0,0% stuðningur v/Austurvöll.

Ef hringt hefði verið í alla símana, sem voru í veskjum eða vösum mótmælenda á Austurvelli í gær, hefði stuðningur við ríkisstjórn verið 0,0%.  Á Austurvelli voru þúsundir manna.....veit ekki hversu margar þúsundir en alla vega mun fleiri en þau 6 - 8 þúsund, sem voru þar um síðustu helgi.

Nú er hætt að birta "opinberar" tölur, það þykir ekki henta yfirvöldum.

Fréttablaðið hringdi í 800 manns og af þeim sem svöruðu sögðust 31,6% styðja ríkisstjórnina....mér finnst það frekar lélegt, svona miðað við það að það var bara hringt í fólk, sem ekki sá ástæðu til að vera úti að mótmæla....ok, það eiga ekki allir heimangengt á mótmæli, t.d. vegna fjarlægðar.

Auðvitað sáu fjölmiðlar meiri ástæðu til að sýna frá róstusömum mótmælum við lögreglustöðina við Hlemm, þar sem nokkur hundruð manns söfnuðust saman, en mörg þúsund manna mótmælin fengu þó sinn skerf, sem er skref í rétta átt.

Meðfylgjandi myndum "nappaði" ég af síðu Láru Hönnu bloggvinkonu:

 

 

 

 

 

 

 

 

Í kvöld mun ég síðan hafa smá fjölskyldufærslu, þar sem 23. nóvember var afmælisdagur pabba míns.  Er annars að fara með barnabörn í piparköku - málunar partý og er því ekki til setunnar boðið

31,6% stuðningur við stjórnina

Athugasemdir

[Heidi Strand, 23.11.2008 kl. 11:36]

Ræðan hennar Katrínar var snilld og Trausti var líka frábær. Góðir punktar hjá Gerði Pálma en ræðan var allt of löng og missir sitt mark. Það verður að vera kraftmiklar og beittar ræður eins og ástandinu er orðið. Þetta er engin góðgerðasamkoma.

[Hallgerður Pétursdóttir (IP-tala skráð) 23.11.2008 kl. 11:45]

Sammála rétt einu sinni. Varð fyrir vonbrigðum með ræðu Gerðar, hún fór út í að tala blaðlaus inn á milli og missti þráðinn við það. Auðvitað er þetta vandi..

[Gunnar Þór Gunnarsson, 23.11.2008 kl. 11:51]

Það er nauðsynlegt að mótmæla en mér fannst ræða Katrínar öfgafull og engan vegin í takt við vilja þjóðarinnar þegar hún talar um að ryðjast inn að viku liðinni og henda fólki út. Þetta verður að vinnast án ofbeldis. Á ofbeldi tapa allir.

[Hólmdís Hjartardóttir, 23.11.2008 kl. 11:52]

Kannski könnunin hafi verið gerð á milli 3 og 4 á laugardögum?

[Rut Sumarliðadóttir, 23.11.2008 kl. 12:17]

Var að skima eftir þér kona en sá þig ekki. Segi líka að ræða Gerðar var ansi löng en Katrín greinilega full af eldmóði. Sjáumst næsta laugardag með símann ef það verður gerð könnun á þeim tíma

[Þröstur Heiðar (IP-tala skráð) 23.11.2008 kl. 13:16]

Gunnar. Var ræðan hennar Katrínar öfgafull og ekki í takt við vilja þjóðarinnar ?

Hvaða þjóðarpúls hefur þú tekið taktin á ? Allir eru sammála um að hennar ræða hitti beint í mark ! Hún hefur anda manna sem þorðu að berjast fyrir sjálfstæði landsins. Þið gerið ykkur kannski grein fyrir því að þjóðinn er ekki í eigu fólksins lengur. Hún er í eigu hagsmunahópa sem skipa stjórnmálaflokka.

Blá höndinn með ægishjálm yfir aðra.

Það þarf landhreinsun hérna. Fullt af fólki mun flýja land og ennþá fleiri ef ekki verða stórtækar breytingar.

Þetta unga fólk sem er að koma upp er með alvöru lausnir. Við hin erum búinn að vera alltof meðvirk. Ég þar með talinn. En ekki lengur því lofa ég ykkur.

[Magnús Paul Korntop, 23.11.2008 kl. 14:15]

ÉG MÓTMÆLI Í NAFNI ÞJÓÐARINNAR.

Lestu bloggfærslu mína sem sem sýnir frram á það hvað ég og allur almenningur vill.

[Ía Jóhannsdóttir, 23.11.2008 kl. 17:22]

Flott kona þarna á ferð!  Njóttu dagsins með börnunum. 

[Sigrún Jónsdóttir, 23.11.2008 kl. 18:28]

Takk fyrir innlit og innlegg öll

Mér fannst ræðurnar, sem fluttar voru á Austurvelli allar mjög góðar, hver á sinn máta.  Bæði Katrín og Gerður voru þó með of langar ræður að mínu mati.

Katrín stappaði í okkur baráttustálinu, en Gerður ýtti við gleymda þjóðarstoltinu, sem ekki er vanþörf á þessa dagana.  Heimspekingurinn sem talaði í restina, hefði átt að vera fyrstur í röðinni, þegar maður var enn ferskur og móttækilegur

Mér finnst alveg ótrúleg gróska í samfélaginu, og falin "talent" að koma upp á yfirborðið....var að enda við að horfa á Silfrið, sem fyllti mig von um að breytingar væru framundan.....bara til góðs.

Svo er ég miður mín að komast ekki á borgarafundinn á morgun, en ég er á kvöldvakt

[Rannveig H, 23.11.2008 kl. 19:53]

Ræðurnar voru góðar eins og þú seigir hver upp á sinn máta. Það bjargar geðheilsunni og færir manni trú að hlusta á þetta fólk hvort sem það er á Austurvelli eða borgarafundi. Svo var það Silfur Egils í dag. Flott fólk þar.

[Heidi Strand, 23.11.2008 kl. 23:55]

Það er mótmælafundur á morgun kl 16.30 á Ingólfstoginu og fundur annað kvöld i Háskólabíó. Ekki má gleyma þingpallanna kl 13.30.
Frjálst val.

[Sigrún Jónsdóttir, 24.11.2008 kl. 00:02]

Þingpallar á morgun kl. 13:30.....umm spennandi

En ég kemst því miður ekki, hvorki á Ingólfstorg eða í Háskólabíó, þar sem ég er á kvöldvakt

Takk fyrir innlit stelpur