Hvað ungur nemur, gamall temur!

Helgi Hóseasson hefur haft áhrif.  Hann hefur haft áhrif á yngri kynslóðina með sínum æðrulausu, þöglu mótmælum í gegnum tíðina.  Það er vel.

Mér finnst það táknrænt að þessir ungu menn, taki sér stöðu á sama stað og Mótmælandi Íslands hefur staðið í öllum veðrum eins lengi og menn muna.

Ég hef lengi dáðst að Helga Hóseassyni, finnst hann flottur karl.  Trúr sinni sannfæringu og það er meira en hægt er að segja um fjölmarga stjórnmálamenn, sem hafa komið og farið og selt sannfæringu sína með valdabrölti. 

Flott framtak hjá ungu mönnunum.

Hógvær mótmæli

Athugasemdir

[Haraldur Bjarnason, 31.3.2008 kl. 15:13]

Kannski hefur bara vespan hjá strákagreyjunum orðið bensínlaus þarna á horninu hans Helga Hós. - Verst að maður sér ekki á myndinni hvað stendur á spjaldinu.

[Sigrún Jónsdóttir, 31.3.2008 kl. 18:11]

Erum benzínlausir! Sá þetta með eigin augum, þegar ég fór þarna fram hjá í dag. En þeir vöktu athygli, þannig að kannski nota þeir þetta bragð í framtíðinni, þegar þeir hafa eitthvað merkilegt að segja.

En hann Helgi minn stóð sína plikt

[Jón Karl Einarsson (IP-tala skráð) 31.3.2008 kl. 21:32]

það stendur “Bensínlausir“ ég veit það af því að ég held á skiltinu ;) við ákváðum að skella okkur bara þarna upp á horn vegna þess að við vorum í skólanum þarna fyrir neðan. Vorum ekki í tíma þannig að við vildum leggja okkar af mörkum.

[Sigrún Jónsdóttir, 31.3.2008 kl. 22:33]

Jón Karl, þið fenguð bros frá mér!  Þið eruð framtíðin, þið rúlið!