17. mótmælafundurinn á Austurvelli.

Amma, hvenær má ég eiginlega fara að mótmæla með þér?  Ég veit alveg hvað kreppa er sagði Kristrún Amelía 8 ára við mig í kvöld meðan ég beið eftir fréttum af stjórnarmyndun, sem urðu hálf rýrar.

Myndir af friðsælum Austurvallar mótmælum liðu um skjáinn á túpusjónvarpinu mínu og ungfrúin tjáði ömmu sinni hvað Kreppa væri.  Kreppa er svona menn, sem ráða í bönkunum, sem hafa stolið öllum peningunum okkar og farið með þá til útlanda og falið þá og svo vanhæf ríkisstjórn

Hvernig veistu svona mikið? spurði ég stærsta fjörkálfinn minn.  Iss, það vita þetta allir, krakkar líka en samt megum við ekki mótmæla

Er að velta því fyrir mér hvort ekki sé óhætt að fara með hana á morgun og hlusta á Lögreglu- og Þjóðkórinn, sem ætla að troða upp á 17. "mótmælafundinum" á Austurvelli  Hei, hei, jibbý, jibbý......

Veit ekki hvort ég á að vera að tjá mig einhver ósköp um þá biðstöðu, sem komin er í stjórnarmyndunarviðræður.  Finnst þetta allt hálf undarlegt og ýldufílan af gömlu klækjabrögðunum, sem einkenna pólitíkusa, nýja og gamla veldur manni ógleði

Kannski fæ ég ósk mína uppfyllta fyrr en varir.  Kannski verður utanþingstjórn að veruleika, vegna þess að pólitíkusarnir sitja fastir í sandkassanum sínum

Ég ætla ekki að missa af 17. mótmælafundinum á morgun kl. 15:00 og hlakka til að hlusta á Katrínu Snæhólm bloggvinkonu, sem hefur verið að skrifa hvern snilldarpistilinn á fætur öðrum undanfarið.

Áður nefndir kórar munu hefja upp raust sína fyrir og eftir ræðuhöld.

Ávörp og ræður:

• Viðar Hreinsson, bókmenntafræðingur
• Katrín Snæhólm Baldursdóttir, listakona
• Viðar Þorsteinsson, heimsspekingur

 

Fundarstjóri er Hörður Torfason

 

Þjóðkórinn á Austurvelli

Athugasemdir

[Sigríður Ásdís Karlsdóttir, 30.1.2009 kl. 23:41]

Sigrún mín megi ósk þín rætast. Baráttukv, og góða helgi til þín og þinna

[Hólmdís Hjartardóttir, 31.1.2009 kl. 00:06]

Taktu hana bara með þér ekkert að því

[Sigrún Jónsdóttir, 31.1.2009 kl. 00:09]

Takk Sirrý mín

Hólmdís, bíllinn minn sagði bæ,bæ í bili allavega í gær....en ég verð samt í sambandi á morgun

[Jóna Kolbrún Garðarsdóttir, 31.1.2009 kl. 00:23]

Kvitt ég mæti líka

[kolbrún Bára (IP-tala skráð) 31.1.2009 kl. 01:00]

Þarna er bara sannkölluð hátíðardagskrá í uppsiglingu, svei mér ef ég dríf mig ekki barasta. Sjáumst.

[Jakobína Ingunn Ólafsdóttir, 31.1.2009 kl. 01:33]

Fjölmennum á austurvöll...

[Ía Jóhannsdóttir, 31.1.2009 kl. 05:45]

[Auður Proppé, 31.1.2009 kl. 10:29]

Baráttukveðjur

[Rut Sumarliðadóttir, 31.1.2009 kl. 11:38]

Baráttukveðjur úr Keflavíkinni.

[Jenný Anna Baldursdóttir, 31.1.2009 kl. 13:24]

Ég er með bullandi hita og kemst ekki.

Ætla að senda vinkonu minni öflugar stuðningsbylgjur að heiman.

Góða skemmtun.

[Hrönn Sigurðardóttir, 31.1.2009 kl. 18:49]

Gaman að hitta þig

[Aprílrós, 31.1.2009 kl. 19:57]

Já það er allt í lagi að taka skvísuna með sem hefur sína skoðun, og já ég vona að óskin þín rætist :) Baráttukveðjur til þín og allra, ég hefði viljað fara og hlusta á kórana en ég verð annarsstaðar á þessum tíma. :)

[Gudrún Hauksdótttir, 31.1.2009 kl. 22:43]

Svona stúlka sem hefur sterkar skodanir á hvad kreppa má alveg mæta á svædid.Eru ekki rólyndis búsáhaldamótmæli tad vinsælasta núna.

Hjartanskvedjur.

[Sigrún Jónsdóttir, 31.1.2009 kl. 23:00]

Takk fyrir innlit allar  Fundurinn í dag var frábær og það var svo uppörvandi að finna að baráttuandinn er ennþá til staðar....engin uppgjöf.  Katrín var hreint út sagt meiriháttar

Eftir fund var haldið á Hressó með Hólmdísi Jakobínu og Maju

Prinsessan mín valdi danstíma fram yfir mótmælin

Hrönn, það var svo gott að hitta þig

[Heidi Strand, 1.2.2009 kl. 00:03]

Takk fyrir í dag. Flottur fundur , fallegur söngur í fallegu veðri.
Ræðan hennar Katrínar var frábær!