....en valið á utanþingsráðherrum var rétt :)

Mikið svakalega leist mér vel á nýju "utanþingsráðherrana" í Kastljósi kvöldsins.  Skemmtileg tilbreyting að vera laus við pólitískan áróður í annarri hverri setningu.

Ekkert fum og ekkert fát og þau stökkva fullsköpuð og fagleg inn í ráðherraembætti, sem þingmenn hafa talið sig eiga og litið á sem stöðuhækkun í gegnum tíðina.

Það er örugglega engin tilviljun að maður skilur betur mál þeirra, sem hafa vit á því sem um er rætt

Þingmenn eiga að vera þverskurður þjóðarinnar - þeir eiga að semja lög - þeir eiga að vera löggjafavald.  Ráðherrar eru með framkvæmdavaldið, þeir eiga að veljast á eins faglegum forsemdum og kostur er.  Ég er sátt við valið á þessum "utanþingsráðherrum"......alla vega enn sem komið er

Hugmyndafræðin var röng

Athugasemdir

[Kolbrún Hilmars, 2.2.2009 kl. 21:38]

Sigrún,  "mey skal að morgni lofa" en ég tek undir með þér - mér líst vel á þessi tvö   

[Rut Sumarliðadóttir, 2.2.2009 kl. 21:46]

Greinin hljómar vel, sá ekki Kastjósið, takk fyrir það. Ég er líka sátt við valið. Styð þessa stjórn, miðað við það sem ég hef lesið af verkefnalista þeirra, vona að verkin verði jafn góð. Ef ekki þá er stutt í kosningar.

[Einar Áskelsson (IP-tala skráð) 2.2.2009 kl. 21:47]

Algjörlega sammála þér Sigrún. Horfði ákveðið og hlustaði grannt. Ekkert fum og fát. Engin óþörf loforð en ekkert samt dregið til baka. Gylfi hefur talað mikið sem álitsgjafi síðan hrunið varð og ég treysti þessum manni vel að standa við stóru orðin. Þarna var hann bara sjálfsögðu kurteis og kunni sig. Lætur svo vonandi verkin tala...hratt! Það sama gildir fyrir nýja dómsmálaráðherrann. Mikið sjálfstraust og er fullviss um að hún hafi þekkinguna. Flott.

[Hrönn Sigurðardóttir, 2.2.2009 kl. 22:11]

Líst rosa vel á Gylfa. Hef verið að fylgjast svolítið með honum síðan ég hlustaði á hann tala á Austurvelli. Hana "þekki" ég minna en það þýðir ekki endilega að mér lítist ver á hana.

[Svanur Gísli Þorkelsson, 2.2.2009 kl. 22:29]

Já það blésu sannarlega "ferskir vindar". En ég vona að ég hafi bara verið svona glámskyggn, því mér fannst hún svolítið bjúrókratísk og bera þess merki að hafa þurft að sæta ákvörðunum annarrra.

[Jenný Anna Baldursdóttir, 2.2.2009 kl. 23:07]

Ég er alveg ánægð...... ennþá.

[Rannveig H, 3.2.2009 kl. 01:00]

Ég er fullkomlega ánægð með Gylfa og þetta er góður fagmaður.

Ég mun sakna hans og vona að hann gerist ekki stjórnmálamaður.

[Jóna Kolbrún Garðarsdóttir, 3.2.2009 kl. 01:13]

Heyr, heyr ég er sammála.

[Kristján Arnar Helgason (IP-tala skráð) 3.2.2009 kl. 01:19]

Látum oss vona og biðja, að í framtíðinni verði ráðherrar valdir vegna mannkosta , kunnáttu og þekkingar á þeim verkefnum sem þeir verða skipaðir í. Kv. K.A.H.

[Gudrún Hauksdótttir, 3.2.2009 kl. 04:32]

Sá  ekki kastljósid en knús kvedjur til tín.

[Baldur Gautur Baldursson, 3.2.2009 kl. 09:02]

Sammála þér í því!  Góðir utanþingsráðherrar!   

[Hallgerður Pétursdóttir (IP-tala skráð) 3.2.2009 kl. 09:22]

Held að það reyni nú lítið á utanríkisráðherra þessa daga sem betur fer. Hef aldrei skilið brautargengi Össurar í pólitík.

[Ásthildur Cesil Þórðardóttir, 3.2.2009 kl. 10:30]

Já mér leist vel á þessar tvær manneskjur, og hef trú á að þau muni gera góða hluti.  Svo er að sjá hvernig gengur.  Mig hefur dreymt skrýtilega undanfarið, verð að segja að þeir draumar benda ekki á bjarta tíma framundan með stjórinan okkar, en vonandi er það bara vitleysa.  Það er samt í mér einhver uggur, ég held að ég sé smeyk við hlut(leysi) framsóknar í þessu.  Guð veit að ég vona að þetta reynist ekki rétt hjá mér.

[Sigríður Ásdís Karlsdóttir, 3.2.2009 kl. 13:57]

Sigrún mín, er nokkuð hægt að gera annað en biða og sjá, ,,,jú og vona það besta.   Ef þú segir þau traustsins verð trúi ég því .Treysti þinni dómgreind og reynslu.Kærar kveðjur frá Norge.

[Hólmdís Hjartardóttir, 3.2.2009 kl. 14:23]

já við getum leyft okkur bjartsýni

[Auður Proppé, 3.2.2009 kl. 15:43]

Sammála, vonum að þeir haldi sér á þessu striki

[Sigrún Jónsdóttir, 3.2.2009 kl. 16:37]

Takk fyrir innlit og innlegg kæru bloggvinir

[Rakel Sigurgeirsdóttir, 3.2.2009 kl. 19:01]

Ég tek undir með þér og Hólmdísi. Það sakar a.m.k. ekki að leyfa sér einhverja bjartsýni eftir undangengna tíma. Það er líka allt annað mál að hlutsta á fólk sem veit um hvað það er að tala og þarf ekki að fela vanþekkingu og óheiðarleika undir óskiljanlegum orðaflaumi!

[Helga Magnúsdóttir, 3.2.2009 kl. 20:21]

Mér líst alveg rosalega vel á nýju ríkisstjórnina. En eins og fólk segir þá hefur hún ekki mikinn tíma til að sanna sig. Vonandi verður hún bara kosin aftur ef hún stendur sig vel.

[Heidi Strand, 3.2.2009 kl. 22:45]

[Ásdís Sigurðardóttir, 3.2.2009 kl. 23:07]

Veit bara ekkert hvað er rétt eða gott í dag.