"Ömmublogg"

Helgin hefur verið ljúf þrátt fyrir lasleika ömmunnar.  Róbert Skúli 3,8 mán. hefur verið í ömmuheimsókn.

Höfum verið að dunda okkur hér heima við að mestu, horft á sjónvarp, lesið, teiknað og tölvast.  Að sjálfsögðu var mikið spjallað en ekki minnst á "kreppu".  Reyndum að koma auga á Jóa frænda á leik Vals og FH í gær, alla vega amman, en sá stutti fylgdist með boltanum og lýsti leiknum á sinn skemmtilega hátt......svo kom hálfleikur:  Hálfleikur er alveg jafnskemmtilegur og handbolti amma.  Að leik loknum kom í ljós að "jafntefli" hafði unnið leikinn

 

 

Já, maður er sko komin í íþrótta-akademíu og þessi mynd er sérstaklega sett inn fyrir Albert frænda í Brisbane, vegna samtals, sem hann átti við ömmuna fyrir stuttu.

 

 

 

 

 

Þeir feðgar, Róbert Skúli og Ómar Daníelfóru í veiðiferð, með afa Helga til Grindavíkur á dögunum, sem tókst mjög vel að sögn aðal veiðimannsins

 

 

 

 

 

Það er á hreinu að "gullkistan" okkar er ágætlega haldin, því aflinn var góður og gómsætur.  Róbert Skúli sagði reyndar að fuglarnir hefðu fengið þennan, en ég man að mér fannst steiktur koli í raspi eitt það besta fiskmeti, sem ég fékk sem krakki.

 

 

 

 

Þetta lag fékk amman að hlusta frekar oft á í gær, en það er "Court og King Caractacus" og ég set það hér inn sérstaklega fyrir Róbert Skúla

Athugasemdir

[Hólmdís Hjartardóttir, 12.10.2008 kl. 12:21]

Vona að amma gamla hressist. Nýja Ísland þarf á henni að halda.

[Jenný Anna Baldursdóttir, 12.10.2008 kl. 12:50]

[Ásthildur Cesil Þórðardóttir, 12.10.2008 kl. 13:27]

Hehehe pilturinn er með þetta alveg á hreinu, Hálfleikur er auðvitað rosalega skemmtilegur, og jafntefli var vel að sigrinum kominn

[Rut Sumarliðadóttir, 12.10.2008 kl. 13:33]

[Bergljót Hreinsdóttir, 12.10.2008 kl. 14:04]

[Kolbrún Hilmars, 12.10.2008 kl. 18:05]

Sigrún mín, sendi þér mínar bestu bataóskir  

Les alltaf bloggin þín þótt ég setji sjaldnast inn athugasemdir - enda sossum ekkert athugasemdavert við bloggin þín

[Helga Magnúsdóttir, 12.10.2008 kl. 18:07]

Ömmuhelgar eru flottar. Meira að segja þótt amman sé dálítið lasin en vonandi hressist hún fljótlega.

[Aprílrós, 12.10.2008 kl. 18:53]

Góðan bata amma ;)

[Hrönn Sigurðardóttir, 12.10.2008 kl. 20:48]

Flottur strákur! Enda ekki við öðru að búast... upplagið er svo gott

[Sigrún Jónsdóttir, 12.10.2008 kl. 21:34]

Þakka innlit og batakveðjur.  Er að skríða saman og mæti í vinnu á morgun.

Sigurður Helgi, þetta var tímaskortur sem olli þessu, var að flýta mér vegna ömmustráks, en ég vissi að þetta myndi skiljast.  Breyti þessu ekki núna.

[Albertína Friðbjörg, 12.10.2008 kl. 22:05]

Kæra Sigrún, langaði bara að segja takk fyrir kveðjurnar og skilaðu endilega kveðjum suður   Við ættum að reyna að hittast yfir kaffi næst þegar ég kem suður, eða þegar þú kemur vestur!

[Sigrún Jónsdóttir, 12.10.2008 kl. 22:10]

Alveg endilega Albertína mín, hlakka til að heyra í þér, því ég á frekar von á því að þú eigir erindi "suður" en ég "vestur"

[Sigrún Jónsdóttir, 12.10.2008 kl. 23:03]

Ekkert að afsaka Sigurður Helgi, ég er þér sammála.

[Þórarinn Þ Gíslason (IP-tala skráð) 13.10.2008 kl. 03:02]

Sæl .

Já,svo sannarlega skulum við vona að "amman " hressist og það vel.

Kærleikskveðja.

[Gudrún Hauksdótttir, 13.10.2008 kl. 08:38]

Sigrún mín vonandi ertu ordin hress svona á mánudasmorgni...Flottur strákur sem tú átt tarna.Ömmuhelgar eru svo ljúfar og yndislegar.

Fadmlag til tín