Ætli það snjói í NASDAQ?

Merkilegur fjandi sem ég uppgötvaði núna rétt áðan.  Fyrir hrun eða FH eins og Hrönn bloggvinkona kallar það, voru svona regluleg innslög í fréttatímum RÚV frá fjármálaheiminum.  Fréttaþulirnir sögðu okkur brosandi frá gengisvísitölum, væntingarvísitölum, hvernig þeir höfðu það þarna á NASDAQ og hvernig kaupin höfðu gerst á hlutabréfamörkuðum og svoleiðis rugl, sem ég skildi náttúrulega ekki baun í....þetta var svona WC tími hjá mér ........því auðvitað voru þessi innslög sérhönnuð fyrir "óreiðumennina" 

Nú er öldin önnur, við vitum ekkert hvernig eskimóarnir í NASDAQ hafa það en nú horfum við á fréttir af dapurlegum endalokum fjármálastarfseminnar sem þessi innslög RÚV voru byggð á. 

Ekki veit ég hvernig lífeyrissjóður tannlækna stendur EF (eftir hrun).  Ætli þeir þurfi kannski að hækka hjá sér taxtana?....ég vona ekki, ég er búin að vera með tannpínu í allt kvöld

Hvernig væri að RÚV kæmi nú með svona sérhannaðan fréttaauka fyrir neytendur á hverju kvöldi, þar sem útlistað væri á svona myndrænan hátt hvar hægt er að gera bestu kaupin?  Hvaða vara hefur hækkað og hvaða vara hefur lækkað o.sv.frv.

Þetta var nú bara það sem ég var að pæla í fyrir svefninn

Money með The Beatles, gjörið svo vel

Fimm lífeyrissjóðir í rannsókn

Athugasemdir

[Jóna Kolbrún Garðarsdóttir, 18.3.2009 kl. 01:02]

Heyr, heyr.   Skemmtileg færsla. 

[Hólmdís Hjartardóttir, 18.3.2009 kl. 01:21]

Nú er aftur farið að tala um  afla....

[Jóna Kolbrún Garðarsdóttir, 18.3.2009 kl. 01:24]

Kílóið af súpukjöti hækkaði í dag.  Nýjar vörur daglega.    Stuðmenn kunna þetta.

[Sigrún Jónsdóttir, 18.3.2009 kl. 01:36]

....kílóið af kolanum kostar hvað???

Guðmundur Júní kom að landi með 4 tonn af þorski, en nokkar lúður slæddust með og verða þær seldar á hafnargarðinum við tónlistarhúsið fyrir hádegi í fyrramálið  Fyrstir koma fyrstir fá

Góða nótt, morgunvakt í fyrramálið

[Hildur Helga Sigurðardóttir, 18.3.2009 kl. 01:49]

Vildi geta vaknað í lúðurnar, enda löngu búið að slátra síðustu fiskbúðinni í Vesturbænum.   Verst að skuli ekki vera hægt að senda Skottu í svona sendiferðir -þó að gáfuð sé.

Hvað vaðar Nassdakk-þvaðrið þá var það næstum því jafn óbærilegt á að hlýða FH og taptölurnar EH.

[Hildur Helga Sigurðardóttir, 18.3.2009 kl. 01:56]

p.s. Takk fyrir Money með Bítlunum.   Ógisslega gaman að sjá þá á þessu skeiði.   Lagið ekki slæmt heldur, en sjaldan spilað.

[Hrönn Sigurðardóttir, 18.3.2009 kl. 08:29]

Þetta er stórgóð hugmynd! Styð hana heilshugar.

Hafðu góða vakt

[Ía Jóhannsdóttir, 18.3.2009 kl. 08:56]

Skemmtileg færsla Sigrún.  Eigðu góðan dag í vinnunni.

[, 18.3.2009 kl. 10:09]

Frábær hugmynd

[Ásdís Emilía Björgvinsdóttir (IP-tala skráð) 18.3.2009 kl. 10:26]

Stórsniðug færsla hjá þér, Sigrún mín. Vona að þú farir létt með að vinna þessa vaktatörn, hún hljómar nú ekki skemmtilega.

Kær kveðja

[Jenný Anna Baldursdóttir, 18.3.2009 kl. 13:22]

Krútt.

[Rut Sumarliðadóttir, 18.3.2009 kl. 13:27]

Það fer lítið fyrir brosum í fréttaflutnini þessa dagana. En hér er eitt frá mér, ég er alveg laus við tannpínu!

[Sigrún Jónsdóttir, 18.3.2009 kl. 15:51]

Takk fyrir innlit stelpur

[Ásthildur Cesil Þórðardóttir, 18.3.2009 kl. 22:17]

Jamm þetta er rétt þegar þú minnist á það Sigrún mín.  Ég vona að tannsarnir fari ekki að hækka taxtana nóg er nú samt sem þarf að borga