"Ísland best í heimi" ??

Því er stundum haldið fram að jákvæð hugsun geti læknað "ólæknandi" sjúkdóma.  Ég hef ekki séð neinar rannsóknir sem staðfesta þetta en eflaust líður fólki betur sem hugsar á jákvæðum nótum en neikvæðum.

Ég hef yfirleitt talið mig frekar jákvæða og bjartsýna manneskju en það hefur hingað til ekki skilað sér í bættum fjárhag.....nema síður væri.  Ég held meira að segja að þjónustufulltrúinn minn í bankanum, líti frekar á mig sem grínista en realista.

Ég er nú komin á þá skoðun að raunsæi sé betra en jákvæð hugsun.  Ég held að raunsæi hefði ekki komið okkur í þau vandræði, sem við erum í núna.

Raunsæismenn hafa síðustu ár verið úthrópaðir sem úrtölu- og öfundarmenn, nú fá þeir vonandi uppreist æru.

En góður húmor skemmir aldrei..........og "Ísland er best í heimi" eins og  þessar auglýsingar komu svo skemmtilega á framfæri:

Knús og fiðrildi á alla línuna

Jákvæð hugsun skilar miklu

Athugasemdir

[Jenný Anna Baldursdóttir, 14.10.2008 kl. 17:16]

Haha, góðir.

En.. ég er sammála.  Raunsæi með dassi af svörtum húmor og þá fer ég að kannast við mig.

Þetta jákvæðnismal (ég er að meina allir í hugs and kisses all over the place) eru ekki minn kaffibolli en ég er helvíti glöð samt.

[Hólmdís Hjartardóttir, 14.10.2008 kl. 17:56]

Sjálfstraustið verður komið aftur áður en við vitum af.

[Aprílrós, 14.10.2008 kl. 20:39]

innlitskvitt

[Helga Magnúsdóttir, 14.10.2008 kl. 20:55]

Þeir eru góðir.

[Hallgerður Pétursdóttir (IP-tala skráð) 14.10.2008 kl. 21:24]

Vð húxum líkt kæra Sigrún. Þú kemur inn á athyglisverðan hlut raunsæisfólk er oft talið úrtölu og öfundarfólk? Af hverju skyldi það nú vera. Leggjumst í rannsóknarvinnu þegar við verðum komnar á Elló og þá skal nú margur fara að vara sig. Ég hlakka til..

[Guðrún Jóna Gunnarsdóttir, 15.10.2008 kl. 01:14]

Ekki veitir af á þessum síðustu og verstu tímum. Góð!!

[Gudrún Hauksdótttir, 15.10.2008 kl. 06:03]

Mikid helvíti eru teir gódir.....

Fadmlag á tig inn í daginn.

[Ásthildur Cesil Þórðardóttir, 15.10.2008 kl. 20:41]

Eigum við þá ekki bara hafa það raunsæi og jákvæðni saman Sigrún mín? 

[Bergljót Hreinsdóttir, 15.10.2008 kl. 22:37]

Mtndi halda að blanda af hvoru tveggja væri það sem skiptir máli....það er að minnsta kosti minn kakóbolli......