"Séð og Heyrt" upplifað og reynt!

Ég var að passa Ericu Ósk (1 árs) í morgun.  Hún er búin að vera lasin litla skinnið en er vonandi að hressast. 

Morguninn var ljúfur, mikið knúsað og svo var hún dugleg að dunda sér. 

Pabbinn Jón Eric (28) kom svo heim í hádeginu svo amman (55) fór heim og lagði sig, ekki af því hún væri neitt rosalega þreytt, bara  einhver  dásamleg leti, sem kemur sundum yfir mann.

Þetta er nýleg mynd af þeim Jóni Eric og Ericu Ósk að gefa öndunum við Reykjavíkurtjörn brauð...eða það var allavega ætlunin, en Ericu Ósk fannst brauðið bara ágætt.

 

 

Seinni partinn komu svo feðgarnir Ómar Daníel (25) og Róbert Skúli (3ja) í heimsókn til ömmu, en mamman, Guðrún (29) er í Þýskalandi svo Róbert ? (?) gæti komið til Íslands og hjálpað ”strákunum okkar” í mikilvægasta landsleik ever á sunnudaginn.  (það er annarra að skrá þá sögu alla, kemur væntanlega í Séð og Heyrt!).

Heimsókn feðganna var mér dýrmæt,því loksins varð trúverðugleiki minn ekki lengur dregin í efa.  Þannig er mál með vexti að við Róbert Skúli vorum  (og erum) einlægir aðdáendur Magna Ásgeirssonar (?) eftir velgengni hans í sjónvarpsþáttunum Rockstar SuperNova, en á þeim tíma var Róbert Skúli ekki orðin 2ja ára.  Ég held að foreldrar barnsins hafi haft mig grunaða um að smita drenginn af einhverri Magna dýrkun þegar ég sagði þeim að hann vildi endalaust hlusta á Magna í tölvunni hjá mér og þau gáfu mér svona vantrúar svip og ég sver það ég sá að þau glottu, þegar að þau héldu að ég sæi ekki til.  Reyndar var drengurinn orðin svo klár á ömmutölvu að hann var farin að finna hitt og þetta á U-Tube í gegnum tónlistarbönd Magna!  Á tímabili fór hann beint inn á tónlistarmyndbönd með Mika eftir (alltof stutta viðkomu hjá Magna) og hlustaði á Grace Kelly eða var það Lollypop, alla vega ekki tónlist fyrir ömmu smekk.

Ég ákvað því að taka mig á í ömmuhlutverkinu og þrátt fyrir ítrekaðar óskir Róberts Skúla um að fá að hlusta á Magna í tölvunni, lagðist ég í bókalestur með barninu og hef haldið mig við þá iðju í tæpt ár, það hefur gengið ljómandi vel og ekki er langt í að hann verði stautlæs (hann er svo klár).

En í dag, þegar þeir feðgar komu í heimsókn og amma hafði lesið smávegis með honum, bað hann, allt í einu (í viðurvist pabba síns) um að fá að hlusta á Magna í tölvunni!!! Yes! Ég horfði náttúrulega sigri hrósandi á soninn og stuttu síðar hljómaði Magna – Creep og Róbert Skúli tók undir: fo æma kíp! 

Rokkararnir Magni og Róbert Skúli að árita "diska" í nóvember 2006.

Athugasemdir

[Jenný Anna Baldursdóttir, 13.6.2008 kl. 19:53]

Krúttfærsla.  Aldeilis frábær. Takk fyrir mig.

[Halldóra Hannesdóttir, 13.6.2008 kl. 21:56]

Haha...alveg yndislegt  Ég er nú Magna "fan" líka

[Róslín A. Valdemarsdóttir, 13.6.2008 kl. 22:49]

Krúttipúttinn!!

En ég er sko að segja þér það að ég er ekki Magna aðdáandi, aldrei!...

En það er mín skoðun, og endurspeglar ekki mat þjóðarinnar..

[Ía Jóhannsdóttir, 14.6.2008 kl. 07:43]

Það læra börnin sem fyrir þeim er haft heheheh  góð og skemmtileg færsla.  Kveðja inn í góðan dag.

[Gudrún Hauksdótttir, 14.6.2008 kl. 08:50]

ÆÆÆ En yndisleg saga Sigrún mín...Ég (53)var farin ad brosa breytt og minn heittelskadi(45) horfdi á mig í góda stund ,sagdi svo:Er einhver ad segjast elska tig eda???Svona  en dejligt udtruk fra andsigtegt,Vid svona fallegan lestur

Knús á tig inn í góda helgi.

[Anna (IP-tala skráð) 14.6.2008 kl. 11:13]

Bara yndislegt að lesa svona færslu

Ætla að skreppa vestur á morgun, sunnudag, og vera í viku, hlakka til.  Ná sér í orku og hlaða batteríin sín.  Tala við fólkið og hitta mann og annann í sundlauginni.

Kveðja af Skaganum 

[Haraldur Bjarnason, 15.6.2008 kl. 08:06]

Heldur betur flott færsla í Séð og Heyrt stíl, pappír sem ég er svo sem ekkert of hrifinn af og það sama heyrist mér á honum tengdasyni mínum (29), sem er þarna á góðri mynd með barnabarni þínu (2). Kveðja frá mér (52..ennþá!!) af Skaganum

[Sigrún Jónsdóttir, 15.6.2008 kl. 12:39]

Ég þakka innlit og komment.

Hallgerður, Ómar Daníel sagði þegar hann sá þitt komment að þetta hlyti að hafa verið hann:  Ég var alltaf svo kurteis!

Haraldur, ég deili áliti ykkar tengdafeðganna á téðu riti, en færslan fór bara svona af fingrunum mínum.  Ég var búin að gleyma tengingu þinni við eina sögupersónuna og er afar þakklát fyrir þitt innlit.

[Svala Erlendsdóttir, 15.6.2008 kl. 12:44]

[Ásthildur Cesil Þórðardóttir, 15.6.2008 kl. 14:19]

Yndislegt alveg hahahaha fo Æma kíp  Sé þetta alveg fyrir mér, sá stutti vissi hvað hann söng. 

[Guðrún Emilía Guðnadóttir, 15.6.2008 kl. 16:12]

Yndisleg færsla og þau eru fljót að læra á tölvuna, maður þarf að hafa þau undir kontrol, en mín er komin á 5 ár svo hún skilur núna að hún verður að biðja um leifi.
                     Knús kveðjur
                        Milla.

[Magnús Paul Korntop, 15.6.2008 kl. 21:16]

Róbert gerði sitt besta í dag eins og aðrir en leikurinn tapaðist því miður.

Annars góð saga af litla kút.