Greiðsluaðlögun v/góðærisflipps!

Þetta hlýtur að vera það sem átt er við með "góðærisflipp".  Að kaupa sér bústað á Manhattan og greiða fyrir með 3ja milljarða króna yfirdrætti  frá viðskiptabankanum mínum skv. Orðinu á götunni.  Hvað voru menn eiginlega með rúma yfirdráttarheimild?

Ég veit vel að viðskipta umsvif þeirra hjóna hafa verið stjarnfræðilega mikil og yfirdráttarheimild þeirra þess vegna aðeins hærri en gengur og gerist hjá öðrum Jónum og Ingum.

Ég er ennþá að lesa um og heyra að "þjóðin" hafi verið á  góðærisflippi.  Það getur vel verið að sú sé reyndin með einhverja, sem vegna ágætra tekna hafi freistast til að auka yfirdráttinn.  En ég veit að láglaunastéttir höfðu ekki þennan aðgang að auknum yfirdrætti eða lánum...bankamennirnir voru einfaldlega ekkert að hygla þessu fólki.

Ég bíð enn í ofvæni og með kvíðhnút í maganum eftir væntanlegu frumvarpi um "greiðsluaðlögun" skuldara.  Mér skilst að það eigi að þrengja töluvert upprunaleg frumvarpsdrög og koma bara til móts við þá sem hafa lækkað í tekjum vegna atvinnumissis um meira en 20%.  Þeir sem enn halda atvinnu, þó að um láglaunafólk sé að ræða verða að öllum líkindum skildir útundan.

Hjónakornin Jón Ásgeir og Ingibjörg Pálma, ættu að athuga með greiðsluaðlögun, því þau falla vafalaust undir þessa skilgreiningu ráðamanna.  Þau geta örugglega sýnt fram á meira en 20% samdrátt á tekjum vegna hrunsins.

Vil svo benda á að Huldu ríkisspítalaforstjóra er gert að skera niður um 3 milljarða á fjárlögum þessa árs, sjá hér.  Þetta er sama upphæð og Jón og Inga gátu tekið út með sinni "yfirdráttarheimild" vegna kaupa á "hvíldaraðstöðu" á Manhattan.

Hvað ætli Hulda þurfi að loka mörgum "hvíldarinnlagnar" plássum fyrir fársjúkt eldra fólk í þessum niðurskurði sínum?

Selja íbúð á Manhattan

Athugasemdir

[Hólmdís Hjartardóttir, 15.2.2009 kl. 11:50]

Það á að skera launakostnað á spítalanum niður um 2 milljarða......árslaunin mín voru rúmar 3 milljónir sem eru nú engin ósköp.  Þetta getur ekkert þýtt nema stórfelldar lokanir

[, 15.2.2009 kl. 12:16]

Ótrúlegur tvískinnungur og klúður. Það á ekki að prósentutengja þessa greiðsluaðlögun heldur tengja hana við tekjur og eðlilegan framfærslukostnað.

[Sigrún Jónsdóttir, 15.2.2009 kl. 12:22]

Hólmdís, ég hef miklar áhyggjur af þessum niðurskurðaráformum.

Dagný, nákvæmlega.  Þannig hljómaði upprunalegu frumvarpsdrögin, sem mér skilst að hafi verið í skúffu síðan í maí 2007.  Nú hefur það verið dregið upp úr skúffunni og skv. áreiðanlegum heimildum á að þrengja mjög hópinn sem fær þessa greiðsluaðlögun.

[Rut Sumarliðadóttir, 15.2.2009 kl. 12:48]

Jón og séra Jón.

[Ía Jóhannsdóttir, 15.2.2009 kl. 14:26]

Sorglegt ferli allt saman.

[Hallgerður Pétursdóttir (IP-tala skráð) 15.2.2009 kl. 17:35]

Þyngra en tárum tekur. Jón og frú eru veruleikafyrt svo ekki sé sterkari að orði kveðið   Annað GKJ er búin að átta sig á að þið eruð frænkur. Hún fór sem unglingur að vinna eitt sumar  í fiski en þú ert fjórum árum yngri en hún svo trúlega manstu ekkert eftir henni? Hún var hjá Óskari móðurbróðir sýnum. Manstu eftir Siggu með krullurnar? Yndisleg stúlka.

[Guðrún Emilía Guðnadóttir, 15.2.2009 kl. 19:27]

Þetta er þannig að maður heldur að um kvikmynd sé að ræða, en vaknar svo upp, Veruleiki.

Hvernig á svo að hjálpa fólki sem reynt hefur að standa í skilum en er að sligast undan því vegna þess að vextirnir hafa hækkað svo mikið ásamt öllu öðru.

Knús til þín Sigrún mín
Milla.

[Jenný Anna Baldursdóttir, 15.2.2009 kl. 19:46]

Hreint út skelfilegt.

[Jakobína Ingunn Ólafsdóttir, 15.2.2009 kl. 20:23]

Er Jón Ásgeir ekki komin í ágæta vinnu hjá okkur skattborgurum. Mér skilst að hann fái árslaun Hólmdísar í mánaðarlaun. Efa þó að hann gæti leyst störf Hólmdísar af nokkru viti.

[Einar Áskelsson (IP-tala skráð) 15.2.2009 kl. 22:00]

NýfrjálshyggjuÍslandið hans Hannesar Hólmsteins (skrýtið að hann væri alltaf fúll út í Jón Ásgeir og Jón Ólafs) var misheppnuð tilraun til stéttarskiptingar. Við áttum bara að græða monninga til að geta sótt nauðsynlega læknishjálp, að hans mati. Fræðileg kenning sem kolfellur í raunveruleikanum. Frábær pistill hjá þér Sigrún. Leitt að þú skyldir ekki fíla Soft Cell. Býð þér upp á annað lag í staðinn, kíkkaðu. Það minnsta sem maður gerir fyrir góða bloggvini. Vona að þér líki, láttu bara vita.

[Sigrún Jónsdóttir, 15.2.2009 kl. 22:32]

Takk fyrir innlit og innlegg öll

Hallgerður, auðvitað þekki ég Siggu Óskars, þá frábæru konu  GKG er þá væntanlega systir Gauta?  Man ekki eftir henni, enda hefur hún verið miklu eldri en ég 4 ár á þessum aldri er sko stór aldursmunur.

[Sigrún Jónsdóttir, 15.2.2009 kl. 22:38]

Milla mín þetta er lyginni líkast.  En ég held ennþá í vonina að þessir pólitíkusar, sem töluðu sem mest um bág kjör t.d. umönnunarstétta átti sig á því að þeirra kjör hafa ekkert batnað þótt kjör annarra hafi versnað.

Verð að svara skypinu....Kem inn aftur