Veikindaleyfi? ó, já.

Hvernig ætli verði tekið á þessari atburðarrás í "Hvítbókinni" margumtöluðu?  Hvað ætli það verði mörg fyrirtæki sem fara í þrot vegna aðgerða- eða aðgerðaleysis Seðlabanka og réttkjörinnar ríkisstjórnar?

Þjóðin hefur beðið með öndina í hálsinum eftir svörum frá stjórnvöldum, en ekki hefur þótt tímabært að upplýsa um gang mála.  Staðan er viðkvæm og það hefur sýnt sig að yfirlýsingaglaðir embættismenn og stjórnarherrar hafa að öllum líkindum komið okkur í bobba.  Mun þetta verða tekið fyrir í "Hvítbókinni"?

Getgátur og samsæriskenningar blómstra sem aldrei fyrr.  Mín kenning er sú að Ingimundur Friðriksson einn af þremur bankastjórum SÍ hafi verið sendur í veikindafrí vegna afstöðu sinnar til lántöku hjá Alþjóða gjaldeyrissjónum.  Ég var einu sinni send í svona veikindafrí með þeim orðum að það væri alvanalegt í stjórnum, sem "þyrftu" að koma sér að sameiginlegri niðurstöðu.  "Þú verður bara laus allra mála Sigrún mín (óþekktaranginn þinn) og þarft ekki að bera ábyrgð á niðurstöðunni"!  Ég þurfti ekki að "falsa" veikindin, því ég lagðist í depurð og ekki væri ég hissa þótt Ingimundur hefði sömu afsökun......við þyrftum eiginlega að hittast yfir mjólkurglasi og ræða málin.

Tek það fram að ég yfirgaf þennan slæma félagsskap, þoldi ekki siðspilltar leikreglur

Fyrir þá örfáu lesendur mína, sem ennþá bera fyllsta traust til seðlabankastjóra nr. 1, bendi ég á eðalbloggarann larahanna , þar sem hún hefur klippt til myndband um "útrásarsöng Davíðs Oddsonar".

 

 

Sátt um IMF-lán í Seðlabanka

Athugasemdir

[Hólmdís Hjartardóttir, 22.10.2008 kl. 13:45]

Ætli þú hittir ekki naglann á höfuðið

[Gudrún Hauksdótttir, 22.10.2008 kl. 14:10]

Tetta er brilljant myndband og segir söguna....

KNús á tig

[Rut Sumarliðadóttir, 22.10.2008 kl. 14:20]

Svona eru vinnubrögðin hér, senda þá sem mótmæla í veikindafrí. Er þetta ekki enn eitt dæmið um hver ræður hér? Svo er fólk að tala um einelti á DODDA. Hvar ætli Eyrnastór sé?

Ein spillingin af annarri rekur næstu. Ég ætla ekki að gerast meðvirk þessu ástandi. Ég er að springa úr reiði og svo dett ég ofan í vonleysispyttin þar á milli. Held að það sé bara gott  að halda í reiðina doldið lengur. Hún er vissulega réttlát.

Þú ert ekki ein um þunglyndi þessa dagana, var sjálf að blogga um ferð til Amsterdam vegna þessa með nokkrum misskilningi.

[Jenný Anna Baldursdóttir, 22.10.2008 kl. 15:02]

Heyr, heyr.  Góður pistill.

[Kolbrún Hilmars, 22.10.2008 kl. 15:35]

Steingrímur J er andvígur lántökunni frá IMF og þar sem ég tel hann einn heilsteyptasta "leiðtoga" í íslenskum stjórnmálum og mín skoðun fellur að hans þykir mér miður að þjóðin eigi einskis annars úrkosta en þiggja afarkosti IMF. 

Seðlabankastjórar, allir sem einn, þurfa nú að bíta í gras líkt og við almenningur en megi allir góðir vættir forða okkur frá ESB aðild.

[Ía Jóhannsdóttir, 22.10.2008 kl. 19:32]

Þetta var mín fyrsta hugsun þegar ég frétti um veikindi  Ingimundar.  Hann var bara settur afsíðis í smá tíma, það held ég nú.  Djöful góð lausn eða þannig!   Lára Hanna er snillingur! 

[Guðrún Emilía Guðnadóttir, 22.10.2008 kl. 20:55]

Góður pistill að vand Sigrún mín og Lára hanna er snillingur.
Knús Milla.

[Hallgerður Pétursdóttir (IP-tala skráð) 23.10.2008 kl. 08:42]

Ég trúi vel að þú hafir í alvöru orðið veik eins gegnheil kona og þú kemur mér fyrir sjónir. Mér datt ekkert annað í hug með Ingimund.

[Guðrún Emilía Guðnadóttir, 23.10.2008 kl. 08:50]

Ég get alveg sagt að ég skil Sigrúnu vel, þegar ég einhverju sinni álpaðist út í sveitar-stjórnar-kosningar þá ógnaði mér alveg virðingaleysið, lygasögurnar og bara þetta kom mér svo á óvart, en ég var nú samt í barnaverndarnefnd í 8 ár og þá nam ég ýmislegt.
Í dag mundi ég ekki koma nálægt þessu.
Knús Milla

[Hrönn Sigurðardóttir, 23.10.2008 kl. 10:29]

Þú ert beitt!! Ég er stolt af þér.