Íslenskir kaupsýslumenn hugsa líka stórt!

Iss....við ætlum sko að byggja nýtt "hátæknisjúkrahús", leigja aðstöðuna út til Róberts Wessman, sem ætlar að flytja inn ameríska offitusjúklinga.  Þetta verður sjálfbært "hátækni" sjúkrahús, byggt á einni hæð og þ.a.l. engar lyftur.

"Sjúklingarnir" verða látnir hlaupa um gangana í leit að mat....sem verður af skornum skammti...Nýuppgötvaðir ástríðufullir "grasræktendur" fá aðstöðu í öllum gluggum hússins til ræktunar á heilsusamlegu grænmeti

Ekki þarf að ráða "hámenntað" starfsfólk, en íslenskum fjárhundum verður beitt á "letingjana" í hópnum

Farin í vinnuna......engin "hátækni" þar

Hyggst smíða nýtt Titanic

Athugasemdir

[Hilmar Gunnlaugsson, 26.3.2009 kl. 16:50]

Af hverju telur þú hátæknisjúkrahús vitlausa hugmynd?

[Sigrún Jónsdóttir, 26.3.2009 kl. 21:16]

Hilmar minn, það er langt frá því að mér finnist hátæknisjúkrahús vitlaus hugmynd.  Við eigum nokkur mjög góð hátæknisjúkrahús, sem dreifast á flesta landsfjórðunga.

En mér finnst það ekki góð hugmynd að reisa stærsta sjúkrahús landsins í námunda við gamla miðbæinn....tel að hann væri betur staðsettur í Fossvoginum....mikið meira miðsvæðis þar fyrir stórt og mannmargt svæði:)

Svo finnst mér hönnun nýja sjúkrahússins ekki vera beint hátæknileg með alla sína löngu ganga út og suður...."hátæknisjúkrahús" ætti að byggja upp í loftið....og það gerir maður ekki við hliðina á flugvelli sem kemur til með að vera þarna í langan tíma í viðbót:)

Annars var ég bara með hálfgerðu óráði þegar ég skrifaði þetta í dag...er komin með bullandi hita og hálsbólgu:(

[Hólmdís Hjartardóttir, 26.3.2009 kl. 21:21]

sammála þer spítalinn ætti ekki að veraá Landspítalalóðinni...

[Helga Magnúsdóttir, 26.3.2009 kl. 22:13]

Sammála þér í einu og öllu. Ekki má setja öll fjöregg þjóðarinnar í sömu körfuna.

[Jóna Kolbrún Garðarsdóttir, 27.3.2009 kl. 01:15]

Ætli það þurfi að ráða erlent starfsfólk á þetta nýja hátæknisjúkrahús?  Þeir eru að segja upp fólki til hægri og vinstri á gömlu hátæknisjúkrahúsunum.  Ég hef aldrei skilið þetta dæmi með nýja hátæknisjúkrahúsið á meðan deildum var lokað vegna sparnaðar, og fárveikt fólk sent heim til sín vegna manneklu. 

[Sigrún Jónsdóttir, 27.3.2009 kl. 01:29]

Nákvæmlega Jóna Kolbrún!

[Rut Sumarliðadóttir, 27.3.2009 kl. 10:59]

Mér finnst þetta ógeðslega skekktileg lýsing hjá þér Sigrún, hlaupandi um gangana leitandi að mat, hahaha

[Ásthildur Cesil Þórðardóttir, 27.3.2009 kl. 11:02]

SKemmtilegur pistill, og ég er algjörlega sammála þér, það á frekar að bæta og styrkja fjórðungssjúkrahúsin í hverjum fjórðungi, og nýtt sjúkrahús væri betur komið í Fossvoginum, þar sem væri meiri ró og meira pláss.  Hver fann annars upp á þessu orðskrýpi hátæknisjúkrahús, eru ekki öll sjúkrahús meira og minna tæknivædd? 

[Ásthildur Cesil Þórðardóttir, 27.3.2009 kl. 11:04]

Það mætti jafnvel sérhæfa fjórðungssjúkrahúsin þannig að hvert þeirra hefði ákveðið sérsvið, þar sem mætti senda sjúklingana sem þurfa nákvæmlega það sem er í boði þar.