Kröfur dagsins!

Ég tek heilshugar undir með landlækni, um að ná þurfi í þá peninga, sem auðmenn hafa komið fyrir í "skattaskjólum" víðs vegar um heiminn.

Þetta er spurning um réttlæti, siðferði og samábyrgð.  Ábyrgð meintra auðmanna er mikil á því efnahagshruni, sem þjóðin hefur orðið fyrir.  Ég segi meintra, vegna þess að mér finnst auður þeirra illa fengin.

Efnahagur þjóðarinnar var byggður upp með vinnusemi og dugnaði fólks, hvort sem var til sjávar eða sveita.  Á nokkrum árum var síðan gráðugum fjárhættuspilurum leyft að kollsteypa efnahagnum með fulltingi stjórnmálamanna.

Mér telst svo til að í dag sé 21. útifundurinn frá efnahagshruninu á Austurvelli og nú verður mótmælakraftinum beint gegn "útrásarliðinu" og öðrum "þjófum", því áhersluatriði fundarins verða þessi:

1. Frystum eignir “útrásarvíkinganna”
2. Afnemum verðtrygginguna
3. Færum kvótann aftur til þjóðarinnar

 

Ræður:

• Valgeir Skagfjörð, leikari og leikstjóri
• Heiða Björk Heiðarsdóttir.

Fundarstjóri: Hörður Torfason

 

Landlæknir segir að sækja eigi féð í skattaskjólunum

Athugasemdir

[Einar Áskelsson (IP-tala skráð) 28.2.2009 kl. 12:33]

Kannski tími til kominn að spjótum sé beint að ákveðnum mönnum í þessum hópi. Þeir hafa verið að mestu stikkfrí. Stundum tekið þátt í búsáhaldarbyltingunni með "athyglisverðum" pistlum og tilkynningum. Allir á móti Davíð og allt það. Kannski þurfum við loks á hans upplýsingum að halda til að nálgast peningana? Auðvitað eigum við að gera allt til að nálgast peningana. Peningar okkar beggja eru þarna líka. Sem og annarra.

[Ía Jóhannsdóttir, 28.2.2009 kl. 20:55]

Bara senda þér smá knús Sigrún mín.

[Hrönn Sigurðardóttir, 28.2.2009 kl. 22:25]

Vildi að ég hefði komist......

[Jóna Kolbrún Garðarsdóttir, 1.3.2009 kl. 00:18]

Ég hef ekki komist á síðustu þrjá mótmælafundina, vegna andlegrar þreytu.  Ég er algjörlega sammála landlækni í þessari frétt.  Réttlæti mínu hefur verið ofboðið, ég þoli ekki svona svik.  Og það að fólkið virðist ætla að komast upp með það   

[Jenný Anna Baldursdóttir, 1.3.2009 kl. 11:07]

Til hamingju með sunnudaginn.  Knús og kreist.