I told you so..........

Þeir eru orðnir ansi margir sérfræðingarnir, sem geysast nú fram á ritvöllinn og segjast hafa varað Íslendinga við en að á þá hafi ekki verið hlustað.  Svör íslenskra ráðamanna við þessum viðvörunum voru á einn veg: "Öfundar og úrtölufólk" sem ekki er mark á takandi!

"Ábyrgðin vegna íslenska efnahagshrunsins liggur fyrst og fremst hjá bönkunum, ríkisstjórn, Seðlabanka, Fjármálaeftirliti og Alþingi. Þetta segir norski hagfræðingurinn Harald Magnus Andreassen, hagfræðingur hjá norska verðbréfafyrirtækinu First Securites, en hann hefur kynnt sér íslensk efnahagsmál.

„Þessar stofnanir samfélagsins eru ábyrgar með einum eða öðrum hætti. En ekki venjulegt fólk, Jón og Gunna,“ segir Andreassen."

Mikið held ég að sonur minn (Jón Eric) og tengdadóttir (Guðrún Freyja) séu glöð að sjá þetta á prenti.

Annars finnst mér örla á smá illgirni og stærrilæti  gagnvart Íslensku bjánunum í lok þessa viðtals:

"Að vissu leyti má segja að það hafi verið gott að þessi spilaborg hrundi núna en ekki eftir tvö til þrjú ár. Þá hefði þetta orðið ykkur enn dýrkeyptara. Það hefði átt að vera búið að stoppa ykkur fyrir löngu, en þið voruð heppin að hrunið varð núna.“ segir hann.

Andreassen kveðst telja að Norðmenn hafa takmarkaðan áhuga á að taka á sig byrðar vegna íslenska efnahagshrunsins. „Ég á ekki von á því að Norðmenn séu reiðubúnir að leggja háar fjárhæðir í að greiða niður skuldir Íslendinga. Þið skuldið miklu meira en þið getið greitt þjáningalaust. Ég býst við að flestir Norðmenn myndu segja – látum þá þjást um tíma. Þetta er ekki okkar vandamál. En við myndum ekki láta ykkur svelta.“

Nei hr. Andreassen, Jón og Gunna voru ekki heppin

• Þakkir til Færeyinga
  
  

 

 

 

 

„Hefði átt að vera búið að stoppa ykkur fyrir löngu"

Athugasemdir

[M, 3.11.2008 kl. 11:55]

ég er ekkert svo hissa á því að aðrar þjóðir vilji ekki bjarga okkur úr þessari óráðsíu.

Gaman að þú skulir þekkja hin einu sönnu Jón og Gunnu

[Sigrún Jónsdóttir, 3.11.2008 kl. 12:10]

Nei M, ég er svo sem ekkert hissa....en því ánægðari er ég með frændur okkar Færeyinga, sem vilja hjálpa fórnarlömbunum "Jóni og Gunnu"

[Guðrún Emilía Guðnadóttir, 3.11.2008 kl. 12:32]

Já þeir eru mikilmenni að vilja hjálpa okkur, en það hafa þeir bara ætíð verið.
Rétt er það hjá þér að það lyktar af stærrilæti þetta tal í manninum.

Hvernig haldið þið að það yrði ef við mundum gangast undir norsku krónum get eigi hugsað þá hugsun til enda.
Knús
Milla

[Gunn (IP-tala skráð) 3.11.2008 kl. 12:59]

Þetta er hárrétt hjá honum.  Þetta er fær fjármálamaður. Þetta hefði átt að hrynja fyrr þá hefði kostnaðurinn orðið minni fyrir íslenskt þjóðfélag.  Boðskapurinn er að þetta var dæmt til að hrynja og það held ég að flestir eru sammála um.  Því miður gerðist það ekki í fyrra eða hittifyrra og ef þetta hefði haldið áfram hefði að orðið ennþá verra.  Andreassen er hagfræðingur hjá First Securitis og hefur varað við þessari augljósu staðreynd í á þriðja ár, þannig að þetta er ekkert nýtt.  Það erum bara við Íslendingar sem ekki þolum að heyra sannleikann.  Að við sjálf tókum þátt í þessum darraðadansi sem núna er liðinn. Það var augljóst að það var ekkert á bak við þessa útrás nema veðsett loft sem kallast viðskiptavild.

Það er klárlega við sjálf og afkomendur okkar sem þurfum að borga fyrir "góðærið" og ekkert sjálfgefið að skattgreiðendur annara þjóða borgi þetta fyrir okkur.  Núna þarf að skera niður fjárlagahallann sem er spáð 130-140 miljarðar fyrir 2009 og það þarf að skerða þjónustu.  Krónan verður sett á flot og þess vegna verður að hækka vexti í von um að minnka fjármagnsflótta.  Skuldir ríkisins verða um 100% af vergri þjóðarframleiðslu í lok 2009 að mati forsætisráðherra.  Og við þurfum að standa straum af stórum afborgunum. Skilyrði aðildar að myntbandalaginu, þeas. Evruaðild er að hámarksgjaldtaka ríkis er 60% af vergri þjóðarframleiðslu og halli á fjárlögum þarf að vera minni en 3% af vergri þjóðarframleiðslu.  Hér þarf því ærlega að skera niður og það er ekki bara tímabundið og hér dugar ekkert hálfkák. Væntanlega þarf hér að segja upp fólki hjá ríkinu og lækka laun.  Væntanlega þarf einnig að stórauka skatta og reyna að vernda lífsnauðsynlega þjónustu, menntakerfi og heilbrigðiskerfið.  Það verða erfiðir mánuðir framundan með veikri fljótandi krónu en þessar aðgerðir eru bráðnauðsynlegar annars gætum við átt yfir höfði okkar 60-70% falli krónunnar og óðaverðbólgu.  Hér höfum við ekkert val, við erum á síðasta séns.  Það er orðið að hagfræðilegu hugtaki "to go Icelandic" sem hugtak um samþættingu á ótrúlegri græðgi og heimsku.  Það þurfa væntanlega margir að taka hattinn sinn, Seðlabankastjórarnir, stjórn seðlabankans, forráðamenn flokkana, Sjálfstæðis, Framsóknar og Samfylkingar,  auk forseti landsins sem hefur verið nánast hirðstjóri eða hirðfífl fyrir þessa útrásargæðinga.
Síðan koma þessir fjárglæframenn sem væntanlega yfir höfði sér dóma fyrir fjárglæfra og sumir væntanlega fjárdrátt og innherjaviðskipti en væntanlega eru lög um þetta það skammt á veg komin að þetta dagar uppi eins og olíusamráðsmálið forðum.

[Sigrún Jónsdóttir, 3.11.2008 kl. 13:11]

Þakka innlit Gunn, ég er alveg handviss um að þessi hagfræðingur hefur rétt fyrir sér og allir þeir hagfræðingar, sem hafa reynt að vara við þessari siðlausu spilaborg, sem hefur fengið að "blómstra" í skjóli Íslenskra yfirvalda og fjármálaeftirlits.  Almenningi, Jóni og Gunnu blæðir en sökudólgarnir sitja áfram á fullum launum hjá þjóðinni og firra sig allri ábyrgð.

Get samt ekki varist þeirri hugsun, eins og Millu að þarna örli á smá "Þórðargleði".

[Tína, 3.11.2008 kl. 13:29]

Blessuð Sigrún mín. Takk fyrir bloggvináttu og ég hlakka svo sannarlega mikið til að fylgjast með þér.

Eigðu nú ljúfan og glaðan dag.

[Jenný Anna Baldursdóttir, 3.11.2008 kl. 13:55]

Takk fyrir þennan pistil.

Jón og Gunna eru ekki í partískapi þessa dagana.

Og ég held að það sé rétt, þau eru ekkert sérstaklega þakklát.

[Gunn (IP-tala skráð) 3.11.2008 kl. 14:19]

Þetta er hræðilegt.  Held að það þurfi núna að gera þessar bráðnauðsynlegu en ömurlegu ráðstafanir sem fyrst.  Það er búið að hækka vextina.  Núna þarf að skera niður viðskiptahallann sem verður geysierfitt.  Ef ekki hrapar krónan núna þegar henne verður fleytt í þesari eða næstu viku og síðan verði þetta 5-7 mögur ár frammundan og þá kemur væntanlega að koma ljósglæta.  Þetta verður hin dýrkeypt lexia: að fljúga ekki hátt á lánuðum föðrum.

Hinn möguleikin er að gera eins og strúturinn stinga höfðinu ofan í sandinn og þá komum við til að skrapa botnin í 1 - 2 áratugi eða við lokum hagkerfinu og tökum upp vöruskiptaverslun og færum okkur aftur í torfkofanna og tökum upp Kúbversku leiðina.
Báðar leiðirnar fela því miður með ser atvinnuleysi og fólksflótta fyrri leiðin gefur okkur þá von um að einhverjir komi að endingu til baka og við eigum von að skríða upp úr þessari holu sem við erum búin að koma okkur niður í.  Við verðum að sjálfsdáðum að koma okkur upp úr holunni.  Held að margir "litlir" íslenskir stjórnmálamenn voru að vonast eftir að IMF gerði þetta fyrir þá, en þeir hafa ekki gert það sem betur fer. Þeir ætla að láta okkur Íslendinga sjálfa moka flórinn.  Við verðum öðrum lexía hvernig fer fyrir þeim sem koma sér í skítinn eða skuldafenið.  Þeir verða sjálfir að skríða upp úr skítnum og fara í bað.

[Gudrún Hauksdótttir, 3.11.2008 kl. 14:22]

Tad er nú ekki langt sídan en tó nokkrir mánudir ad Danske Bank varadi vid tessari tenslu vid íslendinga og hér´í dk. á sídum dagblada.

Hver hlustadi á tá.Madur hélt einmitt ad teir væru öfundsjúkir út í land og tjód, vegna kaupa á flottum   fyrirtækjum og flottum byggingum  hérna í henni Køben.Ekki trúdi madur tví ad rádamenn tjódarinnar sem vid teystum fyrir öllu okkar og tjódinni allri væru svona glærir ad teir sæu ekki vandamálid.

En nú vitum vid betur en tví midur allt of seint.

Med hlýjum kvedjum frá Jyderup

[Sigrún Jónsdóttir, 3.11.2008 kl. 14:45]

Takk fyrir innlit öll.  Ég er svo heppin að vera ennþá með vinnu og þarf að drífa mig á kvöldvakt.  Kíki betur á ykkur í kvöld og kommenta ef á þarf að halda.

[Thor Svensson (IP-tala skráð) 3.11.2008 kl. 17:25]

Afhverju tala allir í þátíð, eins og þessu sé lokið? Sömu ráðamenn og komu okkur í þessar ógöngur fá ennþá leyfi almennings til að sópa skítnum sínum undir teppið og reyna að breiða yfir landráðaskapinn. Við trúum ennþá hverju orði frá fjölmiðlum í eigu þessar sömu aðila? Hvar er víkingablóðið núna? Eða gerum við bara eins og í denn og flýjum land?

[Hólmdís Hjartardóttir, 3.11.2008 kl. 17:27]

jæja Sigrún þetta er þá ekki okkur að kenna

[Þórarinn Þ Gíslason (IP-tala skráð) 4.11.2008 kl. 04:11]

Sæl Sigrún.

Já,og aftur já það er nú það,HAH?jæja þá eða það .

Góð grein hjá þér Sigrún, takk fyrir það.

Kærleikskveðjur

[Hallgerður Pétursdóttir (IP-tala skráð) 4.11.2008 kl. 08:54]

Við vorum að ræða það hér að annan hvern dag ca,kemur frétt sem toppar ógeðið!  Það er spurning hvað fólk þolir mikið meira af svo góðu. Held að þolið sé á mörkunum..

[Brynja skordal, 4.11.2008 kl. 14:07]

[Jóhanna Magnúsar- og Völudóttir , 4.11.2008 kl. 15:06]

 Skil eftir fingrafar hjá þér, þekki  einmitt líka eitt stykki Jón og Gunnu!