Frestum kosningabaráttunni!

Ég fann mig knúna til að líta á öðruvísi pressu í kvöld í stað þeirrar íslensku, þar sem kosningabaráttan  er komin í forgang.  Kosningabarátta um ekki neitt.

Kosningabarátta hefur stundum gengið óþægilega mikið út á loforð.  Kjósendur eru keyptir með loforðum og þótt stjórnmálamenn ættu að hafa vit á því að lofa sem minnstu í því árferði sem nú er, halda þeir áfram að lofa

Ég legg til að kosningabaráttan verði geymd þar til eftir Páska og að þingmenn einbeiti sér að einhverjum þjóðþrifamálum sem hægt er að sameinast um í þinginu.

En ég fann þessa frétt á forsíðum nokkurra breskra netmiðla í kvöld, ásamt fréttum af fræga fólkinu og ýmsu öðru athyglisverðu.

Bleikur höfrungur á sundi með "foreldri" á Loisana Lake í Bandaríkjunum.  fallegur er hann.

Svo fann ég frétt með nokkuð löngum lista af hóstasaft tegundum sem eru bannaðar börnum innan 6 ára.  Þekkið þið einhverja af þessum óteljandi tegundum?  Það er nú ágætt að vita þetta, þar sem næsta törn af kvefpestum er að skella á

Athugasemdir

[Þórarinn Þ Gíslason (IP-tala skráð) 3.3.2009 kl. 00:42]

Sæl Sigrún.

Þetta gengur ekki, að menn labbi út í miðju verki.

Það verður að minna kjósendur á þetta

ef að það gengur eftir.

Kveðja.

[Jóna Kolbrún Garðarsdóttir, 3.3.2009 kl. 00:59]

Ég missti af öllum fréttum í kvöld, það var brjálað að gera í vinnunni minni

[Hólmdís Hjartardóttir, 3.3.2009 kl. 02:01]

mikið er ég sammála þér með kosningabaráttuna....það eru önnur verk að vinna

[Rakel Sigurgeirsdóttir, 3.3.2009 kl. 03:00]

Mér sýnist við hugsa í takt

[Jónína Rós Guðmundsdóttir, 3.3.2009 kl. 08:06]

Er ekki eina loforðið sem er hægt að gefa að maður sé tilbúinn til að vinna fyrir fólkið í landinu - en ekki öskrandi í einhverri kappræðukeppni í ræðustól Alþingis???

[Jenný Anna Baldursdóttir, 3.3.2009 kl. 08:37]

Framsókn og Sjálfstæðis hamast á Jóhönnu og vilja þingrof þ. 12.

Samt tefja þeir málsmeðferð sem mest þeir mega í þinginu og ég vil ekki sjá að ganga til kosninga áður en flest mál ríkisstjórnarinnar verða orðin að lögum.

[Sigrún Jónsdóttir, 3.3.2009 kl. 11:38]

Ég þakka innlit og innlegg

Jónína Rós, það er málið

Jenný Anna, þetta er ástæðan fyrir því að ég skrifaði þessa færslu