Ný viðmið, spillingarliðið burt!

Bjarni Harðarson breytti engu með afsögn sinni í viðmiðum í íslenskri pólitík, eins og formaður Framsóknarflokksins heldur fram.  Bjarni staðfesti einungis trú manna á hans eigin trúverðugleika.

Framsóknarflokkurinn var í ríkisstjórn síðustu 3 kjörtímabil.  12 ár hafði þessi flokkur til að leggja grunninn að því hruni sem nú blasir við þjóðinni.  Á þessum 12 árum gliðnaði bil þeirra fátæku og þeirra ríku svo mikið að endanlega var staðfest að í landinu byggju 2 þjóðir.

Landsbyggðarflokkurinn, eins og hann vill gjarnan kalla sig, sat hjá í ríkisstjórn meðan landsbyggðinni blæddi.  Fólksflóttinn þaðan var óstöðvandi og eignir landsbyggðafólks urðu að engu.  

Ábyrgð Framsóknarflokksins er mikil, en þar á bæ dettur engum í hug að axla ábyrgð og setja þar með ný viðmið í íslenskri pólitík með því að segja sig frá kjötkötlunum.

Framsóknarmenn, munu sjálfsagt halda sinn blaðamannafund að loknum miðstjórnarfundi.  Ég vona að bloggvinkona mín Lára Hanna Einarsdóttir, geri sína úttekt af þeim fundi eins og hún gerði svo snilldarlega af blaðamannafundi Sjálfstæðismanna í gær, sjá  larahanna.

Þjóðin boðar til "blaðamannafundar" á Austurvelli kl. 15:00 í dag.  Fjölmennum og sýnum spillingarliðinu að viljum það burt, NÚNA

Bjarni setti ný viðmið með afsögn sinni

Athugasemdir

[Haraldur Bjarnason, 15.11.2008 kl. 16:50]

Bjarni sagði af sér vegna innanflokksdeilna en það hefði verið ástæða fyrir alla Framsóknarráðherra síðasta rúma áratuginn að segja af sér og líka þá sem voru í ríkisstjórn á níunda áratugnum þegar þeir settu fjölda fjölskyldna í gapastokkin vegna misgengis lána og launa.

[Hólmdís Hjartardóttir, 15.11.2008 kl. 16:54]

FRAMSÓKNARFLOKKNUM ER AÐ BLÆÐA ÚT.

[Jenný Anna Baldursdóttir, 15.11.2008 kl. 17:10]

Enginn axlar ábyrgð.  Ekki kjaftur og þá ekki Framsókn.  Prótótýpa einkavinavæðingarinnar.

[Guðrún Emilía Guðnadóttir, 15.11.2008 kl. 20:57]

Já og það ekki seinna en í gær. þessar gjafmildu reddingar sem þeir þessar elskur eru að koma með eru bara brummp,
frysta lán og lánin hækka.
Losa um séreignasparnað, átti það ekki að vera til elli áranna fyrir fólk?
gæti endalaust talið upp, en allir vita hvað það er, er arfa reið.
Er samt að reyna að sitja á mér eins og ég var búin að ákveða, en fer bráðum að springa.
Eru það bara við sem eigum að bera ábyrgð á sora þessara manna,
fjandinn hafi það.

Æi sorry! ljúfa kona, og ljós og gleði til þín
Milla.

[Hallgerður Pétursdóttir (IP-tala skráð) 15.11.2008 kl. 21:50]

Af hverju öxlum við ekki ábyrgð? Hvað er það í þjóðarsálinni sem kemur í veg fyrir það?..Í alvöru. Hávaðinn af okkur er gott fólk. Er það smæðin og skyldleikinn? Samúðin, maður þekkir mann og er mægður eða skyldur og við vorkennum?

[Jóna Kolbrún Garðarsdóttir, 15.11.2008 kl. 22:47]

Burt með spillingarliðið hvar í flokki sem það stendur

[Gudrún Hauksdótttir, 16.11.2008 kl. 07:17]

Turfum vid nokkud ad hafa áhyggjur af framsóknarflokknum er hann ekki sjálfdaudur???En tví midur allt og seint.....

Burt med spillingarlidid hvar í flokki sem tad er .

Kærleikur til tín kæra Sigrún.

[Helga Magnúsdóttir, 16.11.2008 kl. 17:32]

Ég hef eiginlega aldrei skilið hvað Framsókn er. Er þetta stjórnmálaflokkur, kaupfélag, samansafn af skrítnu fólki, ég bara veit það ekki. Og það sem mér finnst fyndnast er að til eru samtök UNGRA framsóknarmanna. Barasta fatta það ekki.

[Lilja G. Bolladóttir, 16.11.2008 kl. 20:33]

Ég er búin að tjá mig, bæði á mínu bloggi og í athugasemdum annarsstaðar. Fyrirgefðu, Sigrún mín, að þú ert svona neðarlega í stafrófsröðinni á bloggvinalista mínum, þannig að ég er eiginlega "tæmd" akkúrat núna og þegar hingað kemur.

Mér finnst þú nú samt frábær, er sammála flestu en gæti potað í sumt ef ég nennti, ætla samt frekar að fara að gera eitthvað uppbyggilegt núna, eins og horfa á video/dvd

Vildi nú samt óska þér góðrar viku

[Sigrún Jónsdóttir, 17.11.2008 kl. 00:55]

Takk fyrir innlit og innlegg mínir kæru bloggvinir.

Lilja mín, ég er búin að fara yfir á þitt, hélt ég hefði verið búin að kommenta þar en svo var víst ekki.

Eigið góða viku og standið þétt með ykkar fólki

[Ásthildur Cesil Þórðardóttir, 17.11.2008 kl. 10:29]

Sammála, það er fyndið að framsóknarmenn skuli vera að reyna að hvítþvo sig af óráðsíunni, og þykjast hvergi nærri hafa komið, jafnvel að ráðleggja fólki.  Og það Valgerður og Halldór, þau ættu að hafa vit á að skammast sín og þegja.