Sigrún Jónsdóttir

Ég er fædd á Suðureyri við Súgandafjörð, skömmu eftir miðja síðustu öld! Er tveggja sona móðir og amma Kristrúnar Amelíu, Róberts Skúla og Ericu Óskar.

Hef búið víða. Suðureyri - Seltjarnarmes - England - Reykjavík - Kjalarnes - Akranes og núna s.l. 10 ár í Reykjavíkurkjördæmi-norður!

Hef tekið virkan þátt í stjórnmálastarfi en er sem betur fer hætt því. Nú um stundir eru það ömmubörnin og Súgfirðingafélagið, sem eru efst á baugi hjá mér.

Ég er sjúkraliði og hef s.l. 10 ár starfað á sambýli fyrir einstaklinga með minnissjúkdóma. Laugaskjól heitir sambýlið og íbúar þess eru 9 talsins og eru flestir greindir með hinn illvíga Alzheimer sjúkdóm.

Fjöldinn allur hefur skorað á mig að halda úti bloggsíðu (þ.e. Róbert og Gurra) og hef ég ákveðið að taka þeirri áskorun! Sjáum svo til.

Ég þakka vini mínum Róberti fyrir ómetanlega hjálp við að koma þessari síðu á "koppinn"!

Ábyrgðarmaður skv. Þjóðskrá: Sigrún Jónsdóttir