Örlagadagurinn 7. október - Hallo Darling!

"Hryðjuverkalögum var beitt gegn Íslendingum vegna samtals Árna Mathiessen, þáverandi fjármálaráðherra, við fjármálaráðherra Breta, Alistair Darling, hinn 7. október síðastliðinn".

Þetta var nú það sem margan manninn grunaði á sínum tíma en aðrir neituðu.  Samtali Árna við Darling var dreift (lekið) á alla fjölmiðla, en það fór eftir því hvar menn stóðu í hinu pólitíska litrófi hvað lesið var út úr þessu samtali.

Það hentaði ekki ráðherrum síðustu ríkisstjórnar að sjá sekt Árna, en innan við sólarhring eftir að hann gefur það út að hann ætli ekki í framboð fyrir næstu kosningar virðist vera óhætt að birta þennan "sannleik".

Nú geta Sjálfstæðismenn farið fram með "hreint" borð og svarið af sér sekt:  Við gerðum ´ett ekki, Árni gerð ´etta og hann er hættur

Nú er Geir hættur líka og hann er maðurinn sem skv. eigin sögn hefði nú sjálfsagt átt að ræða við Brown í kjölfarið.......og kannski leiðrétta þennan leiða misskilning, ef um misskilning var að ræða!

Hvað sem öllum "smjörklípum" fyrrverandi Seðlabankastjóra líður, tel ég sennilegt að þetta hafi verið meginástæðan.  

Hryðjuverkalög vegna samtals Árna við Darling

Athugasemdir

[Þórarinn Þ Gíslason (IP-tala skráð) 27.2.2009 kl. 11:03]

Sæl Sigrún.

Veistu það að í framtíðinni

verða svona mál strax tekin fyrir og afgreidd. Því trúi ég á komandi kynslóð til að gera .

Þetta var gott innlegg hjá þér.

Kær Kveðja.

[Haraldur Bjarnason, 27.2.2009 kl. 11:08]

Davíð hélt nú annarri ástæðu fram í Kastljósinu. Það var auðvitað lygi eins og flest annað sem lét út úr sér þar.

[Jenný Anna Baldursdóttir, 27.2.2009 kl. 11:08]

Segðu.

[Fannar frá Rifi, 27.2.2009 kl. 11:19]

er ekki búið að birta samtalið á milli þeirra? mér þykir sem bloggverjar séu heldur betur með gullfiska minni.

[Sigrún Jónsdóttir, 27.2.2009 kl. 11:23]

Fannar minn frá Rifi, lastu ekki færsluna?

[Ásthildur Cesil Þórðardóttir, 27.2.2009 kl. 11:43]

Það er örugglega þjóðhátíð í dag ekki satt!!! Til hamingju Ísland.

[Rut Sumarliðadóttir, 27.2.2009 kl. 11:53]

til hamingju Ísland indeed. Er hann þá ekki sá seki og verður ákærður fyrir landráð?

[Jóna Kolbrún Garðarsdóttir, 27.2.2009 kl. 12:22]

Nú ættum við að fara að sjá bjartari daga, spillingarliðið er að týnast út úr embættum og pólitíkinni

[Sigrún Jónsdóttir, 27.2.2009 kl. 12:29]

.....Sunnlendingar virðast ætla að taka DO opnum örmum

[Sigrún Jónsdóttir, 27.2.2009 kl. 12:40]

Sjúkket....hann afþakkaði

Ætla að halda mig frá fréttaflutningi, það sem eftir lifir dags....spennan er óþolandi

[Hallgerður Pétursdóttir (IP-tala skráð) 27.2.2009 kl. 14:40]

Auðvitað afþakkaði maðurinn. Annars hefðu við haldið að hann væri eitthvað skrítinn! ...

[Einar Áskelsson (IP-tala skráð) 27.2.2009 kl. 17:42]

Það er lágmark að menn í stöðu fjármálaráðherra kunni grundvallaratriði í enskri tungu. Afleiðingar af lélegri enskukunnáttu Árna hafa verið ansi miklar........það er líka meira í pokahorninu en þetta, just wait and see..

[Hlédís, 27.2.2009 kl. 21:27]

Gleðilega hátíð

Annars trúi ég Dar-lingi þessum ekki yfir þröskuld og held að drengstaulinn., ÁM, sé hafður að blóraböggli. Ekki að það valdi andvöku!