Eru launþegar hættulegir?

Nú standa fyrir dyrum kjarasamningar við fjölmennustu stéttir ríkisstarfsmanna.  Að stærstum hluta eru þetta hinar svokölluðu "kvennastéttir".  Kennarar, hjúkrunarfræðingar og sjúkraliðar eru að fara í endurnýjun sinna kjarasamninga. 

Grátkórar, koma fram fyrir hönd ríkissjóðs og munu á næstu mánuðum verða háværari og "falskari" þannig að engin mun leggja við hlustir, nema "innvígðir" og "innmúraðir", sem flestir hafa lífsafkomu sína af verslun með "áhættu" verðbréf.

Stjórnvöld eru í startholunum og munu koma bönkum og öðrum verðbréfasölum til hjálpar við fyrsta mjálm!

Meðan núverandi stjórnvöld voru ennþá á biðilsbuxunum til kjósenda var öldin önnur. 

Hjá Seðlabankanum starfa "reynsluboltar", sem vita að kjarasamningar geta verið stórhættulegir, og þá sérstaklega gagnvart, fólkinu, sem samið var fyrir.

Launaskrið er næstum því óþekkt fyrirbrigði hjá "kvennastéttum" ríkis og borgar, en samt hafa reynsluboltarnir hjá Seðlabankanum fundið það hjá einhverjum láglaunastéttum :

"Á hinn bóginn er líklegt að hækkun lægstu launa skríði ekki jafn ört upp launastigann á næstu árum og gerðist árin 2006 og 2007 þegar mikill skortur var á vinnuafli, samkvæmt Peningamálum".

Ætli Eflingarstarfsmenn í heilbrigðiskerfinu hafi orðið varir við þetta launaskrið???

Kjarasamningar fela í sér hættu á launaskriði

Athugasemdir

[Hólmdís Hjartardóttir, 10.4.2008 kl. 17:53]

Góður pistill. Þjóðarskútan er alltaf að sökkva þegar á að semja við þessar stéttir.

[Ásthildur Cesil Þórðardóttir, 10.4.2008 kl. 22:01]

Sammála flott innlegg.  Það er nrfnilega svo að- allt lítilræði sem lægstu launamenn eiga að fá veldur launaskriði en ekk það sem hátekjufólkið fær hvað þá allskonar bitlingar og eftirlaunalög og margföld laun ráðamanna sjálfra, þeirra er skömmin.

[Guðrún Jóna Gunnarsdóttir, 10.4.2008 kl. 23:00]

Góður pistill og hverju orði sannara þar sem þar kemur fram.

Nú er að duga eða drepast fyrir okkur, kvennastéttirnar. Linkind okkar til áranna skila nákvæmlega engu. Við blæðum. 

[Brynja skordal, 11.4.2008 kl. 11:09]

Flottur pistill hafðu ljúfa helgi Elskuleg

[Jenný Anna Baldursdóttir, 11.4.2008 kl. 13:44]

Takk fyrir frábæran pistil.

[Haraldur Bjarnason, 11.4.2008 kl. 21:44]

Góðar pælingar hjá þér Sigrún, en eru ekki allir hættir að trúa spádómum og speki þessara Seðlabankaspekinga.

[Halldóra Hannesdóttir, 11.4.2008 kl. 22:21]

Ertu ekki á leiðinni í framboð mín kæra?

[Sigrún Jónsdóttir, 12.4.2008 kl. 00:20]

Ég þakka kommentin.

Hallgerður og Halldóra, nei.  Ég er með ofnæmi fyrir flokkapólitík.

Haraldur, ég held að "einhverjir" veikir menn séu að nota Seðlabankann í annarlegum tilgangi! 

Ég ætla að fylgjast með, þegar fleiri raddir bætast í "grátkórinn"!