfundinn. 

[Ásthildur Cesil Þórðardóttir, 24.3.2009 kl. 09:21]

Sjálfstæðisflokkurinn hefur alltaf verið hræddur við að þeirra fólk snéri sér að okkur.  Þeir hafa því gert allt til að reyna að koma okkur burt.  Þeir hafa legið í þingmönnum okkar að koma yfir til sín, og oftar en ekki tekist.  Ég held að það sé eini flokkurinn sem kemur til greina í þessu tilfelli.

Ásgerður Jóna er sár yfir umtalinu.  Við hverju bjóst hún?  Að við myndum fagna því að hún fer beint í blöðin með nýfundna óánægju sína, í stað þess að tala við formanninn og það fólk sem stóð henni næst í baráttunni um varaformanninn. 

Það þarf engan utanaðkomandi til að dæma slíkt, það gerir sá sjálfur sem þannig hagar sér og engu við það að bæta.  

[Jenný Anna Baldursdóttir, 24.3.2009 kl. 10:15]

Ég er hér eins og álfur út úr hól.  Skil ekki hvað er í gangi.

[Tína, 24.3.2009 kl. 10:20]

Ég held svei mér að ég sé í sama hól og Jenný Anna.

Annars sendi ég á þig knús elsku vinkona. Gott að þú sért komin í smá afslöppun eftir langa törn.