Alzhimer er dauðans alvara.

Dagurinn í dag er alþjóðlegur Alzheimers dagur.  Það fór nú ekki mikið fyrir honum svona almennt, sá reyndar ágæta umfjöllun í Morgunblaðinu og svo var pínulítið viðtal við mann, sem greindur hefur verið með Alzheimers sjúkdóminn í fréttatíma stöðvar 2 í kvöld, sem ég vona að verði síðar að stóru viðtali innan um aðra umfjöllun.

Alzheimer- og aðrir heilabilunarsjúkdómar þurfa meiri umfjöllun, svo skilningur á þessum sjúkdómum aukist, þarna þurfa fjölmiðlar að standa sig mikið betur.  Heilbrigðiskerfið hefur langt í frá staðið sig í að bjóða upp á sérhæfð úrræði fyrir þennan sístækkandi hóp. 

Ég fann þetta myndband á vafri mínu á YouTube og gat ekki stillt mig um að setja það hér inn.  Bestu dagarnir í minni vinnu er þegar við starfsmennirnir og okkar skjólstæðingar sjá sameiginlega húmorinn í annars erfiðum aðstæðum og það skeður sem betur fer oft. 

Annars reyndum við Regína vinnufélagi minn að gera þennan dag aðeins hátíðlegri en aðra daga í tilefni dagsins.  Við fórum út og klipptum greinar af haustlituðum trjám og runnum, týndum reyniberjaklasa og skreyttum borðstofuborðið.  Notuðum sparistellið og reyndum okkar besta til að skapa hátíðastemmingu í okkar húsakynnum.

Athugasemdir

[Jenný Anna Baldursdóttir, 21.9.2008 kl. 22:56]

Falleg færsla og nauðsynleg áminning.

Takk fyrir mig.

[Svanur Gísli Þorkelsson, 21.9.2008 kl. 23:12]

Gaman að heyra af þessu Sigrún. Svona dagar fara oftast fram hjá manni. En ég verð alltaf glaður þegar ég sé að aðrir halda kyndlinum hátt á lofti.

kv,

[Sigrún Jónsdóttir, 21.9.2008 kl. 23:18]

Takk öll og bestu kveðjur

[Aprílrós, 21.9.2008 kl. 23:24]

innlitskvitt ;)

[Rut Sumarliðadóttir, 21.9.2008 kl. 23:25]

Takk Sigrún, þetta er skelfilegur sjúkdómur, þekki það frá ömmu minni og móðursystur. Vona bara að hann sé ekki arfgengur. Úff.

[Guðrún Jóna Gunnarsdóttir, 22.9.2008 kl. 00:19]

Einn sá erfiðasti sjúkdómur sem hægt er að hugsa sér, ekki síst ættingjana vegna þegar líða tekur á sjúkdómsferlið. Umræðan um Alzheimer er nær engin í þjóðfélaginu sem ég fæ ekki skilið. Ég hélt að með aukinni þekkingu og fræðslu myndi umræðan opnast. Svo er ekki í þessu tilviki. Skyldi vera um feimnismál að ræða?

Þetta broslega, stutta myndskeið segir í raun all sem segja má um sjúkdóminn.

Takk fyrir góðan pistil, frábært hvað þið stöllur gerðuð í dag af tilefni dagsins.  Þið hafið ugglaust glatt einhverja

[Hólmdís Hjartardóttir, 22.9.2008 kl. 01:34]

þetta er einn af grimmustu sjúkdómunum.............ótrúlega lítil umræða  og vantar mikið upp á að úrræði hér séu nægileg. Þið stöllur flottar því stundin gleður augnablik......

[Hrönn Sigurðardóttir, 22.9.2008 kl. 08:15]

haha frábært myndband

Ekki hafði ég hugmynd um að Alzheimer dagurinn var í gær! Þannig að þú sérð nú hvernig fjölmiðlar eru að standa sig gagnvart mér!

[Ía Jóhannsdóttir, 22.9.2008 kl. 09:30]

Gott starf sem þið vinnið

[Hólmdís Hjartardóttir, 22.9.2008 kl. 11:08]

heyrði ágæta sögu  af konu með alzheimer í gær.  Hún þekkti ekki lengur manninn sinn en þekkti fötin hans.  Og bað hann endalaust um að skila fötum mannsins síns.............

[Helga Magga (IP-tala skráð) 22.9.2008 kl. 11:47]

æðislegt myndband. maður verður að geta hlegið líka af þessum annars hræðilega sjúkdómi

[Ragnheiður , 22.9.2008 kl. 12:13]

Hefðir þú ekki bloggað um þetta þá hefði ég misst af þessu og er áreiðanlega degi of sein en ég bloggaði um þessa færslu þína. Núna ætla ég að skoða myndbandið

[Sigrún Jónsdóttir, 22.9.2008 kl. 12:17]

Ég þakka innlit og innlegg.

Hólmdís, þau eru mörg þessi sorglega kómísku augnablik...

[Helga Magnúsdóttir, 22.9.2008 kl. 12:58]

Þegar ég var í lögreglunni lenti ég stundum í því að leita að fólki með Alzheimer sem hafði ráfað að heiman. Þegar við fundum þetta fólk, oft eftir langan tíma, var það svo sorglegt hvað það var hrætt og ráðvillt. Alzheimer er sko ekkert grín.

Talaði við Svanhildi systur mína í gærkvöldi og hún biður alveg rosalega vel að heilsa þér.

[Sigrún Jónsdóttir, 22.9.2008 kl. 13:10]

Takk Helga

Það er ekki erfitt að ímynda sér vanlíðan fólks sem "týnist" og ratar ekki heim, það hlýtur að vera skelfilegt.

[Ásdís Emilía Björgvinsdóttir (IP-tala skráð) 22.9.2008 kl. 13:52]

Sæl Sigrún mín!

Ég var að vinna um helgina og það hafði enginn hugmynd um þetta. Það hefði verið gaman að vita af þessu og getað gert eitthvað svona öðruvísi í tilefni dagsins. Í gegnum mína sjúkraliðatíð er maður búinn að upplifa mörg átakanleg Alzheimertilfelli, en líka spaugileg, eins og sést í þessu myndbandi, sem er alveg yndislegt. Og ef það er ekki hægt að sjá spaugilegu hliðarnar við það, alveg eins og hinar átakanlegu......! Þá hvað?

Kær kveðja á þig

[Brynja skordal, 22.9.2008 kl. 14:07]

[Jóhanna Magnúsar- og Völudóttir , 22.9.2008 kl. 16:11]

Það voru nú oft grábroslegar uppákomurnar sem ég upplifði með Alzheimerfólkinu "mínu" þegar ég starfaði á Eir - og væru efni í heila bók.

Einu sinni sagði ég við einn manninn sem sat við hliðina á uppáhaldsvinkonu sinni; Jæja - langar þig ekki í Bingó xxxx minn, hann svaraði að bragði "hvers konar uppástunga er þetta hjá þér, ertu að mælast til þess að hún xxxxx (vinkonan) fari úr fötunum." ..

[Guðrún Emilía Guðnadóttir, 22.9.2008 kl. 16:26]

Já ég tek undir það að meira hefði mátt gera úr þessum degi.
En Sigrún mín þið eigið þakkir skilið fyrir ykkar framtak.
Knús kveðjur
Milla.

[Sigrún Jónsdóttir, 22.9.2008 kl. 17:50]

Ég þakka innlit og ykkar framlag í umræðuna.

[Adda bloggar, 22.9.2008 kl. 18:12]

[Þórarinn Þ Gíslason (IP-tala skráð) 23.9.2008 kl. 01:11]

Sæl Sigrún.

Já,ég er sammála þér að það er allt of lítið gert fyrir fólk með þennan sjúkdóm.Ég annaðist vinkonu mína meira og minna hennar síðustu tvö ár og veit um hvað þú ert að tala um.

Falleg hugsun hjá þér. Hafðu Guðs þökk fyrir.

[Sigríður Þórarinsdóttir, 23.9.2008 kl. 12:31]

Takk fyrir þessa færslu. Það er ekkert grín að horfa upp á sína nánustu fá heilabilun.

[Lilja G. Bolladóttir, 24.9.2008 kl. 21:56]

Gott hjá þér, Sigrún. Og takk fyrir myndbandið. Ég hef líka unnið með heilabiluðum og það getur virkilega tekið á, í raun ein erfiðasta vinna sem maður getur hugsað sér. Fólk spyr mig alltaf hvort það hafi ekki verið erfitt að vinna á krabbameinsdeildinni, en það er öðruvísi erfitt, vinna með heilabiluðum ER virkilega erfið.... krefst mikillar þolinmæði.

Takk fyrir þessa áminningu