Þarf ekki að breyta fleiri lögum?

Nú eru stjórnarliðar í kapphlaupi við tímann.  Mér finnst þetta eiginlega grátlega fyndið.  Davíð talaði í 1 klst. í gær......og það er tekið mark á hans orðum

"En sjá menn þá í þessari sameiningu tækifæri til að endurnýja yfirstjórnina þar? „Það hefur ekki beinlínis verið rætt á þeim nótum," segir Ágúst. „En auðvitað er vitað mál að núverandi bankastjóri nýtur ekki trausts." Hins vegar sé markmið sameiningar stofnananna fyrst og fremst að styrkja stjórnkerfið og eftirlitsþáttinn. „Þetta er ekki gert í neinum annarlegum tilgangi."

Lagabreytingu þarf til að sameina Seðlabankann og Fjármálaeftirlitið en Ágúst segir að slík lagasmíð og –samþykkt ætti að geta gengið greitt fyrir sig. Hins vegar sé ekki búið að taka ákvörðun þar um. „En ég á von á því að menn taki þessa ákvörðun hratt og fljótt."

Þjóðin er búin að öskra sig hása í 7 vikur en það er auðvitað ekki hlustað á svoleiðis skríl.

Lagabreytingu þarf til að breyta eftirlauna ósómanum, það gerist hægt og hljótt....ef það gerist.

Burt með allt spillingarliðið, strax!

 

Ákvörðun tekin fljótt

Athugasemdir

[Hólmdís Hjartardóttir, 19.11.2008 kl. 15:23]

Allir bloggarar eiga að hamra á eftirlaunaósómanum

[Jenný Anna Baldursdóttir, 19.11.2008 kl. 15:36]

Hvernig væri að taka næstu viku í að skrifa eina færslu á dag um eftirlaunafrumvarpið sem aldrei nær á dagskrá?

[Marinó Már Marinósson, 19.11.2008 kl. 15:49]

Senda alla stjórnarliða í frí um leið. 

[Hallgerður Pétursdóttir (IP-tala skráð) 19.11.2008 kl. 16:01]

Sigrún ertu búin að gleyma þeim frægu orðum að til þess áð gera alþingi aðlaðandi fyrir "hæft" fólk þarf að gera vel við það í launum? Við sjáum svo afraksturinn af þeirri hugmyndafræði alla vega þeirri síðar.

[Ía Jóhannsdóttir, 19.11.2008 kl. 16:23]

MIssti af ,,Davíðssálm"  þar sem ég var á ferð og flugi.  Næ ykkur bráðum, vertu viss. 

Hitti Guðna  í fríhöfninni í gærmorgun. Úps ansi var nú lágt á honum risið blessuðum kallinum.  Kyssti hann samt á báðar svona til vonar og vara.  Vona bara að hann njóti sín á Klörubar, hvar sem hann r nú í heiminum, er það ekki á Kanarí?  Ég er ekki svona mikið sigld eins og flestir landar mínir.

[Hólmdís Hjartardóttir, 19.11.2008 kl. 16:30]

Tek undir með Jennýju.....eitt blogg á dag um eftirlaunaósómann

[Jakobína Ingunn Ólafsdóttir, 20.11.2008 kl. 00:18]

Tek undir það

[Sigrún Jónsdóttir, 20.11.2008 kl. 00:29]

Takk öll fyrir innlit og innlegg.

Mér finnst þetta snilldar hugmynd hjá Jenný og ætla að gera mitt besta.

[Kristján Helgason (IP-tala skráð) 20.11.2008 kl. 01:09]

Sæl Sigrún !

Þjóðin Öskrar og öskrar, og henni blæðir. En hver hlustar ? Ekki leiðtogar þjóðarinnar, það er næsta víst. Þeir hafa ekki tíma til þess, til þess eru störf þeirra of mikilvæg að þeirra áliti. Hvern andskotann kemur þeim það við að þú sért að missa  húsnæðið eða að börnin þín svelti ? Það virðist ekki vera þeirra mál. Skilaboðin frá þeim eru: Éttu það sem að úti frýs og láttu okkur í friði.

[Jóna Kolbrún Garðarsdóttir, 20.11.2008 kl. 01:15]

Dabbi kóngur fer ekki nema nauðugur úr Seðlabankanum og þá tekur hann marga með sér.

[Huld S. Ringsted, 20.11.2008 kl. 09:19]

Öskrin virðast bara ekkert duga, spurning um að gera eitthvað róttækara!

[Rut Sumarliðadóttir, 20.11.2008 kl. 11:58]

Heyr, vorkenni Guðna ekkert rosalega. Hann er gulltryggður með eftirlaunin sín. Ólíkt öðrum þjóðfélagsþegnum. Arg og aftur arg!!

[Sigrún Jónsdóttir, 20.11.2008 kl. 12:04]

Góðan daginn, Jóna, Huld og Rut og takk fyrir innlit og innlegg