Jafnréttisbaráttunni er ekki lokið!

Ég man eftir myndum í gömlum albúmum heima hjá mér, þar sem konur á Suðureyri voru að gera sér glaðan dag, klæddar í spariföt og þá flestar í íslenskum búning.  Ein myndin var af skrúðgöngu með fánabera í broddi fylkingar og á öðrum myndum mátti sjá þær í einhverjum hringdansi eða sitjandi í grasinu með nestið sitt.

Þessar myndir voru teknar þann 19. júní rétt fyrir miðja síðustu öld, sennilega í kringum 1930 eða 1940.

"Árið 1882 fengu konur í fyrsta skipti kosningarétt á Íslandi. Þessi kosningaréttur var þó afar takmarkaður og hljóðaði upp á að ekkjur og aðrar ógiftar konur sem sátu fyrir búi eða áttu með sig sjálfar fengu kosningarétt í sýslunefnd, hreppsnefnd, bæjarstjórn og á safnaðarfundum. Þessi réttur gilti fyrir konur sem voru eldri en 25 ára og honum fylgdi ekki kjörgengi. Það skal tekið fram að vinnukonur áttu sig ekki sjálfar og voru því mjög fáar konur sem gátu nýtt sér þennan kosningarétt.

Árið 1909 voru samþykkt lög um kosningarétt og kjörgengi í málefnum hreppsfélaga og kaupstaða. Í þessum lögum kom m.a. fram að konur fengju kosningarétt ef þær hefðu lögheimili á staðnum, óflekkað mannorð, væru fjár síns ráðandi, stæðu ekki í skuld fyrir sveitarstyrk og greiddu gjald í bæjarsjóð eða hreppsjóð. Giftar konur höfðu einnig kosningarétt og kjörgengi hafði hver sá sem hafði kosningarétt og var ekki vistráðið hjú. Í þessum lögum kom einnig fram að konur mættu skorast undan kosningu en á þessum tíma var hægt að kjósa hvern sem var og karlar máttu ekki skorast undan kosningunni.

Árið 1915 fengu konur og vinnuhjú, 40 ára og eldri, kosningarétt til Alþingis. Aldursmarkið átti að lækka um eitt ár árlega næstu 15 árin. Lögunum var þó breytt eftir 5 ár því árið 1920 fengu konur og vinnuhjú full pólitísk réttindi við 25 ára aldur." (tekið úr Vikibókunum, frjálsa kennslubókasafninu).

Ein af konunum á myndum, sem ég talaði um hér að ofan var amma mín, Sigríður Jóna Guðnadóttir.  Hún var  fædd  þann  31. október árið  1883  og hefur því verið  32  ára,  þegar  konur fengu  fyrst kosningarétt til  Alþingis.

Hún  lifði það ekki að sjá konu kjörna  sem  forseta Íslands,  og ekki heldur að kvenafkomendur hennar næðu sér í háskólamenntun.

Margt hefur áunnist í jafnréttisbaráttunni en ekkert af því kom af sjálfu sér, það er á hreinu. 

Þessu rændi ég af bloggsíðu vinkonu minnar og vil enda mitt mál með því: 

"Women do two-thirds of the world's work, receive 10 percent of the world's income and own 1 percent of the means of production."

- Richard H. Robbins, Global Problems and the Culture of Capitalism, (Allyn and Bacon, 1999), p. 354

Konur til hamingju með daginn, stöndum vörð um áunnin réttindi og sýnum formæðrum okkar þá virðingu að halda baráttunni áfram þar til fullu jafnrétti er náð!

 

Jafnréttisbaráttunni langt í frá lokið

Athugasemdir

[Jenný Anna Baldursdóttir, 19.6.2008 kl. 16:47]

Frábær færsla og já, heyr, heyr.

Til hamingju sjálf.

[Hrönn Sigurðardóttir, 19.6.2008 kl. 17:03]

Frábær færsla hjá þér kona! Ég er stolt af því að vera kona

Til hamingju með daginn!  

[Róslín A. Valdemarsdóttir, 19.6.2008 kl. 21:05]

Til hamingju með daginn

[Sigrún Jónsdóttir, 19.6.2008 kl. 21:30]

Takk fyrir góðar kveðjur

[Guðrún Jóna Gunnarsdóttir, 19.6.2008 kl. 21:41]

Frábær pistill Sigrún og orð að sönnu. Til hamingju sömuleiðis.

[Hólmdís Hjartardóttir, 19.6.2008 kl. 22:15]

Góð færsla, til hamingju með daginn

[Magnús Paul Korntop, 20.6.2008 kl. 10:45]

Til hamingju konur.

[Ásthildur Cesil Þórðardóttir, 21.6.2008 kl. 11:10]

Mikið er gaman að lesa þetta innlegg Sigrún mín.  Við þurfum oftar að leggjast í að lesa og upplifa hvernig þetta var, og hvað hefur áunnist.  Því vissulega hefu rmargt gott gerst sem betur fer.

[Gudrún Hauksdótttir, 22.6.2008 kl. 09:45]

Frábær færsla mín kæra og skemmtileg til lestrar.

stórt knús á tig mín kæra.

[Haraldur Bjarnason, 22.6.2008 kl. 21:34]

Góður pistill hjá þér Sigrún. Til hamingju með daginn, þótt seint sé. ....hvað værum við án kvenna????