Gleðilega jólahátíð elsku ættingjar og vinir.

Heyrði aðeins í honum Alberti bróður mínum á skæpinu í dag.  Hann segist sakna þess að sjá ekkert blogg frá mér núorðið.

Hann býr í Ástralíu og þarlendir eru ekki ýkja hrifnir af facebook....of margar vírusahættur  En eins og fyrri daginn tóku íslendingarnir facebook nýjunginni með trompi og sögðu grand og maður hefur nú ekki tíma fyrir allt.....

Þetta verður því svona jólakveðjufærsla fyrir Abba í Brisbane, Úlfar í Ameríku, Eygló í Svíþjóð, Diddu í Ameríkunni, Jónu Láru í Danaveldinu, Pöllu Bergmann í Kanada og Helgu vinkonu í Ásralíu

Kæru þið öll,

Ég fór á jólaball hjá Rafiðnaðarsambandinu með nokkrum fjölskyldumeðlimum um síðustu helgi.  Jólaballið var haldið að Gullhömrum og fyrir ykkur sem eruð engu nær, þá er það samkomuhús í Grafarholtinu....voða stórt og flott.  Ég labbaði nokkuð marga hringi í kringum jólatréð með Róberti Skúla (Ómarssyni) og Ericu Ósk (Jóns Erics dóttur) og söng HÁSTÖFUM...er loksins búin að læra alla þessa jólaballatexta.... og sem betur fer, því haldið ekki að ég hafi þurft að vanda mig með Björk (heimsfrægu) Guðmundsdóttur í næsta hring við mig...svo ég get með sanni sagt að ég hafi sungið opinberlega með Björk  

Af okkur er allt gott að frétta.  Ég er að vinna alla jóladagana en held samt jólin með sonum og barnabörnum svona inn á milli vakta

Jólamaturinn er komin í kæliskápinn heima hjá Jóni Eric og Ómari Daníel og þeir ætla að elda hamborgarahrygg á aðfangadagskvöld en þar sem ég er á kvöldvakt, mun ég væntanlega bara vera í símasambandi við þá fram eftir kvöldi.  Kristrún Amelía og Róbert Skúli verða hjá þeim svo það verður jólafjör á þeim bænum.

Á jóladag verð ég á dagvakt (ég veit...alveg ótrúlegt!) og þá munu Erica Ósk og Karen Lilja vera hjá okkur í hangikjötsveislunni og taka upp sína jólapakka

Á annan dag jóla er ég svo á kvöldvakt og þá ætla ég að sofa fram að vakt....

Fyrr í kvöld fór ég í skötuveislu hjá Guðjóni Jóa Didda syni þar sem stór hluti stórfjölskyldunnar var samankomin.  Þar var ákveðið að þessi samkoma væri algjört must  Stórfjölskyldan er nefnilega alltaf að stækka og sameiginlegar jólahefðir okkar hafa verið í þróun undanfarin ár......en nú skal setja reglu á þessar samkomur

Svenni byrjaði eiginlega með þessar skötuveislur, þegar þau bjuggu í Álfheimunum.  Þegar hann flutti í Grafarvogsblokkina tók Sigga systurdóttir og Vignir við og nú í kvöld voru það semsagt Guðjón og Systa sem tók við keflinu.  Við greiddum um það atkvæði hvar skötuveislan skyldi haldin að ári og það var samdóma álit meirihluta veislugesta að það væri upplagt að heimsækja Svenna og Ellý að nýju.  Þau voru nefnilega fjarri góðu gamni í kvöld þar sem þau dvelja ásamt allri sinni fjölskyldu hjá Jónu Láru í Danmörku um hátíðarnar.  Ég veit að þau verða ákaflega glöð að fá að bjóða okkur heim í fallega lundinn í Kópavoginum...þeir segja að það sé gott að búa í Kópavogi og að umburðarlyndi við vestfirskri skötulykt sé þar í hávegum höfð....

Ég óska ykkur öllum gleðilegrar jólahátíðar og hlakka til að sjá ykkur öll von bráðar....

Meira er nú eiginlega ekki að frétta af þessum bænum en ég býð ykkur öllum að taka undir með hinum íslensku Frostrósum :

Jólastemning í miðbænum

Athugasemdir

[Steingrímur Helgason, 24.12.2010 kl. 01:13]

Gaman að leza frá þér alltaf.

Gleðileg jólin til þín & þinna, duglega kona.

Z.

[Sigrún Jónsdóttir, 24.12.2010 kl. 01:28]

Takk fyrir Steingrímur minn.  Bestu jólakveðjur til þín og þinna

[Ásthildur Cesil Þórðardóttir, 24.12.2010 kl. 13:14]

Gleðileg jól til þín líka Sigrún mín og takk fyrir skemmtileg og góð kynni.

[Ragna Birgisdóttir (IP-tala skráð) 25.12.2010 kl. 14:45]

Gleðileg jól. Bestu kveðjur og takk fyrir samskiptin á árinu hér á blogginu.

[Hrönn Sigurðardóttir, 25.12.2010 kl. 17:46]

Já veiztu ég hef saknað bloggfærslanna þinna líka - þrátt fyrir að vera ekki í Ástralíu

[Sigrún Jónsdóttir, 26.12.2010 kl. 11:39]

Takk elsku vinkonur, Ásthildur, Ragna og Hrönn mínir uppáhalds bloggarar og netvinir.  Ég óska ykkur gleðilegra jóla og þakka frábæran vinskap í gegnum tíðina....love you