Landsfundur = kosningar í vor!

Breytt tímasetning á landsfundi og Evrópunefnd það eina sem leyft var að ræða á þessum fréttamannafundi, sem var svo mikilvægur að honum þurfti að útvarpa/sjónvarpa beint!

"Geir segir að það sé ekki bara réttlætanlegt heldur einnig nauðsynlegt að flýta landsfundinum. Hann tekur fram að ekki sé komin fram ný stefna, það sé hlutverk landsfundarins að taka staðfesta stefnuna eða skipta um hana".

Hvernig ætli næsta kosningamyndband Sjálfstæðismanna verði eftir væntanlegan landsfund Sjálfstæðismanna, samanborið við myndbandið sem ég birti í síðustu færslu?

Farin í vinnuna.....

Ein heppin, sem ennþá heldur vinnunni sinni

Ps.  Ágætu fjölmiðlar, þjóðin boðar til blaðamannafundar á Austurvelli laugardaginn 15. nóvember kl. 15:00  Verður ekki bein útsending?

Skipuð verði Evrópunefnd

Athugasemdir

[Jenný Anna Baldursdóttir, 14.11.2008 kl. 15:13]

Ég reyni að mæta á morgun.  Svo framarlega sem heilsan leyfir.

Er meira en til í að sitja (standa) þennan blaðamannafund.

[Jakobína Ingunn Ólafsdóttir, 14.11.2008 kl. 17:28]

Var Geir ekki bara að koma á framfæri skilaboðum til útvaldra (þeirra sem eru innan skjaldborgarinnar) Mæti á morgun

[Hólmdís Hjartardóttir, 14.11.2008 kl. 17:45]

mæti á morgun

[Jóna Kolbrún Garðarsdóttir, 15.11.2008 kl. 00:47]

Ég mæti að sjálfssögðu eins og venjulega

[Kristján Helgason (IP-tala skráð) 15.11.2008 kl. 01:58]

Bein útsending ? Nei, því miður, ekki nema að það verði skrílslæti, svo sem eggjakast eða eitthvað sambærilegt, þá mun jafnvel verða rofin dagskrá til að sýna þjóðinni hvað við erum vond og illa upplýst um gæði og elskulegheit ríkisstjórnarinnar. Ég vil í framhaldi af þessu biðja fundarmenn og konur um að beina reiði sinni að þeim sem að eiga það skilið, en ekki dauðum hlutum eins og Alþingishúsinu, Stjórnarráðinu eða öðrum fasteignum eða bílum. Látið eggjahríðina dynja á ráðherrum þjóðarinnar og þeirra undirlægjum, það eru þeir sem hafa komið okkur á kaldan klakann.  Segi ekki meira í bili, ég er allt of reiður til þess, ég gæti misst mig í fingrapolka ef ég pikkaði meira á lyklaborðið.

Bless í bili. Kv. K.A.H. 

[Kristján Helgason (IP-tala skráð) 15.11.2008 kl. 02:09]

Sorry ! Gleymdi einu sjáumst á Vellinum á morgun. Sýnum styrk okkar og höfum hátt. Án skrílsláta eða skít eða eggjakasts.

Kv. K.H. 

[Ásthildur Cesil Þórðardóttir, 15.11.2008 kl. 12:02]

Já það væri gaman að vita hvað frúin meinti með "skemmtilegir og spennandi tímar framundan" ?  En nei það verða örugglega ekki margir fréttamenn frá RUV þarna, allavega held ég að fréttirnar rati ekki vel inn í fréttatímana hjá þeim, því þeir hugsa mest um höndina sem greiðir þeim laun, og ætlast til hlýðni í staðinn.

[Gudrún Hauksdótttir, 15.11.2008 kl. 13:35]

Sendi öllum landsmönnum  nær og fjær baráttu kvedjur.

Kærleikskvedja til tín og tinna elsku Sigrún.