Bráðum koma............

Ömmustrákurinn Róbert Skúli hefur verið hjá mér þessa helgi.  Hann var ljúfur að vanda og undi sér vel.  Laumaði sér stundum í Ömmu tölvu og dundaði sér við að syngja inn á upptökuforrit og spila það svo fyrir ömmu sína.  Eitt jólalag æft...bara eitt og það var hann sem byrjaði kæra foreldrasett.

Annars er hann ótrúlegur við tölvuna og það verður að hafa augun á honum, svo hann finni ekki og fari inn á óæskilegar síður, sem ég veit að eru þarna á veraldarvefnum.

Við heimsóttum Jón Eric og Kristrúnu Amelíu í gær, mæðgurnar Guðrún Freyja og Erica Ósk voru ekki heima.  Þeim frænd-systkinunum kemur ótrúlega vel saman þótt það sé 5 ára aldursmunur á þeim.

Þessi mynd var tekin nýlega af hárgreiðslumeistaranum Kristrúnu Amelíu og Rokkaranum Róberti Skúla

 

 

 

Við Róbert skoðuðum líka myndirnar á heimasíðunni hans og þar höfðu bæst nokkrar nýjar í safnið.  Ein var náttúrulega í algjöru uppáhaldi.  Hann fékk nefnilega að máta Ólympíusilfrið hans nafna síns Gunnarssonar.

 

 

 

 

 

 

 

En ég á líka svona medalíu alveg sjálfur amma, manstu?  Ó, jú amma mundi það, því hann fékk hana fyrir þátttöku í sumarhátíð Súgfirðingafélagsins s.l. sumar

 

 

 

Svo sýndi hann mér mynd þar sem hann var að hampa verðlaunum fyrir kókósbolluátkeppni á ættarmóti móðurfjölskyldunnar á nýliðnu sumri.  Ég var sko laaang, laaang bestur að borða kókósbollurnar og þær voru svo góðar, ummm, sagði Róbert Skúli og sleikti varirnar.

Hann á sko örugglega eftir að sigra heiminn þessi drengur og fara létt með það, aðdáendahópurinn fer sífellt stækkandi og í dag fórum við í heimsókn til hans Vilmundar, sem er 11 ára einstakur drengur, sem vandar mjög sitt vinaval.  Þeir voru orðnir perluvinir eftir stutt kynni og kisurnar, sem Róbert Skúli var nú eiginlega að heimsækja, gleymdust eiginlega og hurfu í skuggann af flotta stóra stráknum honum Vilmundi.

Hann á svo heimboð í piparkökumálun til Vilmundar og mömmu hans Önnu, fyrir jólin, þannig að það væri nú ekki úr vegi kæra foreldrasett að fara að æfa jólalögin af alvöru svo hann geti borgað fyrir sig með söng.

Bráðum koma..........

Athugasemdir

[Guðrún Jóna Gunnarsdóttir, 14.9.2008 kl. 22:26]

Nóg er af gullmolunum í kringum þig sé ég. Hrekk aðeins við þegar þú nefnir; ..bráðum koma......"  Finnst enn svo stutt síðan sumarið var og það ætti að vera lengra í jólin en kannast vel við tilfinninguna á haustin.

Dregnurinn verður ekki svikinn af piparkökuheimsókninni, það er á hreinu.

[Hólmdís Hjartardóttir, 14.9.2008 kl. 22:27]

[Ía Jóhannsdóttir, 15.9.2008 kl. 07:08]

Hann verður einhverntíma góður þessi gullmoli þinn.  Góðan daginn ætlaði ég líka að segja Sigrún mín.

[Guðrún Emilía Guðnadóttir, 15.9.2008 kl. 07:30]

Kæra foreldra sett; tær snilld.
Það er hjartahlýtt í kringum þig Sigrún mín, ég kannast við þessa gleði sem skapast er barnabörnin eru í heimsókn, Yndislegt bara.
Knús kveðjur.
Milla.

[Hrönn Sigurðardóttir, 15.9.2008 kl. 09:03]

Flottur strákur - hann á líka svo flotta ömmu

[Ásdís Emilía Björgvinsdóttir (IP-tala skráð) 15.9.2008 kl. 11:03]

Já, Sigrún mín, það eru bara 100 dagar til jóla!!!

En strákurinn er bara flottastur, eða barnabörnin þín öll

Kær kveðja á þig inn í vikuna

[Sigrún Jónsdóttir, 15.9.2008 kl. 16:31]

Þið eruð allar yndislegar, takk kærlega fyrir komuna

[Jenný Anna Baldursdóttir, 16.9.2008 kl. 10:21]

Yndisleg börn, til hamingju.

[Ásthildur Cesil Þórðardóttir, 16.9.2008 kl. 18:59]

Yndisleg börn og sjarmurinn á örugglega eftir að sigra bæði Suðureyri og heiminn.

[Sigrún Jónsdóttir, 16.9.2008 kl. 21:31]

Takk fyrir innlit og kveðjur mínar kæru.

[Brynja skordal, 16.9.2008 kl. 22:28]

Yndilsegar myndir af ömmukrílum flottur er hann með verðlaunapeningana Hafðu það ljúft Elskuleg

[Haraldur Bjarnason, 16.9.2008 kl. 23:15]

Minn afastrákur verður þriggja ára á föstudaginn Sigrún. Hann sendi mér frábært myndband í tölvupósti þar sem hann býður mér i afmælið. Þeir eru frábærir þessir guttar.

[Sigrún Jónsdóttir, 16.9.2008 kl. 23:44]

Takk Brynja mín.

Til hamingju með afastrákinn Haraldur, hann er flottur, ég er búina að skoða.