Internationalinn!

Baráttusöngur verkalýðsins hefur sjaldan átt jafn vel við og einmitt núna.  Venjulega syngjum við bara fyrsta erindið með viðlagi en í dag hrópuðu öll erindin á mig:

Fram, þjáðir menn í þúsund löndum
sem þekkið skortsins glímutök !
Nú bárur frelsis brotna á ströndum
boða kúgun ragnarök
Fúnar stoðir burtu vér brjótum
Bræður! Fylkjum liði í dag !
Vér bárum fjötra, en brátt nú hljótum
að byggja réttlátt þjóðfélag

Þó að framtíð sé falin,
grípum geirinn i hönd !
Því Internationalinn
mun tengja strönd við strönd

Á hæðum vér ei finnum frelsi,
hjá furstum eða goðaþjóð;
nei, sameinaðir sundrum helsi
og sigrum, því ei skortir móð.
Alls hins stolna aftur vér krefjumst,
ánauð þolir hugur vor trautt,
og sjálfir brátt vér handa hefjumst
og hömrum meðan járn er rautt

Vér erum lagabrögðum beittir
og byrðar vorar þyngdar meir,
en auðmenn ganga gulli skreyttir
og góssi saman raka þeir.
Nú er tími til dirfsku og dáða.
Vér dugum, - þiggjum ekki af náð,
Látum bræður því réttlætið ráða,
svo ríkislög vor verði skráð

Til sigurs, eining öreiganna
með alþýðunnar stolta nafn
Þín jörð er óðal allra manna,
en ekki fyrir gamm né hrafn !
Þeirra kyn skóp þér örbirgð og ótta
en er þeir skuggar hverfa úr sýn
einn vordag snemma á feigðarflótta
mun fegurð lífsins verða þín

Sókn til frelsis er falin
vorri fylkingu í dag
unz Internationalinn
er allra bræðralag

 

Höf.: Eugén Pottier
þýð.: Sveinbjörn Sigurjónsson

Athugasemdir

[Hlédís, 1.5.2009 kl. 23:50]

Þakka þér pistilinn, Sigrún!

Alltaf viðeigandi - og mjög svo hér og nú!

[gaddur, 2.5.2009 kl. 00:02]

[Hrönn Sigurðardóttir, 2.5.2009 kl. 00:35]

Það er eins og gaurinn hafi verið skyggn!!

[Jenný Anna Baldursdóttir, 2.5.2009 kl. 01:36]

Ég elska Nallann.  Takk fyrir þetta.

[Jóna Kolbrún Garðarsdóttir, 2.5.2009 kl. 02:14]

Takk fyrir mig!

[Þórarinn Þ Gíslason (IP-tala skráð) 2.5.2009 kl. 03:22]

Sæl Sigrún .

Ég hef ekki séð öll erindin fyrr.

Í gamla dagspilaði ég í Lúðrasveit Ísafjarðar á Tenor horn og mér er minnisstæður 1.MAI sennilega 62 eða 3 þá var spilað í Súðavík og Ísafirði en ég man eftir því að það var frost þennan dag og mikil barátta að halda sér og Hljóðfærunum heitum ,en NALLINN fór í loftið bæði í Súðavík og Ísafirði þann daginn.

Kveðja.

[Ía Jóhannsdóttir, 2.5.2009 kl. 07:09]

OK er textinn svona hehe  aldrei séð öll erindin fyrr svo takk  fyrir þetta

Njóttu helgarinnar Sigrún mín.

[Ragna Birgisdóttir (IP-tala skráð) 2.5.2009 kl. 09:08]

Takk fyrir þetta.

[Ásdís Sigurðardóttir, 2.5.2009 kl. 14:25]

Innlitskvitt og kær kveðja.

[Hallgerður Pétursdóttir (IP-tala skráð) 2.5.2009 kl. 16:43]

Flott og þarft sem aldrei fyrr. Takk fyrir mig..

[Gudrún Hauksdótttir, 3.5.2009 kl. 06:17]

Tusind tak kære Sigrun

Hilsen fra Hyggestuen

[Rut Sumarliðadóttir, 3.5.2009 kl. 12:51]

Fram, fram fylking...nei ég meina Samfylking!!!!!!!! Ég er alveg að fara að syngja......

[Ásthildur Cesil Þórðardóttir, 3.5.2009 kl. 16:35]

Takk fyrir þetta gaman að fá hann allann svona á einum stað  Er nýkomin úr sundi á Suðureyri, Jói var að vinna. 

[Hólmdís Hjartardóttir, 4.5.2009 kl. 01:13]

takk

[Marta smarta, 4.5.2009 kl. 15:33]

Börnin mín sögðu að 1. maí væri "þjóðhátíðardagurinn hennar mömmu" og hann er það, fæ alltaf gæsahúð yfir Nallanum.

Takk fyrir upprifjunina.

[Sigríður Ásdís Karlsdóttir, 4.5.2009 kl. 22:44]